PAOLE 28:28 - KITTA' MATANGKASA'

²⁸ LaNapa'jari pongorokko Batara, siagang napa'jari buta kammayatompa a'lingu-lingu.

PAOLE 28:28 ပူးပေါင်းရင်းမြစ်များ

PA'JARIANG 19:11

Napa'jari buta ngasemmi anjo tau niaka ri pantaranganna anjo ballaka, sa'genna takkulleamo ke'nanga ambuntuluki pakke'bu'na anjo ballaka.

PAMMUJI 60:3

Kitollaki ikambe, o, Allata'ala, siagang Kibalang parekangi ikambe nibeta. LarroKi' mae ri kambe; kamma-kamma anne Kibajiki lalomi ammotere' ikambe.

YESAYA 43:19

Parhatikangi, nia' apa beru Kugaukang; anne kamma appakkaramulami, tenaka nuciniki? LapparekKa' oloang ri parang lompoa, siagang binanga-binanga ri parang luaraka.

YEREMIA 4:9

Nakana Batara, “Ri anjo alloa sikamma karaenga siagang sikamma pamarentaya latappela'mi sumanga'na; sikamma imanga lannekkereki siagang sikamma na'bi-na'bia lata'bangkai.”

PIRAUNG 4:14

Rapang tau buta antulakkangi aganga a'jappa kammami anjo pamimping-pamimpinna kota Yerusalem. Ra'masaki care-carena napakamma cera' sa'genna tenamo tau ero' anseroi ke'nanga.

YEHEZKIEL 4:17

Latappu' panrannuangi ke'nanga lanri kala'busangi ri roti siagang je'ne', nampa kale'bakkanna lamatei ke'nanga lanri dosa-dosana.”

LAMPA-LAMPANA 13:41

‘Parhatikangi baji'-baji' ikau tau nungaia pahina-hina! La'jari lannasakko, nunampa mate! Nasaba' anne jammanga nia' apa-apa Kugaukang tenaya nalanupatappaki, manna nia' tau ampakasingaraki mae ri kau.’ ”

PAOLE 28:27

LaNahukkungko Batara siagang garring lattang, sangkamma le'baka Nagaukang mae ri tu Mesir. Larassi kalennu siagang puru lompo siagang puru katala', nampa tena pa'ballena.

PAOLE 28:29

Angngosalakko sangkamma tau buta ri tangngallo sassa'na alloa, mingka tena nubuntuluki oloanga. Sikontu usahanu lasala ngasengi. Tuli lanijallakkangko siagang tuli niellakko, nampa tena manna sitau akkulle antulungko.

PAOLE 30:1

“Kamma-kamma anne akkullei nupilei kalase'renna iamintu barakkaka yareka pattunraya, sangkamma le'baka kupakasingara' mae ri kau. Punna le'ba'mi nukasia' anjo sikontu passessaya siagang attallasakko ri alla'na bansa-bansa maraeng ri tampa'nu nipasisa'la'-sa'la' ri Karaeng Allata'alanu, lanuu'rangimi apa kupassareanga ri kau untu' nupilei.

YOSUA 8:34

Nampa nabacamo Yosua siagang sa'ra lompo sikontu hukkunga sangkamma apa niaka tattulisi' lalang ri Kitta' Hukkunga, kammayatompa barakka'-barakkaka siagang pattunra-pattunraya.

1 SAMUEL 16:14

Anjo lapung Saul nibokoimi ri RohNa Batara, siagang nisessami ri roh ja'dala' Nasuroa Batara.