PAOLE 3:1 - KITTA' MATANGKASA'

¹ “Nampa a'giokki' a'lampa wara', mange ri Basan. Majumi Karaeng Og, iamintu karaeng Basan, siagang sikontu tantarana untu' ambundukiki' ri ampi'na kota Edrei.

PAOLE 3:1 ပူးပေါင်းရင်းမြစ်များ

NEHEMIA 9:22

Kisarei ke'nanga pammetang mae ri jaia kakaraengang siagang bansa ri pa'baeng-baeng pa'rasanganna ke'nanga. Hesybon, pa'rasanganna Karaeng Sihon, naempoimi ke'nanga; Basan, pa'rasanganna Karaeng Og, natampakkimi ke'nanga.

PAMMUJI 136:20

siagang Og, karaeng Basan; pangngamaseanNa sa'genna satunggu-tungguna.

PAOLE 1:4

Anjo kajariangi ri le'ba'namo Musa ambetai Sihon, iamintu karaeng Amori, ammarentaya ri kota Hesybon; kammayatompa le'ba' tommi nabeta Og, karaeng Basan, ammarentaya ri kota-kota Asytarot siagang Edrei.

PAOLE 2:32

Nabattumo Sihon siagang sikontu pasukanna untu' ambundukiki' ri ampi'na kota Yahas.

PAOLE 29:7

Siagang ri wattunta battu mae anrinni, battui Karaeng Sihon battu ri Hesybon siagang Karaeng Og battu ri Basan untu' ambundukiki'. Mingka nibetai anjo ke'nanga.

PAOLE 3:2

Mingka Nakanamo Batara mae ri nakke, ‘Teako mallakki mae ri ia, Musa. LaKupassareangi anjo taua mae ri kau, kammayatompa tantarana siagang sikontu daerana. Gaukammi mae ri ia sangkamma apa le'baka nugaukang mae ri Sihon, karaenna tu Amori ammarentaya ri Hesybon.’

PAOLE 31:4

LaNapanraki Batara anjo bansa-bansaya, sangkamma Nabetana Sihon siagang Og, karaeng Amori siagang naancuru' pa'rasanganna ke'nanga.

PAOLE 4:47

Naempoimi ke'nanga anjo buttana Karaeng Sihon, kammayatompa buttana Karaeng Og battu ri Basan, karaeng maraenna tu Amori, ammantanga ri rayanganna Binanga Yordan.

YOSUA 12:1

Daera niaka ri bageang rayanganna Yordan, battu ri Ka'bung Binanga Arnon tulusu' nai' ri Ka'bung Yordan sa'genna mange ri Moncong Hermon bellana ri bageang wara', le'ba'mi nialle siagang nipammantangngi ri tu Israel. Nia' rua karaeng nabetaya ke'nanga.

YOSUA 12:4

Karaeng maraeng nibetaya ri tu Israel iamintu Karaeng Og battu ri pa'rasangang Basan, niaka ammantang ri Asytarot siagang Edrei. Iami kalase'renna tau tassesaya battu ri bansa Refaim.

YOSUA 13:30

Pa'baeng-baenna daerana ke'nanga sa'genna mange ri Mahanaim, kammayatompa sikontu daera Basan – iamintu sikontu daera kakoasanna Og, karaeng Basan, kammayatompa annampuloa kampong-kampong Yair ri Basan.

YOSUA 9:10

siagang apa Nagaukanga mae ri anjo ruaya karaeng Amori irayanganna Yordan, iamintu Karaeng Sihon ri Hesybon siagang Karaeng Og ri Basan ammantanga ri Asytarot.