PAOLE 28:1 - KITTA' MATANGKASA'

¹ “Punna mannurukiko ri Karaeng Allata'alanu siagang tamamminrayai pa'mai'nu anggaukangi sikontu parenta kupassareanga mae ri kau anne alloa, laNapa'jariko Batara bansa masahoro' ri anne linoa.

PAOLE 28:1 ပူးပေါင်းရင်းမြစ်များ

1 PATTOTTORANG 14:2

Lanri kammana tappa'mi Daud angkanaya nipakajarre'mi ri Batara untu' a'jari karaeng Israel, siagang nipakajarre'mi kakaraenganna untu' kaparalluang Umma'Na Batara.

PAMMUJI 106:3

Mate'nei tau mannurukia ri parenta-parentaNa, siagang tuli annabaya lalang tindakanna.

PAMMUJI 111:10

Inai ero' cara'de' musti napakalompoi Batara, Nasarei pammahang sikontu tau mannurukia. Nipujimi Batara satunggu-tungguna!

PAMMUJI 119:128

Lanri kamma nakuttallasa'mo situru' sikontu pitunjutTa; panggaukang ammengkaya kukabirisi.

PAMMUJI 119:6

Punna kuparhatikang sikontu parentaTa, tenamo kulanipakasiri'.

PAMMUJI 148:14

Le'ba'mi Napakajarre' bansana, sa'genna nipuji-pujimo ri umma'Na, Israel, umma' nasayanNa. Pujimi Batara!

PAMMUJI 91:14

Nakana Batara, “LaKupasalamaki tau mangngaia mae ri Nakke, laKupasalamaki tau angngakuiA'.

KALAPPASSANG 15:26

Nakana Batara, “Mannuruki tojeng-tojeng mako mae ri Nakke, siagang gaukangi apa Kukanaya baji'; turuki sikamma parentaKu. Punna nugaukang anjo kammaya, tena nulaKuhukkung sangkamma garring le'baka Kupabattu mae ri tu Mesirka. INakkemi Batara ampamolleako.”

KALAPPASSANG 23:22

Punna mannurukiko ri ia siagang nugaukang sikontu Kuparentakanga, iNakke la'bundu' angngewai sikontu musunnu.

KALAPPASSANG 23:25

Punna anynyombako ri Nakke, Karaeng Allata'alanu, laKubarakkakiko siagang kaparalluang kanrenu siagang inungannu, kammayatompa laKupakabellai sikontu garringa battu ri kau.

YESAYA 1:19

Punna erokko mannuruki mae ri Nakke, lanukasia' ngasengi apa bajika, iamintu wassele'na pa'rasangannu.

YESAYA 3:10

Nakana Batara, “Pabattui mae ri tau mannurukia ri Nakke angkana lamate'nei siagang lasalamaki ke'nanga. Lanakasia' bajiki ke'nanga wassele' posona.

YEREMIA 11:4

Le'ba'mi Kupare' anjo parjanjianga siagang boe-boena ke'nanga ri wattunna Kuerang ke'nanga assulu' battu ri Mesir, iamintu pa'rasangang rapanga naraka mae ri ke'nanga. Kusuroi ke'nanga mannuruki mae ri Nakke siagang nagaukang sikontu apa le'baka Kuparentakang. Kamma-kamma anne Kupau tommi mae ri tu Yehuda siagang pandudu'na Yerusalem angkanaya punna mannuruki ke'nanga ri Nakke, la'jarimi ke'nanga ummakKu siagang iNakke Allata'alana ke'nanga.

YEREMIA 12:16

Punna attojeng-tojeng pa'mai'na ke'nanga ero' antarimai agamana ummakKu siagang ero' assumpa angkana, ‘Lanri Batara mattallasaka,’ – sangkamma batena riolo ke'nanga angngajaraki ummakKu assumpa lanri Rewata Baal – la'jarimi ke'nanga golonganna ummakKu siagang la'jari kalumanynyangi ke'nanga.

YEREMIA 17:24

Turuki sikontu parentaKu. Teako angngangkaki manna barang-barang apa mamo allalo ri pakke'bu' lompona anne kotaya ri allo Pammari-marianga. Sa'laki allo Pammari-marianga untu' iNakke, siagang teako anjamai apa-apa mamo ri anjo alloa.

LUKAS 1:6

Ningai ri Allata'ala katallassang pakkalabinianna ke'nanga. Nasaba' tutui ke'nanga anturuki ero'Na Allata'ala siagang sikamma atorang Napassareanga Allata'ala.

LUKAS 11:28

Mingka appialimi Isa Nakana, “La'bi upakkangangi pole tau allangngerekai siagang anggaukangi kana-kananNa Allata'ala!”

LUKAS 9:48

Nampa Nakana ri ana'-ana' gurunNa, “Inai-nai antarimai anne anaka passabakkang iNakke, battuanna iNakkemi natarima. Na inai-nai antarimA', battuanna natarima tommi Allata'ala assuroA' battu. Nasaba' inai-nai kaminang tuna ri kau, iami kaminang la'biri'!”

YOHANES 15:14

Ikau ngasemmi antu passari'battangangKu, punna nugaukangi apa Kuparentakanga ri kau.

ROMA 2:7

Nasarei Allata'ala katallassang sitojennaya siagang mannannunganga tau jarreka anggaukangi kabajikanga, sollanna nagappa katallassang mala'birika, katallassang malompoa siagang satunggu-tunggua.

GALATIA 3:10

Sikamma tau tanjenga mae ri hukkung-hukkung agamaya, laniparawa ngasengi ri pangngalarroiNa Allata'ala. Nasaba' nia' tattulisi' lalang ri Kittaka angkanaya, “Inai-nai tena najarre' anggaukangi apa-apa tattulisika lalang ri Kitta' Hukkung Agamaya, langgappai pangngalarroi battu ri Allata'ala!”

PAOLE 11:13

Jari turuki lalomi parenta-parenta kupabattua mae ri kau anne alloa; kamaseangi Karaeng Allata'alanu siagang gaukangi ibadanu mae ri Ia lalang sikontu batangkalennu siagang nyawanu.

PAOLE 11:27

Lanibarakkakiko punna mannurukiko ri parenta-parentaNa Karaeng Allata'alanu, ia kupabattua mae ri kau anne alloa.

PAOLE 15:5

assala' mannurukiko mae ri Karaeng Allata'alanu, siagang nugaukang baji' sikontu apa kuparentakanga mae ri kau anne alloa.

PAOLE 26:18

Anne alloa Natarimako Batara salaku umma' KalenNa, sangkamma Napa'janjianga mae ri kau, siagang Naparentakangi mae ri kau sollanna nuturuki sikamma hukkunNa.

PAOLE 26:19

LaNapa'jari malompoangangko Batara na sikontu bansa maraeng le'baka Napa'jari, kammayatompa lanipujiko siagang lanipakalompoko. La'jariko umma'Na Karaeng Allata'ala, sangkamma le'baka Napa'janjiang.”

PAOLE 28:13

LaNapa'jariko Karaeng Allata'alanu pamimping ri alla'na bansa-bansaya, siagang teaiko tau ammina'-minawang. Punna tamamminrayako mannuruki mae ri sikontu parentaNa Batara kupassareanga mae ri kau anne alloa, pila' lasalewangangko siagang tena nule'ba' lammono'boko.