PAOLE 28:22 - KITTA' MATANGKASA'

²² LaNahukkungko Batara siagang garring-garring a'lette'-letteka, garring akkambang-kambanga siagang rammusuka. Lappabattui timoro' karring siagang anging appakamutunga sa'genna panra' lamung-lamunnu. Anjo balaya tulusu' lania'na battu antujuko sa'gennu panra'.

PAOLE 28:22 ပူးပေါင်းရင်းမြစ်များ

1 KARAENG-KARAENG 17:7

Siapa are sallona le'ba'na, kalotoro'mi anjo pangka binangaya lanri tenana bosi.

1 KARAENG-KARAENG 8:37

Punna natuju anne pa'rasanganga bala yareka garring, yareka panraki lamung-lamunga lanri anging bambanga, olo', yareka anango, yareka punna nibundu' ummatTa ri musua, yareka nitaba ri garring,

2 PATTOTTORANG 6:28

Punna nituju anne pa'rasanganga siagang bala kacipurang yareka garring, yareka nipanraki lamung-lamunna ri anging bambang, nipanraki ri olo' yareka katimbang, yareka punna nibunduki ummatTa ri musu, yareka nitujui ri garring,

YEREMIA 14:12

Manna pole appuasa ke'nanga, tena Kuero' amparhatikangi pakkio'na ke'nanga appala' tulung; siagang manna pole assare ke'nanga mae ri Nakke koro'bang nitunu siagang gandung, mingka tena nalasannang nyawaKu mae ri ke'nanga. Kabalekanna, laKutumpasaki ke'nanga lanri pa'bundukang, kacipurang, siagang garring.”

YEREMIA 16:4

Lamatei ke'nanga lanri nitaba ri garring angngeranga kamateang, siagang lamatei ke'nanga lalang pa'bundukang yareka mate naallei cipuru'. Tena manna sitau langngarru' yareka antarawangi ke'nanga. Latassiaraki maya'na ke'nanga rapang pupu' panynyoppongi ri butta, siagang nikanre ri jangang-jangang siagang olo'-olo' sekke'.

KAIMANGNGANG 26:16

laKuhukkungko. LappabattuA' bala mae ri kau, garring siagang rammusu' tenaya nakkulle niballei sa'gennu a'jari buta siagang ta'ronang-ronang tallasa'nu. La'lamung-lamungko mingka tena nanugappai wassele'na, nasaba' labattui musu-musunnu ambetako siagang ampaccappuki sikamma apa-apa nulamunga.

AMOS 4:9

Kupammiriki anging bambanga siagang akkiringA' olo' untu' ampanraki lamung-lamunnu kammayatompa koko-koko anggoro'nu. Poko'-poko' aranu siagang poko'-poko' zaitunnu la'busu'mi nakanre katimbang. Mingka manna nakamma tena tongija nummotere' mae ri Nakke.

HAGAI 1:11

Kupabattui kakalotoranga mae ri buttaya siagang bulu'-buluka, mae ri koko-koko gandunga, koko-koko anggoroka siagang koko-koko zaitunga, kammayatompa mae ri sikontu lamung-lamung niaka ri anne buttaya, ba'lalo mae ri rupataua siagang olo'-oloka, kammayatompa mae ri sikontu apa nuusahakanga.”

HAGAI 2:17

AppaturungA' anging bambang siagang bosi batu untu' angngancuruki sikontu wassele' kokonnu, mingka tena tongijapa nuero' ammotere' mae ri Nakke.

HAGAI 2:19

Manna pole natenamo gandung ammantang, siagang poko' anggoro', poko' ara, poko' delima siagang poko' zaitunga tenapa kabusuppa na'rappo, mingka appakkaramula anne wattua laKubarakkaki ngaseng mako!”

ZAKHARIA 14:12

LaNapabattui Batara garring appakamalla'-mallaka mae ri sikontu bansa le'baka a'bundu' angngewai Yerusalem. Matanna siagang lilana ke'nanga, ba'lalo sikontu batangkalenna la'jari bottoki lalang attallasa'na ija ke'nanga.

PAOLE 28:23

Talabattuai bosia, siagang la'jari terasaki buttanu sangkamma batu.

PAOLE 32:24

Lamatei ke'nanga lanri rammusu' na kacipurang, nialle ri kamateang lanri garring appakamalla'. Battui a'bakka olo'-olo' sekkeka, ulara' a'racunga ampakkunrarengi ke'nanga.

PAOLE 4:26

Tapporo langika siagang linoa a'jari sa'bi anne alloa angkanaya punna tena numannuruki mae ri nakke, tasalloami nu'lanynya' battu ri butta nupammantangngia ri ba'leanna anjo Binanga Yordan. Tasalloako lammantang anjoreng, lanri laniancuru' taba sikaliko.