PAOLE 3:20 - KITTA' MATANGKASA'

²⁰ Bantui julu bansanu sa'genna napammantangngi ke'nanga butta laNapassareanga Karaeng Allata'alanu mae ri ke'nanga ri laukanna Binanga Yordan; kammayatompa sa'genna nisare pangngellai ke'nanga attallasa' siagang amang anjoreng, sangkamma Nagaukanga Batara anrinni mae ri kau. Le'bappi anjo kammaya nampako akkulle ammotere' mae ri butta le'baka kupassareang mae ri kau.

PAOLE 3:20 ပူးပေါင်းရင်းမြစ်များ

PAMMILANGNGANG 32:18

Tena nalammotere' ikambe mae ri balla'na ikambe punna tenapa nanggappa ngaseng tu Israel butta untu' lanapisakai.

PAMMILANGNGANG 32:22

sa'genna niallemo anjo pa'rasanganga, akkulle mako ammotere'; ta'lappasa' mako battu ri kawajibannu mae ri Batara siagang mae ri sikamma sari'battannu, kammayatompa laNasareang mako Batara anjo butta niaka iraya anne untu' ikau ampatangi.

PAOLE 12:9

nasaba' tenapa nuntama' ri pa'rasangang Napassareanga Karaeng Allata'alanu mae ri kau, iamintu tampa' akkullea nupammantangngi siagang amang situlina.

PAOLE 3:21

Nampa kukana ri Yosua: Le'ba'mi nucini' sikontu apa Nagaukanga Karaeng Allata'alanu mae ri Sihon siagang Og, anjo ruaya karaeng. Kamma tomminjo apa laNagaukanga mae ri sikamma karaeng eroka nualle buttana.

YOSUA 1:15

Musti nubantui ke'nanga, sa'genna napantamakki ke'nanga butta niaka ilaukanna anne Binanga Yordan, Napassareanga Karaeng Allata'alanu mae ri ke'nanga. Punna le'ba'mo Nasare Batara kaamangngang sikontu bansa Israel, nampa mako akkulle ammotere' ri butta kalennu irayanganna anne Binanga Yordan, napassareanga Musa atanNa Batara mae ri kau.”

YOSUA 22:2

na nakana mae ri ke'nanga, “Le'ba'mi nugaukang sikontu apa naparentakanga Musa, anjo atanNa Batara, mae ri kau. Nampa nuturuki ngaseng tommi parentaku.

YOSUA 22:4

Jari situru' janjinNa, le'ba'mi Nasare Karaeng Allata'alanu kasalewangngang anjo sikamma sari'battannu maraenga, parannu tu Israel. Jari, kamma-kamma anne ammotere' mako mange ri daera kalennu ri daera rayanganna Binanga Yordan, le'baka napassareang Musa mae ri kau pirangalloang.