PAOLE 26:8 - KITTA' MATANGKASA'

⁸ Lanri KoasaTa siagang kagassingang malompoTa naKilappassang ikambe battu ri Mesir. Kigaukangi gau'-gau' malompoa siagang appakalannasaka, kammayatompa Kipabattui kajariang-kajariang appakagegereka mae ri musua.

PAOLE 26:8 ပူးပေါင်းရင်းမြစ်များ

KALAPPASSANG 12:37

A'lampami tu Israel a'jappa bangkeng battu ri kota Raamses mange ri kota Sukot. Ia jaina ke'nanga iamintu 600.000 tau, tanirekengapi bai'-bainea siagang ana'-anaka.

KALAPPASSANG 12:41

Ri allo kala'busanna anjo taung maka-430 taung, sikontu barisanna anjo umma'Na Batara a'lampami ambokoi butta Mesir.

KALAPPASSANG 12:51

Anjo alloa Naerammi Batara sikontu bansa Israel assulu' battu ri Mesir.

KALAPPASSANG 13:3

Nakanamo Musa mae ri bansa Israel, “Anne alloa Nalappassang mako Batara lalang koasa malompoNa, sa'genna akkulle mako assulu' battu ri Mesir, tampa'nu nipare' ata. Lanri kammana anjo, pakalompomi anne alloa. Teako angnganrei roti ammakea pa'gambang.

KALAPPASSANG 6:6

LaKupa'jariko ummakKu, siagang iNakke a'jari Allata'alanu. Na lanuassemmo angkanaya iNakkemi anne Batara, Allata'alanu, le'baka allappassangko battu ri Mesir, ampare' atayako.

YESAYA 63:12

Kemae Batara le'baka anrurungangi Musa siagang limanNa makassaka, ambage ruayai je'neka ri dallekanna ke'nanga sollanna masahoro' arenNa satunggu-tungguna?

YEREMIA 32:21

Lanri koasa siagang kagassingang lompoTa Kierangi umma' Israel assulu' battu ri Mesir. Kigaukangi gau'-gau' appakalannasaka siagang gau'-gau' malompoa appakagegereka ri musu-musua.

PAOLE 34:11

Tena anggaukangi gau'-gau' malompoa siagang appakalannasaka sangkamma nagaukanga Musa mae ri pa'rasangang Mesir, karaenna siagang sikamma pagawena situru' parentaNa Batara.

PAOLE 34:12

Tena anggaukangi panggaukang-panggaukang hebaka siagang lompo sangkammaya nagaukanga Musa ri dallekanna sikontu bansa Israel.

PAOLE 4:34

Le'bakika nia' rewata barani angngalle se'reang bansa battu ri bansa-bansaya nampa napa'jari ke'nanga umma' kalenna, sangkamma Nagaukanga Karaeng Allata'alanu untu' ikau ri Mesir? Kalennu anciniki antekamma bateNa Allata'ala appabattu kagassingang lompo, angngeranga bala siagang pa'bundukang, anggaukangai gau'-gau' appakalannasaka siagang apa-apa hebaka.

PAOLE 5:15

U'rangi angkana ikau riolo nipare' atako ri Mesir, nampa nilappassangko ri Karaeng Allata'alanu lalang kakoasang malompoNa. Lanri kammana minjo naKuparentakangko untu' ampakalompoi Allo Pammari-marianga.