PAOLE 26:5 - KITTA' MATANGKASA'

⁵ Nampa, ri dallekanNa Batara, musti nupaui anne kana-kana kammaya: ‘O, Batara, anjo boe-boeku tau a'lampa battu ri Aram. Naerangi kaluargana mange ri Mesir untu' ammantang anjoreng, a'jari tau battu-battu. Ri wattunna a'lampa ke'nanga mange anjoreng, sike'de'ji bilanna ke'nanga, mingka ri boko a'jari bansa lompomi siagang bansa kassa'mi ke'nanga.

PAOLE 26:5 ပူးပေါင်းရင်းမြစ်များ

PA'JARIANG 12:2

LaKusareko bija majai, siagang laKupa'jari ke'nanga bansa lompo ri lino. LaKubarakkakiko siagang laKupa'jari masahoroki arennu, sa'gennu la'jari barakka'.

PA'JARIANG 24:4

Musti ammoterekko mange ri pa'rasangang kalassukangku untu' ampa'boyangi baine, iamintu battu ri alla'na bija pammanakangku.”

PA'JARIANG 25:20

Ishak, patampulo taung umuru'na ri wattunna a'nikka siagang Ribka, andi'na Laban, ana'na Betuel, tubattu ri Aram ri Mesopotamia.

PA'JARIANG 27:41

Jari a'jari birisi'mi Esau mae ri Yakub, lanri le'ba'na napassareang barakka'na manggena mae ri anjo andi'na. Nakanamo nawa-nawana, “Tenamo nasallo namate bapakku. Punna le'ba' ta'lappasa' allo kasusaanga, lakubunoi anjo Yakub!”

PA'JARIANG 28:5

Kammaminjo nanalappassammo Ishak anjo Yakub a'lampa mange ri Mesopotamia, mange ri Laban, ana'na Betuel anjo tu Aram. Anjo Laban iamintu daenna Ribka, amma'na Yakub siagang Esau.

PA'JARIANG 31:20

Naakkallimi Yakub anjo Laban, natena napauangi pa'lampanna.

PA'JARIANG 31:24

Ri wattunna bangngi battumi Allata'ala mae ri Laban lalang so'na, na Nakana, “Tutuko, tea' laloko garattaki Yakub manna sibuku kana.”

PA'JARIANG 31:40

Sarroa' nabambangi allo ri wattu singara' siagang nataba dinging ri wattu bangngina. Kammayatompa sarroa' takkullea tinro.

PA'JARIANG 43:12

Angngerangko a'lappi rua jaina doe', nasaba' anjo doe' nugappaya lalang ri massing karunnu musti nupoterangi. Gassingka nia'naja tau lingu anjo wattua.

PA'JARIANG 45:11

Punna niakki' ri Gosyen, akkullema' amparakaiki'. Sallo iji wattu kacipuranga, iamintu liman taumpi. Lakuusahakangi sollanta ikatte, kaluargata, siagang sikamma olo'-olotta tena nalakakurangang apa-apa.’ ”

PA'JARIANG 45:7

Naeramma' Allata'ala a'jappa riolo untu' ampasalama' ngasengko tete ri anne kajariang appakalannasaka, siagang untu' antanggongi kasalamakkannu ngaseng, kammayatompa untu' kala'buanna turungannu.

PA'JARIANG 46:27

Ana'-ana'na Yusuf, ia lassuka ri Mesir nia' rua tau, sa'genna sikontu kaluargana battua ri Mesir nia' tujupulo tau yangaseng.

PA'JARIANG 47:27

Kammaminjo lampa-lampana nammantammo tu Israel ri Mesir, ri Daera Gosyen. A'jari kalumanynyammi ke'nanga, siagang ammana'-mana' anjoreng.

PA'JARIANG 47:4

Battui anne ikambe untu' ammantang anrinni ri pa'rasanganga, lanri sanna' sarrinna kacipuranga ri Kanaan, sa'genna tenamo ruku' untu' lanakanre sikamma bembena siagang gimbala'na ikambe. Kisaremi ikambe pangngellai untu' ammantang ri Daera Gosyen.”

KALAPPASSANG 1:12

Mingka pila' nijallakkangi ke'nanga ri tu Mesir, pila' katambangi jaina anjo tu Israel. Pila' a'la'bammi ke'nanga mae ri sikontu anjo pa'rasanganga, sa'genna a'jari malla'mo tu Mesir ri ke'nanga.

KALAPPASSANG 1:5

Kabusu'na anjo turunganna Yakub, nia' tujupulo tau jaina. Yusuf, nia' memammi la'bi riolo ri Mesir.

KALAPPASSANG 1:7

Mingka anjo turunganna tu Israel a'bija-bijami a'jari sanna' jaina. Teai sipato' linta'na katambang jaina ke'nanga, sa'genna ero'mi rassi pa'rasangang Mesir napakamma ke'nanga.

HOSEA 12:12

mingka manna nakamma tuli nia'na ija anynyomba barhala ri Gilead, kammayatompa assare koro'bang sapi irate ri tampa' pakkoro'bangnganga ri Gilgal. Mingka anjo ke'nanga anynyombaya ri anjo barhalaya lamatei, siagang anjo tampa'-tampa' pakkoro'bangnganga ri Gilgal la'jari tambungang batui ri koko-kokoa.”

HOSEA 12:13

Nampa lari Yakub, iamintu boe-boeta, mange ri Mesopotamia; siagang napa'jari atami kalenna a'jari pakalawaki gimbala' untu' anggappa baine battu ri ana'na anjo patannaya gimbala'.

LAMPA-LAMPANA 7:15

A'lette'mi Yakub mae ri Mesir. Nanjoremmo mate siagang boe-boeta.

PAOLE 1:10

lanri pila' Napa'jari jai mako Karaeng Allata'alanu, rapang bintoenga ri langika jaina.

PAOLE 10:22

Ri wattunna a'lampa boe-boenu mange ri Mesir, anjo jaina ke'nanga tuju puloji tau. Mingka Napa'jari jaimi Karaeng Allata'alanu anjo ke'nanga a'jari sanrapang bintoenga ri langika jaina.”

PAOLE 26:4

Lanatarimai imanga anjo bakuka battu ri limannu siagang napadongko' ri dallekang tampa' pakkoro'bangnganNa Karaeng Allata'alanu.

PAOLE 7:7

Nakamaseangko siagang Napileko Batara, teai lanri la'bi lompoangangko na bansa-bansa maraenga; sikontu tojenna ikau bansa kaminang ca'di ri sikontu linoa.