PAOLE 28:11 - KITTA' MATANGKASA'

¹¹ Lanisareko ana' majai. La'jari jai olo'-olo' piaranu siagang lalla'bi-la'bi wassele' kattoannu ri pa'rasangang Napa'janjianga Batara mae ri boe-boenu untu' Napassareang mae ri kau.

PAOLE 28:11 ပူးပေါင်းရင်းမြစ်များ

AYUB 19:17

Turiballakku eroki ta'langnge angngaraki rasanna napasakku, sari'battang tangkakku taerokai a'reppese' ri nakke.

PAMMUJI 107:38

Nisarei ri Batara ke'nanga jai ana', siagang olo'-olo' piarana ke'nanga pila' a'bija-bijai.

PAMMUJI 127:3

Ana'-anaka passareNa Allata'ala, sikontutojenna, anjo ke'nanga passare.

PAMMUJI 132:11

Le'ba'mi assumpa Batara mae ri Daud; tena nalaNakaluppai janjinNa. Nakana, “Sitau ana'nu laKupa'jari karaeng untu' ammarenta ansambeangko.

PANGNGEBARANG 10:22

Lanri barakka'Na bawang Batara na'jari kalumanynyang taua; anjama terasaka takkulleai natambai barang-baranga.

KAIMANGNGANG 26:9

LaKubarakkakiko siagang laKupa'jari jai ana' cucunnu. Sikamma apa Kupa'janjianga mae ri kau mattantu laKurupainna.

PAOLE 1:8

INakke, Batara, le'ba' ampa'janjiangi sikontu anjo buttaya mae ri boe-boenu iamintu Abraham, Ishak siagang Yakub kammayatompa mae ri jari-jarina ke'nanga. Jari a'lampa mako mange ampammantangngi anjo buttaya.’ ”

PAOLE 28:4

Nibarakkakiko, sa'genna jai ana'nu, jai wassele' kattoannu, siagang a'jari jai sapinu kammayatompa gimbala'nu.

PAOLE 30:9

Sikontu usahanu laNapa'jari ngasengi Karaeng Allata'alanu; la'jari jai ana'nu siagang olo'-olo'nu; alla'bi-la'bi wassele'na sikamma kokonnu. Sannangi nyawaNa Batara ampa'jari salewangangko, sangkamma todong sannanNa nyawaNa assarei salewangang boe-boenu.

PAOLE 7:13

LaNakamaseangko siagang laNabarakkakiko, sa'genna a'jari jai ana'nu na pila' katambang jainu. LaNabarakkaki sikamma kokonnu, sa'genna angngerang wassele' gandung, anggoro' siagang minynya' zaitun. LaNabarakkakiko sa'genna a'jari jai sapinu, bembenu siagang gimbala'nu. Sikontu anjo barakkaka lanutarimai ri pa'rasangang Napassareanga Batara mae ri kau, situru' janjinNa mae ri boe-boenu.