PAOLE 28:29 - KITTA' MATANGKASA'

²⁹ Angngosalakko sangkamma tau buta ri tangngallo sassa'na alloa, mingka tena nubuntuluki oloanga. Sikontu usahanu lasala ngasengi. Tuli lanijallakkangko siagang tuli niellakko, nampa tena manna sitau akkulle antulungko.

PAOLE 28:29 ပူးပေါင်းရင်းမြစ်များ

PA'JARIANG 19:11

Napa'jari buta ngasemmi anjo tau niaka ri pantaranganna anjo ballaka, sa'genna takkulleamo ke'nanga ambuntuluki pakke'bu'na anjo ballaka.

NEHEMIA 9:37

Sikontu wassele' nigappaya ri anne buttaya musti nipassareangi mae ri sikamma karaenna pa'rasangang. Sikamma anjo tukoasaya Kiangkaki irateanna ummatTa, a'jari hukkungang dosana ikambe mae ri Katte. Ammarentai ke'nanga ri ero'-ero' pa'mai'na mae ri kambe siagang olo'-olo' piarana ikambe. Lanri kammana minjo nasessamo ikambe, sangnging pa'risi' siagang kasusaang nikasia'!”

AYUB 12:25

Angngosalaki ke'nanga lalang ri sassanga, ta'royong-royong sanrapang tau nasa'ring.”

AYUB 5:14

Ri wattu singara'na alloa nitujui ke'nanga ri sassang, angngosala' sangkamma ri wattu bangngi.

KALAPPASSANG 10:21

Nakanamo Batara ri Musa, “Angkaki nai' limannu, na nitongko' butta Mesir ri sassang makkappu'.”

YESAYA 59:10

Angngosalaki ikambe rapang tau buta; tangnga allo natatto'ro ikambe sangkamma ri lantanna bangngia; rapangi tau mate ikambe ri tangnga-tangngana tau attallasaka.

YEREMIA 9:19

Ri Sion nia' kalangngerang sa'ra karru', angkana, “Panrakki' siagang sanna' nipakasiritta. Pa'rasanganta musti nibokoi, sikamma ballatta musti ancuru' tassimbung-simbung.”

PIRAUNG 4:14

Rapang tau buta antulakkangi aganga a'jappa kammami anjo pamimping-pamimpinna kota Yerusalem. Ra'masaki care-carena napakamma cera' sa'genna tenamo tau ero' anseroi ke'nanga.

PIRAUNG 5:17

Sinomi Bulu' Sion lanri nibokoi; kongkong romang mami a'lemere' anjoreng. Lanri kammana panra' lompomi atinna ikambe, tabajikami paccini'na ikambe napakamma angngarruka tojeng.

PIRAUNG 5:8

Niparentai ikambe ri tau siratanga a'jari ata; natena tau makoasa allappassangi ikambe battu ri kakoasanna ke'nanga.

ZEFANYA 1:17

Nakana Batara, “LappabattuA' jai bala mae ri umma' rupataua, sa'genna langngosala' mami ke'nanga rapang tau buta. Dorakami ke'nanga mae ri Nakke, siagang kamma-kamma anne tatumpami cera'na ke'nanga rapang je'ne', siagang maya'-maya'na ke'nanga a'jari botto'mi ri tompo'na buttaya.”

LAMPA-LAMPANA 21:24

Jari a'lampamako siagang ke'nanga mange appare' acara massing antangkasi ngasengi kalennu. Siagang tanggongimi ongkoso'na ke'nanga sollanna akkulle nicukkuru' ke'nanga. Punna nugaukangi anjo kammaya, la'nassami mae ri taua angkanaya tena nakamma tojeng anjo kabara' nalangngereka ke'nanga; nasaba' manna ikau nugaukang tonji sikamma parentaNa Allata'ala, situru' apa le'baka napabattu Musa.

ROMA 11:25

Sikamma sari'battangku! Kupalaki natena nanukana kalennu nuasseng ngasemmi apa-apaya. Nasaba' nia' apa Nakaeroki Allata'ala mingka tanaassengapi rupataua. Nakukellai sollanna nuasseng anjo; iamintu: Kapala batui sipa'gang tu Yahudia; mingka tenaja nalatuli kamma anjo sipa'-sipa'na ke'nanga. Punna ganna' bansa-bansa maraenga battu mae ri Allata'ala,

PAOLE 28:28

LaNapa'jari pongorokko Batara, siagang napa'jari buta kammayatompa a'lingu-lingu.

HAKING-HAKING 10:8

Sampuloi assagantuju taung sallona anjo ruaya bansa anjallakkang ngasengi tu Israelka ri Gilead, iamintu daera tu Amori irayanganna Binanga Yordan. Nasessa ta'liwa'-liwa'mi ke'nanga tu Israelka.

HAKING-HAKING 13:1

Dorakami pole umma' Israel ri Batara jari nibalang parekangi ri Batara, na nikoasai ke'nanga ri tu Filistin, patampulo taung sallona.

HAKING-HAKING 3:14

Sampulo assagantuju taung sallona nijaja umma' Israel ri Karaeng Eglon.