PAOLE 28:16 - KITTA' MATANGKASA'

¹⁶ Nitunrai kota-kotanu siagang koko-kokonnu.

PAOLE 28:16 ပူးပေါင်းရင်းမြစ်များ

PA'JARIANG 5:29

Nakanamo Lamekh, “Anne anaka lanasareki' karingangngang ri wattunta anjama terasa' anjamai butta le'baka Natunrai Batara.” Lanri kammana naaremmi Lamekh anjo anaka Nuh.

1 KARAENG-KARAENG 17:1

Nia' sitau na'bi niareng Elia. Assala'na tubattu ri Tisbe, iamintu se'reang kota ri daera Gilead. Ri se'reang allo battui mae ri Karaeng Ahab na nakana, “Lanri Batara, Allata'ala mattallasaka, Ia nasombaya tu Israel siagang Ia kulayania, kupabattuangki' angkanaya lalang ruampulo yareka tallumpulo taung labattua anne latena saliu' yareka bosi manna sike'de', pantaranganna punna kukanangi.”

1 KARAENG-KARAENG 17:12

Appialimi anjo jandaya angkana, “Lanri Batara, Allata'ala mattallasaka, Ia kisombaya, assumpa' angkanaya tena rotiku. Ia niaka poro sikangkang mami tarigu lalang mangko', siagang sike'de' minynya' zaitun lalang ri botolo'. Appasse'rea' anne kayu tunuang untu' ampallui anjo bahang sike'deka, sollangku akkulle siagang anakku angnganre. Iaminjo kanre kala'busanna ikambe; le'baki anjo attayang mami ikambe untu' mate.”

1 KARAENG-KARAENG 17:5

Naturuki Elia anjo parentaNa Batara, siagang a'lampami mange ri pangka Binanga Kerit nampa ammantang anjoreng.

AYUB 24:18

Nakanamo Zofar, “Tau ja'dalaka nianyukangi ri je'ne' a'ba, buttana nitunrai ri Allata'ala; koko anggoro'na a'jari sinoi; tenamo tau anjama anjoreng.

PANGNGEBARANG 3:33

Natunrai Batara balla'na tau ja'dalaka, mingka Nabarakkaki balla'na tau mannurukia mae ri Ia.

YESAYA 43:28

imang-imannu narantassi ballakKu. Jari Kupassareammi nihina Israel, Kubalang parekangi turunganna Yakub nitumpasa'.”

YEREMIA 14:18

Punna mangea' ri paranga, kuciniki maya'-maya'na tumatea lanri pa'bundukang. Kuciniki lalang ri kotaya kasessanga, tau a'biringa mate naalle cipuru'. Na'bia siagang imanga nagaukangi jama-jamanna natanassenga apa battuanna apa nagaukanga ke'nanga.”

YEREMIA 26:6

Punna tuli teanu mappilangngeri, anne balla' sambayanga laKupa'jari sangkamma Silo, sa'genna sikontu bansaya ri lino napakei arenna kota Yerusalem anne salaku kana pattunra.”

YEREMIA 44:22

Tenamo Natahangi Batara ancinikko assare koro'bang mae ri rewata-rewata maraenga. Anjo panggaukannu ja'dalaki siagang tunai. Doraka mako mae ri Batara siagang tenamo numannuruki ri parenta-parentaNa. Lanri kammana anjo, kamma-kamma memang anne ancuru'mi pa'rasangannu sa'genna tenamo nakkulle nipammantangngi, siagang arenna nipakemi a'jari kana pattunra. Tau ancinikai a'jari sanna'mi malla'na.”

YEREMIA 9:11

Nakana Batara, “LaKupa'jari rumbangngang Yerusalem tampa' paccokkoanna kongkong romanga. Kota-kota Yehuda la'jari sinoi, tampa' tenayamo nanipammantangngi.”

PIRAUNG 1:1

Tamaka sinona Yerusalem anne kamma, kota suara' dudua riolo. Tamaka porena riolo ri alla'na bansa-bansaya, anne kamma rapammi janda. Riolo kontui kota kaminang nisomba, anne kamma nipa'jarimi ata.

PIRAUNG 5:10

Sessai ikambe napakamma cipuru' sa'genna kamma a'barami bukkulenna ikambe rapang pappalluang.

YO"EL 1:4

Katimbang sannaka jaina takkullea nibilang, a'dangka' ri kokoa ampaccappuki wassele'na. Apa nasesaya anne katimbanga, nipaccappuki ri katimbang maraengannaya.

YO"EL 2:3

Rapang pepe' akkanrea siagang appakamutung naputtai ke'nanga sikontu lamung-lamunga. Riolo, anjo pa'rasanganga rapangi Eden, iamintu kokonNa Batara, kale'bakkanna, santanja'mi parang kassi' kalotoroka. Tenamo nia' ammantang tassesa, tena sikali ta'lappasa' battu ri pa'bakkaina ke'nanga.

ZAKHARIA 5:4

Nakana Batara Kaminang Koasaya angkanaya anjo kana-kana pattunraya lanapattujui mae ri sikamma balla'na palukkaka siagang ri balla'na sikamma tau assumpa balle-ballea. Tuli lanitujuna anjo ballaka ri anjo kana-kana pattunraya sa'genna a'jari lica'.”

MALEAKHI 2:2

Pakalompoa' lalang panggaukannu. Punna taerokako ampilangngeri kanangKu, laKutunraiko. Sikontu apa nutarimaya salaku dalle' latappinrai a'jari pattunra. Sikontutojenna, sikontu anjo apa bajika le'ba'mi Kutunrai, lanri tena nujampangi parenta-parentaKu.

MALEAKHI 4:6

Lanapa'jari sikamma manggea siagang sikamma anaka asse're pa'mai', sollanna tena Kubattu ampanraki pa'rasangannu.”