PAOLE 26:18 - KITTA' MATANGKASA'

¹⁸ Anne alloa Natarimako Batara salaku umma' KalenNa, sangkamma Napa'janjianga mae ri kau, siagang Naparentakangi mae ri kau sollanna nuturuki sikamma hukkunNa.

PAOLE 26:18 ပူးပေါင်းရင်းမြစ်များ

2 SAMUEL 7:24

Le'ba'mi bansa Israel Kipa'jari ummatTa sa'genna satunggu-tungguna, siagang iKatte o Batara, a'jari Allata'alana ke'nanga.

PAMMUJI 119:6

Punna kuparhatikang sikontu parentaTa, tenamo kulanipakasiri'.

PAMMUJI 135:4

Napilei Yakub untu' KalenNa, umma' Israel Napa'jari Ia ampatangi.

KALAPPASSANG 6:7

LaKuerangko mange ri pa'rasangang Kupa'janjianga ammake sumpa mae ri Abraham, Ishak siagang Yakub; Kupassareangi anjo buttaya mae ri kau a'jari ikau ampatangi. INakkemi Batara.”

YEREMIA 13:11

Rapang lipa' bodo tassikko' jarreka ri aya'na tau ampakeai, kammami anjo erokKu sollanna tassikko' umma' Israel siagang Yehuda mae ri Nakke. Lanri kammanami anjo na'jarimo ke'nanga ummakKu ampa'jariai arengKu nipuji siagang nipakalompo. Mingka, taerokai ke'nanga mannuruki ri Nakke.”

KAIMANGNGANG 20:26

Kusa'lakko battu ri alla'na bansa-bansa maraenga sollannu a'jari Kupatang. Musti matangkasakko lanri iNakke Batara, na iNakke matangkasakKa'.

ZEFANYA 3:20

Labattui wattunna, pandudu'nu tassiaraka Kururungangi ammotere'. Kupa'jari masahorokko ri sikontu linoa, siagang laKupoterangi kakalumanynyangngannu.” Le'ba'mi akkana Batara.

ROMA 16:26

Mingka kamma-kamma anne, situru' passuroNa Allata'ala mannannunganga, le'ba'mi nipa'nyata siagang nipabattu anjo rancanaya mae ri sikontu bansa-bansaya, iamintu le'baka natulisi' na'bi-na'bia, sollanna tappa' ngaseng siagang mannuruki ngaseng ke'nanga mae ri Allata'ala.

PAOLE 14:2

Ikaumi Napatanga Karaeng Allata'alanu; battu ri sikontu bansaya ri lino, ikaumi Napile Allata'ala untu' a'jari umma'Na.”

PAOLE 27:10

Lanri kammana anjo turukimi Batara siagang gaukangi sikontu hukkunNa kupassareanga mae ri kau anne alloa.”

PAOLE 28:1

“Punna mannurukiko ri Karaeng Allata'alanu siagang tamamminrayai pa'mai'nu anggaukangi sikontu parenta kupassareanga mae ri kau anne alloa, laNapa'jariko Batara bansa masahoro' ri anne linoa.

PAOLE 28:9

Punna mannurukiko ri Batara Allata'alanu siagang nugaukang sikontu parentaNa, laNapa'jariko umma' KalenNa, sangkamma le'baka Napa'janjiang.

PAOLE 29:13

Iaminjo parjanjianga Napake Batara anne alloa ampakajarrekko a'jari bansaNa, siagang Ia a'jari Allata'alanu sangkamma Napa'janjianga mae ri kau siagang mae ri boe-boenu iamintu Abraham, Ishak siagang Yakub.

PAOLE 4:20

Mingka ikaumi bansa Napasalamaka battu ri butta Mesir, tampa'nu sessa dudu riolo. Naerangko assulu' battu ri anjo pa'rasanganga, sollannu a'jari bansa KalenNa sangkamma kaadaannu kamma-kamma anne.

PAOLE 7:6

Gaukangi anjo kammaya lanri ikau Karaeng Allata'alanu ampatangko. Battu ri sikontu bansaya ri anne linoa, ikaumi Napile Karaeng Allata'alanu untu' a'jari umma'Na kaminang Nangaia.

TITUS 2:14

Le'ba'mi Nakoro'bangkang KalenNa untu' kasalamakkanta battu ri sikontu kaja'dallanga, na Napa'jariki' umma'Na matangkasaka, siagang rajenga a'gau' baji'.

1 PETRUS 2:9

Mingka ikaumi bansa le'baka nipile, imang-imang allayania karaeng, bansa matangkasaka, untu' KalenNa Allata'ala, siagang umma' KalenNa Allata'ala. Napileko siagang Nakiokko Allata'ala assulu' battu lalang ri sassanga untu' antama' ri singara' kalompoanNa, sollanna nupa'la'bang biritta ri sesena sikontu panggaukang malompoNa.