PAOLE 27:15 - KITTA' MATANGKASA'

¹⁵ Tu Lewi: ‘Nitunrai tau appareka patung battu ri batu, kayu yareka bassi-bassiang, nampa nasomba accokko-cokko; Nakabirisi Batara panynyombanga ri barhala!’ Sikontu ra'yaka: ‘Aming’!

PAOLE 27:15 ပူးပေါင်းရင်းမြစ်များ

PA'JARIANG 31:19

Anjo wattua niaki Laban ri paranga sitabang anggoncingi bulu gimbala'na, na anjo wattua nalukka'mi Rahel patung pajaga kaluargana manggena.

PA'JARIANG 31:34

Ilalanna anjo le'ba'mi naalle Rahel anjo patunga nampa napantama' ri purukang pattekekanna untaya, nampa ia kalenna ammempoi rate ri anjo pattekekanga. Naparessami Laban sikontu kemana Rahel, mingka takkulleai nagappa anjo patunga.

PA'JARIANG 9:25

nakanamo, “Cilaka laloi Kanaan! La'jari ata kaminang tunai mae ri sikamma sari'battanna.

2 KARAENG-KARAENG 17:19

Manna tu Yehuda tena todong namannuruki ri hukkung-hukkunNa Batara, Allata'alana ke'nanga. Naturuki ke'nanga kabiasanna tu Israel,

2 KARAENG-KARAENG 23:13

Kammayatompa sikamma tampa'-tampa' pakkoro'bangngang niaka ri bageang rayana Yerusalem, ri bageang timboro'na Bonto Kaja'dallanga, niputta kabusu' tongi. Anjo tampa'-tampa' pakkoro'bangnganga nabangungi Salomo untu' anynyomba ri rewata-rewata appakaringi'-ringika, iamintu Asytoret, dewina bansa Sidon, Kamos rewatana bansa Moab siagang Milkom rewatana bansa Amon.

1 PATTOTTORANG 16:36

Puji Batara, Allata'alana Israel, anne kamma na satunggu-tungguna! Nampa akkanamo umma' Israel, “Aming”. Le'baki anjo mammuji-mujimi ke'nanga mae ri Batara.

2 PATTOTTORANG 33:2

A'gau' dosai mae ri Batara sangkamma kaja'dallang nagaukanga bansa-bansa le'baka Nabongka Batara assulu' battu ri butta Kanaan ri wattunna napantamakki tu Israel anjo pa'rasanganga.

KALAPPASSANG 20:23

Teako papparekangngi untu' kalennu patung-patung pera' yareka bulaeng untu' nupakalompo pantaranganna iNakke.

KALAPPASSANG 20:4

Teako papparekkangi kalennu patung sanrapanga apa-apa niaka ri langi', ri butta, yareka lalang ri je'ne' irawanganna buttaya.

KALAPPASSANG 34:17

Teako appareki siagang anynyombai ri rewata-rewata de'dekanga.

YESAYA 44:13

Tukang kayua naukkuruki kayua. Appareki gambara' siagang pa'leo', naukiriki siagang pakkakasa' nampa napare' a'jari patung antanja' tau ga'ga, nampa naboli' lalang ri balla'na.

YESAYA 44:19

Tanarapikai napikkiri' anjo papare' patunga angkanaya, “Anjo kayua kutunui sipa'gang, siagang cumi'na kupakei untu' attunu roti siagang allangga dageng untu' kukanre. Nampa sesanna anjo kayua kupa'jari patung. Jari kamma-kamma anne anynyomba' sipolong kayu!”

YEREMIA 11:3

iNakke, Karaeng Allata'alana Israel, antunrai inai-nai mamo tenaya namannuruki ri sara'-sara'na anjo parjanjianga.

YEREMIA 11:5

Punna nagaukang ngaseng ke'nanga anjo sikammaya, laKurupai janjingKu mae ri boe-boena ke'nanga angkanaya pa'rasangang copponga siagang kalumanynyanga, ia napammantangngia ke'nanga kamma-kamma anne, laKupassareangi mae ri ke'nanga.” Appialima' angkana, “Baji'mi, Batara.”

YEREMIA 23:24

Tena manna sitau akkulle ancokkoi kalenna battu ri paccinikKu, nasaba' niakKa' ri kere-keremae, ri suruga siagang ri lino.

YEREMIA 28:6

“Bajiki! Dasi-dasi na'rupaja antu botonu, siagang Naerang tojengi Batara ammotere' battu ri Babel barang-baranna Balla'Na Batara siagang sikontu tau nipelaka mange anjoreng.

YEHEZKIEL 14:4

Lanri kammana anjo, paui mae ri ke'nanga angkanaya iNakke, Batara Kaminang Tinggia appasang kamma anne, ‘Sikamma tu Israel ampappirannuangai kalenna mae ri barhalaya siagang naturukiangi kalenna ta'loposo' antama' ri dosaya, nampa battu untu' appala' pappitangara' ri se'rea na'bi, KalengKu lappiali mae ri ke'nanga siagang piali siratannaya mae ri barhala-barhala kammaya anjo jaina!.

YEHEZKIEL 7:20

Riolo nakalompoang pa'maiki paramata ga'gana ke'nanga, mingka lanri napakena ke'nanga untu' appare' barhala-barhala appakaringi'-ringi', Napa'jarimi Batara anjo barang-barang kammaya appakamalla'-malla'.

DANIEL 11:31

Nampa akkiring pasukang untu' anra'massi Balla'Na Batara. Lanapammari ke'nanga koro'bang allo-alloa siagang appaentengi ke'nanga apa appakamalla' sikalia, iamintu niarenga Kaja'dallang Angngancuruka.

DANIEL 9:11

Sikontu tu Israel nadakkaimi hukkung-hukkunTa siagang taerokami ampilangngeri kananTa. Dorakami ikambe mae ri Katte. Lanri kammanami anjo naKipabattu mae ri kambe pangngalarroinTa, ia niaka tattulisi' lalang ri kitta'na Musa, atanTa.

KAIMANGNGANG 19:4

Teako anynyombai barhala. Teako appareki patung battu ri bassi-bassiang nampa nusomba. INakke Karaeng Allata'alanu.

KAIMANGNGANG 26:1

Nakana Batara, “Teako appareki barhala yareka teako appaentengi patung yareka benteng batu niukirika untu' nusomba. INakkemi Karaeng Allata'alanu.

PAMMILANGNGANG 5:22

Anne je'ne' angngeranga pattunra lantamaki ri battannu siagang napakkambangi battannu kammayatompa ampakapurruki poko' bonggannu.” Anjo bainea musti appiali angkana, “Kusitujui; poro kamma laloi anjo Nagaukang Batara.”

MATIUS 24:15

“Lanuciniki sallang ammenteng ri tampa' matangkasaka, ‘Kaja'dallang langngancuruka’, sangkamma le'baka napau Na'bi Daniel.

MATIUS 6:13

TeaKi' balang parekangi ikambe nibeta ri paccobaya passangalinna Kipakabellai ikambe battu ri maja'dalaka [IKattemi Karaeng makoasaya siagang kaminang mala'birika satunggu-tungguna. Aming!]’

1 KORINTUS 14:16

Nasaba' punna rohnuji bawang appala' sukkuru' mae ri Allata'ala, nania' tau maraeng tena napahangi anjo bicara appakalannasa' battua ri RohNa Allata'ala, takkulleai anjo taua angkana, “Cocoka'” siagang anjo pappala' sukkuru'nu lalang pappala' doangannu; nasaba' tanaassengai angkana apa anjo nupaua.

PAOLE 27:14

Sikamma tu Lewia musti napaui kana-kana kammaya anne siagang sa'ra lompo nampa musti appiali bansa Israel angkana, ‘Aming’.

PAOLE 29:17

Le'ba'mi nucini' patung-patung appakaringi'-ringika nasombaya ke'nanga; patung-patung nipareka battu ri kayu, batu, pera', siagang bulaeng.

PAOLE 4:25

Kammayatompa punna sallo mako ammantang ri anjo pa'rasanganga siagang ammana'-mana' mako anjoreng, teako dorakai lanri appare'nu patung untu' kalennu, manna pole antekammaya tanja'na.

PAOLE 5:8

Teako appareki patung sangkammaya apa-apa ri langika, ri buttaya yareka lalang ri je'neka irawanganna buttaya.

PAOLE 7:25

Tunui sikamma patung-patung barhala nasombaya ke'nanga. Teako cinnai ri pera' yareka bulaeng niaka ri kalenna siagang teako allei untu' kalennu. Punna nudakkai anjo parentaya tena tamatenu, nasaba' Nakabirisi Karaeng Allata'alanu anynyombaya ri patung barhalaya.

HAKING-HAKING 17:3

Napoterammi Mikha anjo doeka mae ri amma'na. Na nakanamo amma'na, “Sollanna nuta'lappasa battu ri anjo tunra kupaua na', kupassareammi anne peraka mae ri Batara untu' nipake appare' patung kayu, nilapisika pera'. Jari kupoterangi anne doeka mae ri kau.”

HAKING-HAKING 17:4

Ri wattunna napoterang Mikha anjo doeka mae ri amma'na, naallemi amma'na ruambilangngang battu ri anjo doeka. Nampa napassareang mae ri sitau tukang pera'. Nampa nasuro anjo tukanga appare' se're patung kayu nilapisika siagang anjo peraka. Nampa niboli' anjo patunga ri balla'na Mikha.

1 SAMUEL 26:19

O, karaeng, kipilangngeri sai sombanna anne atanta. Ebara' angkana Batara assuroi karaengku angngewai atanta, akkullei passare koro'banga ampanaungi pangngalarroinNa mae ri atanta. Mingka ebara' angkana rupatau ansuroi karaengku, tapporo nihukkung laloi ke'nanga ri Batara! Nasaba' lanri panggaukanna anjo ke'nanga nanibongkamo atanta battu ri buttaNa Batara, siagang tarpassa musti a'lampai mange ri pa'rasangang maraeng namusti anynyomba anjoreng atanta mae ri rewata-rewata tenaya niassengi.