PAOLE 28:38 - KITTA' MATANGKASA'

³⁸ Jai bine nupakioro', mingka sike'de'ji wassele' nugappa, lanri la'busuki lamung-lamunnu nikanre ri katimbang.

PAOLE 28:38 ပူးပေါင်းရင်းမြစ်များ

1 KARAENG-KARAENG 8:37

Punna natuju anne pa'rasanganga bala yareka garring, yareka panraki lamung-lamunga lanri anging bambanga, olo', yareka anango, yareka punna nibundu' ummatTa ri musua, yareka nitaba ri garring,

KALAPPASSANG 10:4

Punna tena ija nuero', ammuko lappabattuA' katimbang ri pa'rasangannu.

YESAYA 5:10

Tena nala'jari wassele' buttana, koko anggoro'na niaka sampulo hetto luara'na, sampuloji litere' je'ne' anggoro' wassele'na. Sibilangngang litere' bibi' gandung nalamung, na sampuloji litere' wassele'na.”

YEREMIA 12:13

UmmakKu appakioroki gandung, mingka katinting nagappa. Akkareso lompoi ke'nanga, mingka tena nanggappa wassele' ri usahana ke'nanga. Teai sitapo' larroKu sa'genna sala ngaseng kattoanna ke'nanga!”

YO"EL 1:4

Katimbang sannaka jaina takkullea nibilang, a'dangka' ri kokoa ampaccappuki wassele'na. Apa nasesaya anne katimbanga, nipaccappuki ri katimbang maraengannaya.

YO"EL 2:25

LaKusambei sikontu karugiannu ri taung-taung nakanrena katimbang wassele' lamung-lamunnu. Nasaba' iNakke angkiringi battu anjo pasukang katimbanga mae ri kau.

YO"EL 2:3

Rapang pepe' akkanrea siagang appakamutung naputtai ke'nanga sikontu lamung-lamunga. Riolo, anjo pa'rasanganga rapangi Eden, iamintu kokonNa Batara, kale'bakkanna, santanja'mi parang kassi' kalotoroka. Tenamo nia' ammantang tassesa, tena sikali ta'lappasa' battu ri pa'bakkaina ke'nanga.

AMOS 4:9

Kupammiriki anging bambanga siagang akkiringA' olo' untu' ampanraki lamung-lamunnu kammayatompa koko-koko anggoro'nu. Poko'-poko' aranu siagang poko'-poko' zaitunnu la'busu'mi nakanre katimbang. Mingka manna nakamma tena tongija nummotere' mae ri Nakke.

MIKHA 6:15

Lappakiorokko gandung, mingka takkulleai lanugappa wassele'na. Lapparekko minynya' battu ri rappo zaitun, mingka takkulleai nupake minynya'na. Lammaccokko je'ne' anggoro', mingka talanuinungai je'ne'na.

HAGAI 1:6

Appakioro' mako jai bine, mingka sike'de'ji alle polenu. Nia' kanrenu, mingka tanggannakkai untu' ambassori battannu. Nia' anggoro'nu, mingka tanggannakkai untu' ampassukkuki pakkasia'nu. Nia' care-carenu, mingka tanggannakkai untu' angkammuki kalennu. Siagang gaji nagappaya kuli'-kulika tanggannakkai untu' ansambungi tallasa'na ke'nanga.

HAGAI 1:9

Manrannuangko wassele' jai, mingka kale'bakkanna sike'de' duduji nugappa; nuerangi ammotere', mingka Kutuiki anjo erang polenu, sa'genna cappu' niri'bakang ri anging. Angngapa naKugaukang anjo kammaya? Saba'na iamintu: Lanri anjo BallakKu ammantanginji kamma tambungang loro, nampa a'gassingang ngasengko massing ambangungi balla' kalennu.

MALEAKHI 2:3

LaKuhukkungi ana'-ana'nu, siagang laKusapui rupannu siagang tai olo'-olo' nukoro'bangkanga, nampa lanire'resangko mange ri pa'gompoanna tai oloka.

PAOLE 28:42

Sikontu poko'-poko'nu siagang lamung-lamunnu lala'busuki nikanre ri olo'.