PAOLE 3:11 - KITTA' MATANGKASA'

¹¹ Anjo Karaeng Og iami karaeng kala'busanga ri tu Refaim. Patti maya'na iamintu batu nipare'; la'buna appa' metere' na sangkara'na a'biringi rua metere' situru' siagang ukkurang le'baka nipattantu. Sa'genna kamma-kamma anne akkulle iji nicini' ri Raba, kotana tu Amon.)

PAOLE 3:11 ပူးပေါင်းရင်းမြစ်များ

PA'JARIANG 14:5

Ri taung makasampulona angngappa', battumi Karaeng Kedorlaomer siagang aganna ngaseng angngerangi tantarana ke'nanga. Nampa nabetamo ke'nanga tu Refaim ri Asyterot-Karnaim, tu Zuzim ri Ham, tu Emim ri Syawe-Kiryataim,

PA'JARIANG 6:15

Anjo kappalaka pareki 133 metere' la'buna, 22 metere' sangkara'na, siagang 13 metere' tinggina.

2 SAMUEL 11:1

Biasana wattu accu'la'na leko'-leko' kayua namaju sikamma karaenga a'bundu'. Na ri wattu accu'la'na leko'-leko' kayua anjo taunga nasuromi Daud anjo Yoab maju a'bundu' siagang ngaseng sikamma perwiraya siagang sikontu tantara Israel; nampa nabetamo ke'nanga tu Amon siagang nakurummi kota Raba. Mingka Daud ammantangi ri Yerusalem.

2 SAMUEL 12:26

Lalanna anjo wattua a'bundu' iji Yoab assiewa kota Raba, iamintu ibukotana Amon, siagang a'birimmi naalle anjo kotaya.

YEREMIA 49:2

Mingka lanarapiki sallang wattunna nalaKupilangngeriang pandudu'na Raba, ibukotana anjo Amon, iamintu sa'ra-sa'ra pakkio' pa'bundukang. Anjo kotaya la'jari rumbangngangi siagang desa-desa niaka ri tammulilina lala'busuki nakanre pepe'. Nampa Israel lanaallei ammotere' buttana battu ri tau le'baka riolo angngalle passai.

YEHEZKIEL 25:5

Kota Raba la'jari tampa' pakkalawakiang unta, siagang sikontu pa'rasangang Amon la'jari tampa' pakkalawakiang gimbala'. Jari nuassemmi angkanaya iNakkemi Batara.’ ”

AMOS 1:14

Lanri kammana anjo, lakkiringA' pepe' mae ri tembo'-tembo'na kota Raba, siagang Kutunu sa'genna cappu' sikamma pattahanganna. Anjo wattua lania' nilangngere' karicuang pa'bundukang, siagang anjo pa'bundukanga hebaki sanrapang anging lompo dudua.

AMOS 2:9

Mingka manna nakamma, he ummakKu, untu' ikaumi naKupanraki tu Amori tinggia kalenna rapang poko' camara siagang kassaka rapang poko' kayu terpentin.

PAOLE 2:11

Sangkamma tu Enak, anjo ke'nanga nikana tongi tu Refaim; mingka niarengi ke'nanga ri tu Moab: Tu Emim.

PAOLE 2:20

Anjo daeraya a'la'bang tongi niasseng nikana pa'rasangang Refaim, iamintu arenna bansa le'baka ammantang riolo anjoreng; niarengi ke'nanga ri tu Amon; tu Zamzumim.

YOSUA 12:4

Karaeng maraeng nibetaya ri tu Israel iamintu Karaeng Og battu ri pa'rasangang Basan, niaka ammantang ri Asytarot siagang Edrei. Iami kalase'renna tau tassesaya battu ri bansa Refaim.

YOSUA 13:12

Daerana ke'nanga antama tongi daera kakoasanna Karaeng Og, karaeng kala'busanna tu Refaim, ammarentaya ri Asytarot siagang Edrei. Le'ba'mi nabeta Musa anjo bansa-bansaya siagang nabongka ke'nanga assulu' battu ri daerana ke'nanga.

PAPPICINI' 21:17

Ri wattunna naukkuru' anjo malaekaka tembo'na, a'nassami angkanaya annampulo metere' tinggina. Anjo ukkurang napakea malaekaka iaminjo ukkurang le'baka napake rupataua.

1 SAMUEL 17:4

Na nia'mo se're tau pore assiba'ji iamintu niarenga Goliat, tu battu ri kota Gat, assuluki battu ri kemana tu Filistin untu' ampa'ngarai tu Israel. Tinggina nia' kira-kira tallu metere',