PAOLE 29:19 - KITTA' MATANGKASA'

¹⁹ Ri sikamma kau niaka anrinni ampilangngeri anjo tuntutang terasaka tea' laloko niakki appikkiri' angkanaya tuli labaji'na sarennu, manna pole nattojeng-tojeng ero' amboyai oloang kalenna. Anjo kammaya lanapanraki ngaseng jako, baji' natau ja'dalaka kammayatompa natau bajika.

PAOLE 29:19 ပူးပေါင်းရင်းမြစ်များ

PA'JARIANG 2:17

pantaranganna anjo poko' assarea pangngassengang ri passala'na bajika siagang kodia. Takkulleai nukanre rapponna anjo poko' kayua; napunna nukanrei tena tamatenu ia memang anjo allo nukanrena.”

2 KARAENG-KARAENG 24:4

la'biangampa lanri sikontu pammunoang nagaukanga mae ri sikamma tau tenaya nasala. Tena Naero' Batara ampamopporangi Manasye lanri anjo panggaukang-panggaukang kammana.

PAMMUJI 10:11

Nakana nawa-nawana, “Nakaluppaimi Allata'ala na taNajampangia; tulusu' tenamo nalaNacinikka'!”

PAMMUJI 36:2

A'bicarai dosaya ri ati mailalanna tu ja'dalaka, tena sikali malla'na mae ri Allata'ala.

PAMMUJI 49:18

Saba' ri wattunna mate takkulleai angngerang apa-apa, talanaerang tongi pa'barang-baranganna naung ri kiburuka.

PANGNGEBARANG 29:1

Inai tulusu' tappilangngeria nipakainga', lapanraki ri se'reang wattu, na takkullea nipakabaji' poleang.

KATO'BA 11:9

Kasia' baji'mi wattu karungkannu, he ikau tau rungkaya! Rannu mako ilalang lolonu ija. Rupaimi sikamma nakaerokia nyawanu, gaukamma sikontu naniakkanga pa'mai'nu. Mingka u'rangi, Allata'ala niaka ri suruga, langngadeli ngasengi sikontu apa nugaukanga.

YEREMIA 18:12

Mingka lappiali ke'nanga angkana, ‘Apa matu-matunna? Tuli lamannuruki ikambe ri ero' kalenna ikambe! Ikambe massing nagaukangi apa nakaerokia pa'mai'na ikambe ja'dalaka!’ ”

YEREMIA 3:17

Anjo wattua kota Yerusalem laniarengi ‘Empoang Kala'biranNa Batara’, siagang sikontu bansaya la'rappungi ri anjo kotaya untu' anynyomba ri Nakke. Tenamo nalanaturuki ero' kalenna ke'nanga ja'dalaka siagang kapala batua anjo.

YEREMIA 36:29

Nasuroa' Batara ampauangi karaenga kamma anne, “Le'baki nutunu anjo kitta' nigulunga, siagang akkuta'nangko ri Yeremia angkana angngapa natulisiki angkanaya labattui karaeng Babel angngancuruki anne pa'rasanganga kammayatompa ambunoi pandudu'na siagang olo'-olo'na.

YEREMIA 44:27

LaKuusahai sollanna anggappako cilaka siagang tena numate'ne, sa'gennu mate kabusu', baji' lanri pa'bundukang kammayatompa lanri garring.

YEREMIA 7:24

Mingka taerokai ke'nanga mappilangngeri siagang taerokai ke'nanga anjampangi. Ba'lalo ero' kalenna tonji ke'nanga naturukiang, iamintu ero' kapala batuna siagang ero' kaja'dallanna anjo. Tena na'jari baji' ke'nanga passangalinna a'jari ja'dalaki.

YEHEZKIEL 13:16

he na'bi-na'bi takontutojenga! Nutappui angkana Yerusalem amangi siagang tangngapa-apayai, padahala' tena sikali nakamma!” Kammami anjo kananNa Batara Kaminang Tinggia.

YEHEZKIEL 13:22

Tau bajika tenaya naero' Kuapa-apai, nupakaca'di nyawana lanri balle-ballenu. Tau ja'dalaka nupakalompoi nyawana sollanna tuli doraka siagang tena nipasalamaki ke'nanga.

YEHEZKIEL 14:7

Sikamma tu Israel yareka bansa maraeng ammantanga ri alla'na bansa Israel, ampakabellayai kalenna battu ri Nakke siagang ampappirannuangai kalenna mae ri barhalaya, nampa appala' pappitangara' battu ri se'reang na'bi, KalengKu lampiali.

YEHEZKIEL 14:8

INakke langngewai ke'nanga siagang Kupa'jari contoi mae ri maraengannaya. LaKupakabellai ke'nanga battu ri ummakKu, jari naassemmi ummakKu angkanaya iNakke Batara.

PAMMILANGNGANG 15:30

Mingka punna nia' tu Israel yareka bansa maraeng nakunjungi anggaukangi anjo dosaya, nabawang-bawangngangi Batara. Anjo tau kammaya musti nihukkung matei,

PAMMILANGNGANG 15:39

Anjo rombeng-rombenga iami a'jari pappiu'rangi: Tunggala' allo punna nuciniki, lanuu'rangi sikontu parentaKu siagang nuturuki. Na lanri kammana anjo, tena nalanukaluppaiA' untu' anturuki erokKu siagang ero' kalennu.

ROMA 1:21

Naassengi rupataua Allata'ala, mingka taerokai rupataua ampakala'biriki salaku Allata'ala, siagang tena todong nappala' sukkuru' ri Ia. Ba'lalo apa-apa tenayaji matu-matunna nanawa-nawa rupataua; a'jari sassammi nawa-nawanna ke'nanga.

2 KORINTUS 10:5

kammayatompa anruntungi pa'ballakang katampoanna ke'nanga, eroka angngewai katojenganNa Allata'ala. Iami nipake ampadundui pikkiranna sikamma rupataua, sa'genna amminawang turu' mae ri Almasi.

EFESUS 4:17

Lanri kammana, nasaba' arenNa Batara, iaminne lakupaua siagang lakupattantua: tea' mako attallasa' sangkammai pole tau tenayapa natappa' ri Allata'ala, siagang tau tenaya nannaba-naba pikkiranna.

EFESUS 5:6

Teako erokki nitipu ri bicara-bicara tenaya bonena. Nasaba' ia ngasemmi anne kammaya ampammumbai pangngalarroiNa Allata'ala mae ri tau tenaya namannuruki ri Ia.

PAOLE 17:2

Ebara' angkana nulangngere' kabaraki angkanaya ri kalase'renna kotanu nia' tau doraka lanri nadakkaina parjanjiang

PAOLE 28:15

“Mingka punna taerokako mannuruki ri Karaeng Allata'alanu, siagang tamajarrekai pa'mai'nu anggaukangi sikontu parentaNa siagang hukkunNa kupassareanga mae ri kau anne alloa, sikontu anne pattunra kammaya lanatujuko:

PAOLE 29:12

Appareki Karaeng Allata'alanu parjanjiang siagang ikau, siagang asse're ngasengko anrinni untu' ansikkoki anjo parjanjianga kammayatompa antarimai sikamma kawajibannu.

PAOLE 29:18

Jari, katutui sollanna tena lalo battu ri kau, bura'ne yareka baine, kaluarga yareka suku, ia niaka ammenteng anrinni, ta'giling battu ri Karaeng Allata'alata untu' anynyomba mae ri rewata-rewatana bansa maraenga. Anjo panggaukang kammaya rapangi aka' attimboa battu ri lamung-lamung paika siagang niaka racunna.

PAOLE 29:20

Tena nalanipammopporang ri Batara tau kammaya anjo. Kabalekanna, lanitabai ri pangngalarroi lompoNa Batara, siagang sikontu anjo bala niaka tattulisi' lalang ri anne kittaka labattui antujui, sa'genna nipanraki ri Batara.