PAOLE 28:33 - KITTA' MATANGKASA'

³³ Lanaalle ngasengi bansa maraeng sikontu wassele' nugappaya lanri anjama terasa'nu, nampa ikau tena apa-apa nugappa pantaranganna nijallakkanga situlusu'na siagang panggaukang nikapallakkia.

PAOLE 28:33 ပူးပေါင်းရင်းမြစ်များ

AYUB 20:18

Sikontu passawalanna musti napoterangi; talanakasiakkai wassele' usahana.

YESAYA 1:7

Pa'rasangannu nipanrakimi; kota-kotanu la'busu'mi nitunu. Ri dallekang matannui nialle tampa'nu ri bansa maraeng siagang naancuru' ngaseng sikamma apa niaka.

YESAYA 42:22

Mingka la'busu'mi niella' anjo bansaya; nitahangi ke'nanga lalang ri kamara'-kamara' rawa butta, nitongkoki lalang ri sikamma tarungkua. A'jari tuniella'mi ke'nanga, natena battu antulungi.

YESAYA 62:8

Le'ba'mi a'janji Batara ammake sumpa nalaNagaukang lalang koasaNa: “Tenamo nalaKupassareang gandunnu mae ri musua; tenamo nalanainung bansa maraenga anggoro'nu wassele' karesoannu siagang kaposoannu.

YEREMIA 4:17

siagang lanatammulili Yerusalem rapang tau akkammika koko. Nakajariang ngaseng anjo sikammaya lanri tu Yehuda nabaliangi Batara. Le'ba'mi a'bicara Batara.

YEREMIA 5:15

He umma' Israel, Napabattui Batara bansa battua ri pa'rasangang bella untu' ambundukiko. Anjo bansaya nia' memammi battu riolo dudu, tanuassengai nupahang bicaranna. Teai sipato' kassa'na ke'nanga,

YEREMIA 5:17

Lanapaccappuki ke'nanga wassele' buttanu siagang kanre-kanreannu kammayatompa nabunoi ana'-ana'nu. Lanasamballei ke'nanga olo'-olo' sapinu siagang gimbala'nu, siagang lapanraki ngasengi poko'-poko' anggoro'nu siagang poko'-poko' aranu. Lanaancuruki ke'nanga kota-kota ammakea tembo' pattahangngang ia nupattoanga.

YEREMIA 8:16

Nia'mi musua ri kota Dan; kalangngerammi sa'ra jaranna ke'nanga, na sikontu bonena pa'rasanganga a'jari malla' ngasemmi. Battumi musua untu' angngancuruki sikontu pa'rasanganta, kammayatompa sikontu kota-kotata siagang sikontu pandudu'na.”

YEHEZKIEL 25:4

Lanri kammana anjo laKulappassangko nibeta ri suku-suku bansa battua ri parang rayangnganga. Lanabangungi ke'nanga kema-kemana ri pa'rasangannu nampa ammantang tuli anjoreng. Lanakanrei ke'nanga rappo-rappoannu siagang lanainungi ke'nanga dadi'na olo'-olo'nu.

HOSEA 5:11

Nijallakkangi Israel; nialleangi buttana, lanri terasa'na nyawana untu' appala' tulung mae ri apa-apa tenaya nakkulle antulungi.

HOSEA 8:7

UmmakKu appakioroki anging jari lakkattoi anging lompo! Tena nadidi rappo gandunna ke'nanga, jari talanggappayai labu' untu' kanrena ke'nanga. Mingka punna padeng didi anjo gandunga, lala'busuki nikanre ri bansa-bansa maraenga.

KAIMANGNGANG 26:16

laKuhukkungko. LappabattuA' bala mae ri kau, garring siagang rammusu' tenaya nakkulle niballei sa'gennu a'jari buta siagang ta'ronang-ronang tallasa'nu. La'lamung-lamungko mingka tena nanugappai wassele'na, nasaba' labattui musu-musunnu ambetako siagang ampaccappuki sikamma apa-apa nulamunga.

PAOLE 28:34

La'jari pongorokko lanri sikamma anjo apa nukasiaka.

PAOLE 28:51

Lanapaccappuki ke'nanga olo'-olo' piaranu siagang kattoannu. Battu ri gandung, je'ne' anggoro', minynya' zaitun, sapi, bembe, sa'genna gimbala'nu tena manna sike'de' lanabolikangko, sa'gennu mate naalle cipuru'.

HAKING-HAKING 6:3

La'biangampa anjo pole sitabang a'lamung-lamung tu Israel pamarria battumi tu Midian siagang tu Amalek, kammayatompa tu maraengannaya battu ri parang kassika ambunduki tu Israel.

HAKING-HAKING 6:5

Pila' sanna' jaina tu battu angngerangi olo'-olo'na siagang appare'mi kema ke'nanga, sanna' jaina. Punna lanirekengi sanna' sikali jaina ke'nanga, kammayatompa onta-ontana ke'nanga sanna' todong jaina. Battumi ke'nanga ampanra'-panraki anjo pa'rasanganna tu Israel.