PAOLE 3:18 - KITTA' MATANGKASA'

¹⁸ Anjo memang wattua kusaremi ke'nanga parenta kammaya anne: Nasareko Karaeng Allata'alanu daera rayanganna Binanga Yordan untu' a'jari pammantangngannu. Mingka sikontu tantaranu musti angngerangi sanjata nampa a'limbang ri Binanga Yordan ri dallekanna suku-suku Israel maraenga.

PAOLE 3:18 ပူးပေါင်းရင်းမြစ်များ

PA'JARIANG 15:7

Nampa Nakana pole Batara ri ia, “INakkemi Batara, le'baka anrurungangko assulu' battu ri pa'rasangang Ur ri Babilonia, sollanna Kupassareang anne buttaya mae ri kau untu' nukammai.”

PAMMUJI 136:21

Pa'rasanganna ke'nanga Napassareangi mae ri umma'Na; pangngamaseanNa sa'genna satunggu-tungguna;

PAMMILANGNGANG 33:53

Anjo buttaya musti nuallei siagang nuempoi, nasaba' le'ba'mi Kupassareang mae ri kau.

PAOLE 12:1

“Iaminne hukkung-hukkung mustia nuturuki lalang sikontu umuru' katallassannu ri pa'rasangang Napassareanga Batara, Allata'alana boe-boenu, mae ri kau.

PAOLE 15:4

LaNabarakkakiko Karaeng Allata'alanu ri pa'rasangang Napassareanga mae ri kau. Jari latena tu kasi-asi ri tangnga-tangngana bansanu,

PAOLE 19:14

“Punna battu mako mange ri pa'rasangang Napassareanga Karaeng Allata'alanu mae ri kau, teako paletteki garisi'-garisi' pa'baeng-baenna buttana siampi' balla'nu le'baka nipattantu riolo.”

PAOLE 19:2

anjo daeraya musti nubagei a'jari tallu bageang, massing tasse'rei kota palariang ia gampanga narapi' nabattui tau le'baka ammuno. Punna nia' tau tena nakunjungi ambunoi paranna tau nateai musunna, akkullei lari mange ri kalase'renna anjo kota palarianga untu' anggappa pa'la'langngang.

PAOLE 19:7

Lanri kammana minjo nakuparentakangko ampasadiai anjo tallua kota.

PAOLE 21:1

“Ebara' angkana ri anjo pa'rasangang Napassareanga Karaeng Allata'alanu nia' tau nigappa mate nibuno ri kokoa nampa taniassenga angkana inai ambunoi.

PAOLE 25:19

Lanri kammana anjo, punna Napassareammo Karaeng Allata'alanu anjo pa'rasanganga mae ri kau, siagang amang mako battu ri sikamma musunnu niaka ri tammulilinu, anjo sikontu tu Amalek musti nubuno ngasengi sa'genna nikaluppaimo ke'nanga. Teako kaluppai!”

PAOLE 5:31

Mingka ikau Musa, ammoterekko siagang ammantangko anrinni siagang iNakke; laKupassareangi mae ri kau sikontu hukkungKu siagang parentaKu. Pangngajarrangi mae ri ke'nanga, sollanna naturuki ke'nanga ri pa'rasangang Kupassareanga mae ri ke'nanga.’

PAOLE 6:1

“Nasuroa' Karaeng Allata'alanu ampangngajarrangi sikontu anne hukkunga mae ri kau ngaseng, sollanna nugaukangi sallang ri pa'rasangang tenayamo nasallo nanupammantangngi.

PAOLE 9:6

Tappa' mako angkanaya teai passabakkang siratannu antarimai anjo butta copponga na Napassareang mae ri kau. Tena! Nasaba' ikau anne bansa kapala batuko.

YOSUA 1:11

sollanna a'lampa ke'nanga akkuliling ri sikontu pakkemaanna umma' Israel siagang napabattu anne parentaya angkana, “Appasadiako bokong, nasaba' tallungallo mami numusti a'limbang ri Binanga Yordan untu' ampantamakki pa'rasangang Napassareanga Karaeng Allata'alanu mae ri kau.”