PAOLE 29:28 - KITTA' MATANGKASA'

²⁸ A'lappo' hebaki larroNa Batara, siagang lalang larro lompoNa anjo Nabi'bu'mi bansa Israel battu ri buttana ke'nanga nampa Napasambila ke'nanga mange ri pa'rasanganna bansa maraenga. Iaminjo saba'na nania' ke'nanga anjoreng.’

PAOLE 29:28 ပူးပေါင်းရင်းမြစ်များ

1 KARAENG-KARAENG 14:15

laNahukkummi Batara tu Israel sa'genna sanrapang apa-apa ta'ronang-ronanga nianyukkang ri je'ne'. Lanipasuluki ra'ya' Israel ri Batara battu anrinni ri anne pa'rasangang bajika ia le'baka nipassareang ri boe-boena ke'nanga. Lanipatassia'-siaraki ke'nanga anta'leanna Binanga Efrat, lanri napabattuna ke'nanga larroNa Batara, iamintu lanri appare'na ke'nanga patung-patung rewata baine Asyera.

2 KARAENG-KARAENG 17:18

sa'genna larro sikalimo mae ri ke'nanga siagang tenamo Naparhatikangi ke'nanga. Napelaki ke'nanga battu ri butta le'baka Napassareang mae ri ke'nanga. Ia ammantanga tassesa iamintu kakaraengang Yehuda mami.

2 KARAENG-KARAENG 17:23

sa'genna kale'bakkanna tenamo naniparhatikang ke'nanga ri Batara, passangalinna nipela'mi ke'nanga battu ri butta nipassareanga mae ri ke'nanga. A'rupami anjo kajariang kammaya situru' pappakainga' le'baka Napassareang Batara mae ri ke'nanga tete ri ata-atanNa iamintu na'bi-na'bia. Kammami anjo nanierammo tu Israel mange ri butta pammelakkanga ri Asyur, siagang anjoremmi ammantang ke'nanga sa'genna anne alloa.

2 KARAENG-KARAENG 17:6

iamintu ri makasalapannamo taung ammarenta Hosea, naempoimi Salmaneser Samaria. Nampa naengka' tu Israel salaku tunitahang mange ri Asyur. Sipa'gang battu ri ke'nanga nitampakkangi ri kota Halah, sipa'gang maraengannaya ri ampi'na Binanga Habor ri daera Gozan, nampa sipa'gang pole ri kota-kota niaka ri pa'rasangang Madai.

2 PATTOTTORANG 7:20

laKupasulukko battu ri pa'rasangang le'baka Kupassareang mae ri kau. LaKubokoi tongi anne ballaka, le'baka Kupattantu a'jari balla' panynyombang mae ri KalengKu. Kemae-kemaei anne ballaka lanipakatuna siagang lanikakkali ri taua.

EZRA 9:7

Battu ri boe-boena ikambe sa'genna kamma-kamma anne, ikambe ummatTa dorakai ri Katte. Lanri kammana anjo, nasikamma karaenna siagang imanna ikambe nibetami ri karaenna bansa-bansa maraenga. Nibunoi ikambe, niellaki, siagang nierangi mange nipela'. Nihina tojeng-tojemmi ikambe, sangkamma kaadaanga anne alloa.

PAMMUJI 52:5

Ikau la'bi nungaiangngangi kaja'dallanga na kabajikanga, nungaiangngangi a'balle-ballea nakkana tojenga.

PAMMUJI 78:2

Erokka' appasulu' paruntu' kana siagang pangngebarang, nakupakasingara' boto-botoang jammang riolo,

PANGNGEBARANG 2:22

Mingka tau ja'dalaka siagang tau dorakaya lanipasambilai assulu' ri Allata'ala battu ri anjo pa'rasanganga, sanrapang ruku' nibi'buka battu ri buttaya.

PANGNGEBARANG 25:2

Nipakala'biriki Allata'ala lanri apa-apa Narahasiakanga; karaenga nipakalompoi lanri apa akkullea napakasingara'.

YEREMIA 42:10

‘Punna erokko tuli ammantang anrinni ri pa'rasanganga, laKuangkakko, tena nalaKutu'gurangko; laKupaentengko nai', tena nalaKura'bako. Sanna' si'nana nyawaKu lanri Kupabattuna balaya mae ri kau.

YEHEZKIEL 19:12

Mingka nibi'buki ri lima-lima larroa, nampa nipela' naung ri butta. Ammiriki anging battu iraya angkalotori rappo baji'na. Tepoki tangkenna, a'jari kalotoro' nampa nitunu.

YEHEZKIEL 19:13

Kamma-kamma anne nilamungi ri parang kassi', ri butta roso' tenaya je'ne'na.

DANIEL 2:22

Ia assungkei rahasia kaminang lantanga. Naassengi sikontu apa kajarianga lalang ri sassanga. Nikalimbuki ri caya singaraka.

DANIEL 9:7

O Batara, tindakanTa tuli annabai siagang adeleki, mingka ikambe tonji tuli ampakasiriki kalenna ikambe, iamintu ikambe ngaseng ammantanga ri Yudea siagang ri Yerusalem, siagang sikontu julu bansana ikambe le'baka Kipasiara' mange ri pa'rasangang-pa'rasangang bellaya siagang ambania, lanri tenana namajarre' tappa'na mae ri Katte.

PAOLE 28:25

Punna tena numannuruki mae ri Karaeng Allata'alanu, laNalappassangko nibeta ri musu-musunnu. Lanuatoro' bajiki batenu a'bundu', mingka lalariko tassimbung-simbung. Sikontu bansa-bansaya lamalla'-malla' ngasengi anciniki cilaka antujuako.

PAOLE 28:36

Punna tena numannuruki ri Batara Allata'alanu, ikau siagang karaennu laNaerangko Batara mange ri pa'rasanganna bansa maraeng tenaya nanuassengi, siagang tena todong nanaassengi boe-boenu. Anjoreng lanupare' atai kalennu mae ri rewata-rewata nipareka battu ri kayu siagang batu.

PAOLE 28:64

LaNapasisa'la'-sa'lakko Batara ri alla'na bansa-bansaya ri sikontu linoa. Anjoreng lanynyombako mae ri rewata-rewata nipareka battu ri batu siagang kayu, rewata-rewata tenaya nanuassengi siagang tenaya todong nanaassengi boe-boenu.

PAOLE 30:1

“Kamma-kamma anne akkullei nupilei kalase'renna iamintu barakkaka yareka pattunraya, sangkamma le'baka kupakasingara' mae ri kau. Punna le'ba'mi nukasia' anjo sikontu passessaya siagang attallasakko ri alla'na bansa-bansa maraeng ri tampa'nu nipasisa'la'-sa'la' ri Karaeng Allata'alanu, lanuu'rangimi apa kupassareanga ri kau untu' nupilei.

PAOLE 32:34

Nau'rangi Batara panggaukanna musunna ke'nanga, laNahukkungi ke'nanga punna narapi' wattunna.

PAOLE 4:27

LaNapasisa'la'-sa'lakko Batara ri alla'na bansa-bansa maraenga siagang sike'de' mami ri kau lammantanga attallasa'.

PAOLE 6:24

Nasuroki' Karaeng Allata'alata anturuki siagang anggaukangi sikontu anjo parentaya kammayatompa mappakala'biri' mae ri Ia. Punna nigaukangi kammaya anjo, latuli Naparakai bansata sollanta tuli salewangang lalang tallasatta.

PAOLE 8:18

U'rangi angkanaya sikontu tojenna Karaeng Allata'alanu ansareko kakalumanynyangngang. Nagaukangi anjo kammaya lanri sa'genna anne alloa tuli tamamminrana mae ri parjanjiang Napareka siagang boe-boenu.