PAOLE 27:6 - KITTA' MATANGKASA'

⁶ nasaba' anjo tunggala' tampa' pakkoro'bangngang nipaentenga untu' Karaeng Allata'alanu, musti batu attammu nipare'. Irate ri anjo tampa' pakkoro'bangnganga musti assareko koro'bang-koro'bang nitunu.

PAOLE 27:6 ပူးပေါင်းရင်းမြစ်များ

1 KARAENG-KARAENG 6:7

Untu' anjo balo'-baloka, kayu camara Libanon nipake. Pakke'bu' mangea ri kamara'-kamara' pannambai ri lonjo' rawaya niaki ri bageang timborang. Untu' lonjo' makaruaya nia' tallu tuka'. Nampa nasarei Salomo palapong anjo ballaka. Papang cenrana battu ri Libanon napake. Siapa sallona nibangung anjo Balla'Na Batara, tena le'bakai nia' kalangngerang sa'ra palu-palu, pangkulu', yareka pakkakasa' bassi, nasaba' anjo batu-batu eroka nipake untu' ambangungi anjo ballaka le'ba' nipasadia memammi la'bi riolo ri wattunna nia' ija ri papparekanna. Kammaminjo batena Salomo ambangungi anjo Balla'Na Batara sa'genna le'ba'.

KALAPPASSANG 20:25

Punna apparekko se're tampa' pakkoro'bangngang batu untu' iNakke, teako parekki battu ri batu nipaka, saba' punna ammakeko pa' untu' ampuei batua, takkulleami anjo tampa' pakkoro'bangnganga nipake untu' iNakke.

EFESUS 5:2

Paralluko attallasa' lalang ri pangngamaseanga, sangkamma todong Almasi mangngamaseangi mae ri katte. Nakoro'bangkangi KalenNa untu' ikatte, a'jari passare siagang koro'bang mabau', Nakarannuanga atinNa Allata'ala.

PAOLE 27:5

Anjoreng ri tampaka musti appaentengko se're tampa' pakkoro'bangngang battu ri batu-batu tenayapa nale'ba' nijama siagang pakkakasa'-pakkakasa' bassi,

PAOLE 27:7

Passareang tongi koro'bang passiamakkannu siagang kanremi anjoreng kammayatompa a'rannu-rannu mako ri dallekanNa Karaeng Allata'alanu.