PAOLE 27:18 - KITTA' MATANGKASA'

¹⁸ ‘Nitunrai tau ampakalinguai tau butaya.’ ‘Aming!’

PAOLE 27:18 ပူးပေါင်းရင်းမြစ်များ

PA'JARIANG 27:12

Gassingka nata'galakka' bapakku nampa naasseng angkanaya kuballe-ballei. Gassingka tena nanabarakkakia' passangalinna natunraja'.”

AYUB 29:15

Mae ri tau butaya, inakke a'jari rapang matanna; mae ri tau pesoka, inakke a'jari rapang bangkenna.

PANGNGEBARANG 28:10

Inai anynyonyoki tau lambusuka sollanna a'gau' ja'dala', ia kalenna latu'guru' antama' ri sikko' nitannanga. Tau ci'nonga pa'mai'na lanibarakkaki sa'genna mate'ne.

YESAYA 56:10

Nakana Batara, “Sangnging tau buta sikamma pamimpinna bansaKu! Tena apa-apa naasseng ke'nanga. Rapangi ke'nanga kongkong pepe tenaya nappilollong, mingka attinroji siagang asso'naji bawang. Sannang sikali tinrona ke'nanga!

KAIMANGNGANG 19:14

Teako tunrai tau tongoloka siagang teako attannangi batu pattato'roang ri dallekanna tau butaya. Paralluko appakala'biri' siagang malla' mae ri Nakke, saba' iNakke Karaeng Allata'alanu.

MATIUS 15:14

Tea' mako jampangi anjo tu Farisia. Anjo ke'nanga sangnging pamimping-pamimping buta. Na punna tau buta ammimping tau buta, tena tatu'guru'na rua-rua naung ri solonganga.”

PAOLE 27:19

‘Nitunrai tau anrampasakai ha'na tubattu-battua, ana' kukanga, siagang jandaya.’ ‘Aming!’

PAPPICINI' 2:14

Mingka manna nakamma, nia' siapa are taKungaia ri kau ngaseng: Nia' siapa are jaina tau ri kau anturuki apa napangngajarranga Bileam. Bileam angngajaraki Balak antekamma batena antu'gurangi umma' Israel naung ri dosaya; iamintu nanyonyoki ke'nanga angkanrei kanre le'baka nipassareang mae ri barhalaya, siagang anggaukangi gau' bawanga.