PAOLE 29:5 - KITTA' MATANGKASA'

⁵ Patampulo taungi sallona Batara ampimpingko a'jappa ri parang lompoa, mingka tena na'jari toa pakeannu siagang sandala'nu.

PAOLE 29:5 ပူးပေါင်းရင်းမြစ်များ

NEHEMIA 9:21

Patampulo taung sallona ri parang lompoa, Kipa'gannaki sikamma kaparalluanna ke'nanga. Pakeanna ke'nanga tale'bakai panra'; bangkenna ke'nanga tapa'risai yareka takkambangai.

PAMMUJI 78:24

Appatarungi gandung battu ri suruga, kanre untu' lanakanrea ke'nanga.

KALAPPASSANG 6:7

LaKuerangko mange ri pa'rasangang Kupa'janjianga ammake sumpa mae ri Abraham, Ishak siagang Yakub; Kupassareangi anjo buttaya mae ri kau a'jari ikau ampatangi. INakkemi Batara.”

KALAPPASSANG 7:7

Anjo wattua 80 taung umuru'na Musa na Harun 83 taung umuru'na, na'lampa ke'nanga mange andallekang ri Karaeng Mesir.

PAMMILANGNGANG 14:33

Patampulo taungi ana'-ana'nu la'jappa ri parang lompoa. Lanri tena namajarre' pa'mai'nu, lasessai ana'-ana'nu, sa'genna matemo tau kala'busanga ri kau.

MATIUS 10:10

Tea tongko angngerangi pammoneang passidakka, yareka pakeang ruang lawara', teako angngerangi sapatu yareka takkang. Nasaba' sikamma tau anjamaya tena tanisareanna kaparalluanna.

PAOLE 1:3

Ri tanggala' se're bulang sampulo asse're lalang taung makapatampulona le'ba'na nabokoi ke'nanga butta Mesir, napabattumi Musa mae ri anjo bansaya sikontu apa Nasuro pabattua Batara mae ri ke'nanga.

PAOLE 8:2

U'rangi! Patampulo taungko Napimping Karaeng Allata'alanu lalang pa'jappang bella ammalo ri parang lompoa. Erokko Naso'ri Batara ilalang ri anjo pa'jappanga, sollanna akkulle Nacini' apa niaka lalang ri atinnu, siagang apaka lanuturukiji parenta-parentaNa yareka tena.

PAOLE 8:3

Nalappassangko cipuru', nampa Nasareko manna untu' nukanre. Ikau siagang boe-boenu tale'bakako angnganre kanre kammaya anjo rioloangnganna. NaNagaukang Batara anjo kammaya lanri erokko Naajara' angkanaya anjo rupataua tena naporo kanreji bawang nakkulle attallasa', passangalinna battu ri sikontu apa Nakananga Batara.

PAOLE 8:4

Lalanna anne patampulo taunga tena na'jari toa pakeannu siagang tena nakkambang bangkennu.

YOSUA 9:13

Nampa anne sikamma pammoneang anggoro'na ikambe beru iji ri wattunna nabonei ikambe; mingka kamma-kamma anne, kicini'mi! Kekke'-kekke' ngasemmi. Pakeanna siagang sapatuna ikambe panra' ngasemmi napakamma pa'jappang bella.”

YOSUA 9:5

iamintu roti kalotoro' siagang ka'di-ka'diangamo. Ammakeang kekke'-kekke'mi ke'nanga siagang sapatu toa le'bakamo nitampeng-tampeng.