PAOLE 30:15 - KITTA' MATANGKASA'

¹⁵ Anne alloa akkullei nupilei kalase'renna: bajika yareka ja'dalaka, matea yareka attallasaka.

PAOLE 30:15 ပူးပေါင်းရင်းမြစ်များ

PA'JARIANG 2:17

pantaranganna anjo poko' assarea pangngassengang ri passala'na bajika siagang kodia. Takkulleai nukanre rapponna anjo poko' kayua; napunna nukanrei tena tamatenu ia memang anjo allo nukanrena.”

PANGNGEBARANG 12:28

Tau amminawanga ri oloang annabaya lamate'nei ri tallasa'na; tau amminawanga ri oloanna tau ja'dalaka lamangei ri matea.

YESAYA 1:19

Punna erokko mannuruki mae ri Nakke, lanukasia' ngasengi apa bajika, iamintu wassele'na pa'rasangannu.

YEREMIA 21:8

Nampa Nasuroa' Batara akkana kamma anne ri umma'Na, “Pilangngeri! INakke, Batara, assareko kasampatang ampilei kalase'renna: oloang mangea ri katallassanga, yareka oloang mangea ri kamateanga.

YEREMIA 42:21

Kamma-kamma anne le'ba'mi kupabattu pasanNa Karaeng Allata'alata mae ri kau, mingka taerokako anturuki anjo pasanga.

MIKHA 6:8

Tena! Le'ba'mi Napa'nyata Batara mae ri katte apa bajika. Ia Natuntuka battu ri katte iamintu sollanta a'gau' adele', tuli nigaukangi mangngamaseanga, siagang nipakatuna tallasatta asse're mae ri Allata'alata.

MARKUS 16:16

Na inai-nai tatappaka, lanihukkungi. Mingka inai-nai tappa' na nije'ne', iami lanipasalama'.

YOHANES 3:16

Nasaba' lanri Nakamaseang duduna Allata'ala rupataua ri lino, sa'genna Napassareammo Ana' sitau-tauNa, sollanna inai-nai tappa' ri Ia tena nalapanra', passangalinna lanagappai katallassang sitojennaya siagang mannannunganga.

GALATIA 5:6

Nasaba' punna asse'remi tallasatta siagang Almasi, tenamo naparallu anjo nikanaya mannuruki yareka tena, mae ri paratorang sunnaka. Ia mami parallu anjo tappaka mae ri Almasi; na anjo tappaka ma'nassai lalang ri pangngamaseanta mae ri paranta tau.

PAOLE 11:26

Anne alloa akkullei nupilei kalase'renna iamintu barakkaka yareka pattunraya.

PAOLE 30:1

“Kamma-kamma anne akkullei nupilei kalase'renna iamintu barakkaka yareka pattunraya, sangkamma le'baka kupakasingara' mae ri kau. Punna le'ba'mi nukasia' anjo sikontu passessaya siagang attallasakko ri alla'na bansa-bansa maraeng ri tampa'nu nipasisa'la'-sa'la' ri Karaeng Allata'alanu, lanuu'rangimi apa kupassareanga ri kau untu' nupilei.

PAOLE 30:14

Teako akkuta'nang kammai, nasaba' anjo parentaya niaki anrinni. Nuapele'mi siagang akkullemi nupau, jari poro lanugaukang mami.

PAOLE 30:19

Kamma-kamma anne akkullei nupilei kalase'renna iamintu attallasaka yareka matea, barakka' yareka pattunraNa Batara. Kukioki langika siagang buttaya untu' a'jari sa'bi mae ri kaputusannu. Pileimi attallasaka.

PAOLE 32:47

Anne pangngajaranga teai bicara kosong, passangalinna untu' katallassannu. Turuki anjo sikontua parenta, sollanna la'bu umuru'nu ri pa'rasangang tenayamo nasallo nanupantamakki ri ba'leanna Binanga Yordan.”

1 YOHANES 3:23

Ia Napassuroanga mae ri katte iamintu: musti tappakki' mae ri Ana'Na, iamintu Isa Almasi; siagang musti massing sikamaseangki', sangkamma le'baka Napassuroang Almasi mae ri katte.