PAOLE 29:6 - KITTA' MATANGKASA'

⁶ Tena roti lanukanre siagang tena je'ne' anggoro' yareka inungang terasa' lanuinung, mingka Nasareko Batara sikontu apa nuparalluanga sollanna nuasseng angkanaya Iami Karaeng Allata'alanu.

PAOLE 29:6 ပူးပေါင်းရင်းမြစ်များ

NEHEMIA 9:15

Ri wattu cipuru' siagang kurang kanre, Kipaturungi rotia battu rate ri langi'. Battu ri batu terasa', kassa' siagang jarre' Kipasolong sarring je'neka untu' passau turere. Kisuroi ke'nanga angngempoi buttaya ia le'baka Kipa'janjiang ri ia lalang sumpa.

KALAPPASSANG 16:12

“Kulangngereki pa'moro-morona ke'nanga tu Israel. Pauammi ke'nanga angkana punna karueng langgappami ke'nanga dageng, siagang punna bari'basa' langnganrei ke'nanga roti sa'genna bassoro'. Jari lanaassemmi ke'nanga angkanaya iNakkemi Batara, Allata'alana ke'nanga.”

KALAPPASSANG 16:35

Anjo mannaya a'jari kanrena tu Israel patampulo taung ribokoanganna, sa'genna battu ke'nanga mange ri Kanaan, tampa' pammantangang situlina ke'nanga. (

PAMMILANGNGANG 16:14

Sikontutojenna tena nanuerangi ikambe mange ri butta copponga yareka tena nanusarei ikambe koko siagang koko anggoro' untu' pisaka mae ri kambe! Kamma-kamma anne erokko antipui ikambe! Tena! Tena naero' ikambe battu mae ri kau!”

PAMMILANGNGANG 20:8

“Allei takkang niaka ri dallekanna Patti Parjanjianga, nampa ikau siagang Harun musti nupasse'rei sikontu ummaka. Ri dallekanna ngaseng ke'nanga, musti akkanako mae ri bulu' batu niaka anjoreng sollanna appasulu' je'ne'. Kammaminjo batenu ampasuluki je'neka battu lalang ri anjo bulu' batua sollanna akkulle angnginung ra'yaka siagang olo'-olo' piarana ke'nanga.”

1 KORINTUS 10:4

siagang para angnginummi ke'nanga je'ne' inung rohani sangkammaya. Angnginung ngasemmi ke'nanga battu ri je'ne' assuluka ri bulu' batu rohani niaka anrurungangi ke'nanga; anjo bulu' batua iamintu KalenNa Almasi.

1 KORINTUS 9:25

Inai-nai a'latihang, musti naparrangngipi kalenna ri sangka' rupaya apa-apa. Naia naappakamma anjo lanri ero'na nipakalongi bunga pammetang, iamintu bunga akkullea kalumeng. Mingka ikatte anne niparrangngi kalenta ri sangka' rupaya lanri erotta nipakalongi bunga tenaya nakkulle kalumeng.

EFESUS 5:18

Teako nabengoi anggoro', nasaba' anjo anggoroka akkulleko napanraki. Passangalinna paralluko nikoasai ri RohNa Allata'ala.

PAOLE 2:33

Mingka nipassareammi anjo karaenga mae ri katte ri Karaeng Allata'alata, sa'genna nibetamo siagang ana'-ana'na kammayatompa sikontu tantarana.

PAOLE 29:7

Siagang ri wattunta battu mae anrinni, battui Karaeng Sihon battu ri Hesybon siagang Karaeng Og battu ri Basan untu' ambundukiki'. Mingka nibetai anjo ke'nanga.

PAOLE 3:3

Jari Napassareang tommi Karaeng Allata'alata anjo Karaeng Og siagang ra'ya'na mae ri katte, nampa nibeta kabusu'mo anjo ke'nanga.

PAOLE 3:6

Sikontu anjo kotaya niancuru' kabusuki; sikontu tu bura'nea, tubainea siagang ana'-anaka nibuno kabusuki, sangkamma le'baka nigaukang mae ri kota-kotana Karaeng Sihon battu ri Hesybon.

PAOLE 8:3

Nalappassangko cipuru', nampa Nasareko manna untu' nukanre. Ikau siagang boe-boenu tale'bakako angnganre kanre kammaya anjo rioloangnganna. NaNagaukang Batara anjo kammaya lanri erokko Naajara' angkanaya anjo rupataua tena naporo kanreji bawang nakkulle attallasa', passangalinna battu ri sikontu apa Nakananga Batara.