PAOLE 28:32 - KITTA' MATANGKASA'

³² Lanipassareangi ri dallekanna matannu sikamma ana'nu salaku ata mae ri bansa maraenga. Allo-allona pacce matannu amboyai anjo ana'-ana'nu, mingka tena matu-matunna usahanu, nasaba' tenamo nalammotere' ke'nanga.

PAOLE 28:32 ပူးပေါင်းရင်းမြစ်များ

2 PATTOTTORANG 29:9

Matemi manggeta ngaseng lalang ri pa'bundukanga, siagang nilalimmi anatta siagang bainenta a'jari tunitahang.

AYUB 11:20

Mingka tau ja'dalaka lalingui paccini'na, saba' tena pannulunna ke'nanga. Se'reji bawang panrannuanna ke'nanga iamintu a'jala'na labattu linta'.”

AYUB 17:5

Nakana paruntu' kanaya, inai antuntuki aganna lanri untu' passawallang, kalenna ana'-ana'na lannarima pa'balasa'.

AYUB 31:8

lampassammi taua angkanrei apa kulamunga, siagang ancuru' ngaseng sikontu wassele' lamung-lamungku.

PAMMUJI 119:123

Paccemi matangku antayangi bantuanTa appasalamaka, kutayangi pambebasang Kipa'janjianga.

PAMMUJI 119:82

Mangngangi matangku antayangKi' anrupai janjinTa, kukana, “Angngapapi nalaKisaleoria'?”

PAMMUJI 69:3

Tappeccorokka' antama' ri je'ne' lantanga, tena pattuppuangku. Tallanga' ri je'ne' lantanga, nilo'lorang ri bombang manaika.

YESAYA 38:14

Sa'rangku pila' ca'dimi na pila' lamma, rapang jangang-jangang bodobangkeng akkunrareng. Mangngammi matangku acconga nai' ri langi', Batara, Kilappassanga' battu ri anne kasusaanga.

PIRAUNG 1:18

Mingka Batara bawang tojeng, lanri kudakkai parentaNa. Pilangngeri, ikau bansa-bansaya, cinikka' lalang ballasakku. Nitahangi turungkaku siagang tulolongku, na nilaling mange ri pammelakkanga.

PIRAUNG 2:11

Akkambammi matangku lanri tenammariku angngarruka tojeng, pa'risi' nyawaku tena rapanna. Pacce nyawaku anciniki runtung bansaya; anciniki ana'-anaka siagang ana' loloa sessa ri tangngana aganga ri kota-kotaya.

PIRAUNG 4:17

Mangngammi matanna ikambe attayang pannulung tenaya nabattu-battu. Manrannuangi ikambe ri pannulunna senreang bansa, mingka tenaya nakkulle assare apa-apa.

PIRAUNG 5:17

Sinomi Bulu' Sion lanri nibokoi; kongkong romang mami a'lemere' anjoreng. Lanri kammana panra' lompomi atinna ikambe, tabajikami paccini'na ikambe napakamma angngarruka tojeng.

YEHEZKIEL 24:25

Nakana Batara ri nakke, “Jari, he tau, laKuallei battu ri ke'nanga anjo BallakKu kassaka, a'jaria kalompoang pa'mai'na siagang kasannangnganna ke'nanga, siagang nangaia naciniki siagang nakunjungi. Nampa laKualle todong ana'-ana'na ke'nanga.

YO"EL 3:6

Pandudu'na Yehuda siagang Yerusalem nuerangi a'lampa bella battu ri pa'rasanganna; nampa nubalukang mae ri bansa Yunani.

AMOS 5:27

Punna Kupelakko mange ri se'reang pa'rasangang la'bi bellaya battu ri Damsyik. INakke Batara niarenga Allata'ala Kaminang Koasaya, anne akkana.”

MIKHA 2:1

Cilakai tau a'rancanaya kaja'dallang lalang attinrona ri katinroanga ri wattu bangngia, nampa nagaukang anjo rancanana ammukona bari'basa' lanri nia'na pakkullena untu' anggaukangi.

MIKHA 4:10

He pandudu' Yerusalem, ammuriang mako siagang akkunrareng mako rapang baine ammanaka! Nasaba', kamma-kamma anne musti nubokoi kotaya nampa ammantangko ri paranga. Musti a'lampako mange ri Babel, mingka anjoreng laNalappassangko Batara battu ri musu-musunnu.

PAMMILANGNGANG 21:29

He bansa Moab, cilaka mako! Tu manynyombaya ri Kamos, panrakko! Nibalang parekangko ri rewatanu a'jari tau a'lampa annompang, tubai'-bainenu a'jari tunitahangi ri karaeng Amori.

PAOLE 28:18

Nitunraiko, sa'genna a'jari sike'de'ji ana'nu, wassele' kattoannu, sapinnu siagang gimbala'nu.

PAOLE 28:31

Lanisamballei sapinu ri dallekanna matannu, mingka tena nanukanrei dagenna. Laniembai a'lampa keledai-keledainu, nampa ammantang jako anciniki, siagang tena nalanipoterang. Lanipassareangi gimbala'-gimbala'nu mae ri musu-musunnu, nampa tena tau antulungko.

PAOLE 28:41

Langgappako ana'-ana' bura'ne siagang baine, mingka niallei ke'nanga salaku tunitahang lalang ri bunduka, sa'genna tappela'mi ke'nanga battu ri kau.

PAOLE 28:65

Manna kemaeko tena nulanggappa kasannangngang, tena tampa' lakkulle nukana ikau pata; laNapa'jari lussa' sikaliko Batara siagang laNapa'jari tappu' minasako natena panrannuannu.