PAOLE 3:13 - KITTA' MATANGKASA'

¹³ Anjo sesa bageruanna daera Gilead kupassareangi mae ri bageruanna suku Manasye; kammayatompa daera Basan le'baka nijaja ri Karaeng Og iamintu sikontu daera Argob.” (Anjo Basan alla'bangi niasseng salaku pa'rasanganna tu Refaim.

PAOLE 3:13 ပူးပေါင်းရင်းမြစ်များ

PA'JARIANG 14:5

Ri taung makasampulona angngappa', battumi Karaeng Kedorlaomer siagang aganna ngaseng angngerangi tantarana ke'nanga. Nampa nabetamo ke'nanga tu Refaim ri Asyterot-Karnaim, tu Zuzim ri Ham, tu Emim ri Syawe-Kiryataim,

2 KARAENG-KARAENG 10:33

niaka ri bageang rayanganna Binanga Yordan sa'genna timboro' ri kota Aroër ri ampi'na Binanga Arnon, antama' tommi daera Gilead siagang Basan, tampa' pammantanganna suku Gad, Ruben siagang Manasye bageang raya.

PAOLE 29:7

Siagang ri wattunta battu mae anrinni, battui Karaeng Sihon battu ri Hesybon siagang Karaeng Og battu ri Basan untu' ambundukiki'. Mingka nibetai anjo ke'nanga.

PAOLE 29:8

Niallei buttana ke'nanga nampa nibage mae ri suku Ruben siagang Gad, kammayatompa sipa'gang suku Manasye.

PAOLE 3:12

“Ri wattunna nikammaimo anjo buttaya, kupassareammi ri Ruben siagang mae ri Gad daera warakkanna kota Aroër ri ampi'na Binanga Arnon, siagang sipa'gang battu ri daera monconna Gilead kammayatompa kota-kotana.

PAOLE 3:14

Yair battu ri suku Manasye angngallei anjo sikontu daera Argob, iamintu battu ri Basan sa'genna ri pa'baeng-baenna Gesur siagang Maakha. Naaremmi anjo desa-desaya sangkamma areng kalenna, na sa'genna kamma-kamma anne tuli alla'banna niasseng salaku desa-desa Yair.)

PAOLE 3:4

Anjo wattua nirampasa'mi sikontu kotana ke'nanga; tena manna se're ammantang tassesa. Kabusu'na nia' annampulo kota nirampasa' ri sikontu daera Argob, niparentaya ri Karaeng Og battu ri Basan.