PAOLE 28:30 - KITTA' MATANGKASA'

³⁰ Punna tena numannuruki ri Karaeng Allata'alanu, anne kammaya lantujuko: La'bayuangko, mingka tau maraeng lambuntingi bayuannu. Lambangungko balla', mingka tena nanupammantangngi. Lanulamungi koko anggoro'nu, mingka tanukanreai rapponna.

PAOLE 28:30 ပူးပေါင်းရင်းမြစ်များ

2 SAMUEL 12:11

Assumpa' angkanaya laKupitujuiko bala, iamintu battua ri kaluarga kalennu. LaKuallei sikamma bainennu ri dallekang matannu siagang Kupassareangi mae ri tau maraenga assikatinroanga siagang ke'nanga ri tangngana alloa.

AYUB 20:18

Sikontu passawalanna musti napoterangi; talanakasiakkai wassele' usahana.

AYUB 3:18

Kammayatompa tunitahanga assaumi nasa'ring, bellami ri pangga'gara'na sikamma pajagaya.

AYUB 31:10

lappassammi tau maraeng napappalluang turiballakku; lappassammi ri katinroanna bura'ne maraeng attinro.

YESAYA 62:8

Le'ba'mi a'janji Batara ammake sumpa nalaNagaukang lalang koasaNa: “Tenamo nalaKupassareang gandunnu mae ri musua; tenamo nalanainung bansa maraenga anggoro'nu wassele' karesoannu siagang kaposoannu.

YEREMIA 12:13

UmmakKu appakioroki gandung, mingka katinting nagappa. Akkareso lompoi ke'nanga, mingka tena nanggappa wassele' ri usahana ke'nanga. Teai sitapo' larroKu sa'genna sala ngaseng kattoanna ke'nanga!”

YEREMIA 6:12

Balla'na ke'nanga lanipassareangi mae ri tau maraenga, kammayatompa sikamma kokonna siagang bainenna ke'nanga. LaKuhukkungi pandudu'na anne pa'rasanganga.

YEREMIA 8:10

Lanri kammana anjo, laKupassareangi kokonna ke'nanga mae ri tau maraenga, kammayatompa bainenna ke'nanga lanipassareang tongi mae ri tau maraenga. Yangasenna ke'nanga, ca'di lompo, massing kaparalluang kalenna naboya, iamintu cara-cara tenaya nalambusu' napake. Ba'lalo manna na'bia siagang imanga annipu tongi tau.

PIRAUNG 5:11

Tubai'-bainea ri Sion nigau' bawangi nigau' salai tuloloa ri desa-desa Yehuda.

PIRAUNG 5:2

Barang-barang warisi'na ikambe naallemi tau maraeng, balla'na ikambe tau maraemmi ampammantangngi.

HOSEA 4:2

Assumpai ke'nanga mingka tena narupai; paballe-ballei ke'nanga, ammunoi, a'lukkaki siagang a'gau' bawangi. Katambangi ka'ja'dallanga, siagang sitampe-tampei kajariang pammunoanga.

AMOS 5:11

Nujallakkangi tu kasi-asia siagang nurampasaki gandunna. Lanri kammana anjo talammantangnga mako lalang ri balla'-balla' ga'ganu, anjo le'baka nubangung. Tenamo nulangnginung anggoro' battu ri koko-koko anggoro' le'baka nulamungi.

MIKHA 6:15

Lappakiorokko gandung, mingka takkulleai lanugappa wassele'na. Lapparekko minynya' battu ri rappo zaitun, mingka takkulleai nupake minynya'na. Lammaccokko je'ne' anggoro', mingka talanuinungai je'ne'na.

HABAKUK 3:17

Manna pole tena rapponna poko' araya na poko' anggoroka tena anggoro'na, manna pole tena wassele'na poko' zaitunga, nappakala'ba' pa'mai' wassele' gandunga ri kokoa, manna pole namate kabusu' gimbalaka natena bonena bara olo'-oloka,

ZEFANYA 1:13

Lanirampasaki barang-baranna ke'nanga siagang laniancuruki sikamma balla'na. Lambangungi ke'nanga balla', mingka takkulleai napammantangngi. Lappareki ke'nanga koko anggoro' mingka takkulleai nainung je'ne' anggoro'na.”

PAOLE 28:31

Lanisamballei sapinu ri dallekanna matannu, mingka tena nanukanrei dagenna. Laniembai a'lampa keledai-keledainu, nampa ammantang jako anciniki, siagang tena nalanipoterang. Lanipassareangi gimbala'-gimbala'nu mae ri musu-musunnu, nampa tena tau antulungko.