PAOLE 29:26 - KITTA' MATANGKASA'

²⁶ Napare' atai kalenna ke'nanga mae ri rewata-rewata maraeng, tenaya naassengi ke'nanga, nampa sitojenna nipisangkai ke'nanga anynyomba ri anjo rewata-rewataya.

PAOLE 29:26 ပူးပေါင်းရင်းမြစ်များ

2 KARAENG-KARAENG 22:17

Le'ba'Ma' nabokoi ke'nanga siagang assaremi ke'nanga koro'bang mae ri rewata-rewata maraenga. Sikontu anjo apa nagaukanga ke'nanga napanaiki larroKu. LarroA' mae ri Yerusalem, siagang tena nakkulle nipanaung larroKu.

YEREMIA 16:11

Pauangi ke'nanga angkanaya kammai anne kanangKu, ‘Le'ba'Ma' nabokoi boe-boenu untu' a'lampa mange anynyomba siagang assambayang ri rewata-rewata maraenga. Nabalang parekangA' siagang taerokai ke'nanga mannuruki ri paratorang-paratorangKu.

PAOLE 28:64

LaNapasisa'la'-sa'lakko Batara ri alla'na bansa-bansaya ri sikontu linoa. Anjoreng lanynyombako mae ri rewata-rewata nipareka battu ri batu siagang kayu, rewata-rewata tenaya nanuassengi siagang tenaya todong nanaassengi boe-boenu.

PAOLE 29:25

Na pialinna iamintu, ‘Lanri takkaluppana ke'nanga ri parjanjianNa Batara, Allata'alana boe-boena ke'nanga; parjanjiang Napareka siagang ke'nanga ri wattunna nierang ke'nanga assulu' battu ri Mesir.

PAOLE 29:27

Iaminjo saba'na Nalarro Batara mae ri umma'Na, siagang Napabattu mae ri ke'nanga sikontu bala niaka tattulisi' lalang ri kittaka anne.

HAKING-HAKING 5:8

Ri rewasa' pakaramulana Israel manynyomba ri rewata, reppe'mi bunduka ri pa'rasanganna, ri 40.000 pahlawanna bansaya manna se're tamangangka' sanjata.