PAOLE 24:6 - KITTA' MATANGKASA'

⁶ Punna assareko angnginrang apa-apa mae ri parannu tau, teako allei batu panggilingang gandunna anjo taua a'jari boro'. Punna nuallei batu panggilinganna anjo taua, nurampasa'mi pakkakasa' naparalluanga kaluargana anjo taua ansambungi katallassanna.

PAOLE 24:6 ပူးပေါင်းရင်းမြစ်များ

PA'JARIANG 44:30

Nakanamo pole Yehuda ri Yusuf, “Lanri kammana, karaeng, punna ammotereki anne atanta ngaseng mange ri manggena ikambe, nampa tena anjo andi'na ikambe, mattantu lamatemi manggena ikambe napakamma. Nyawana niaki ri antu anaka. Nalanri toa dudunamo, sa'genna anjo kasusaang naeranga ikambe la'jari sabaki nalamate.

AYUB 22:6

Punna takkullea nabayara' inranna sari'battannu, nurampasa' ngasengi pakeanna.

MATIUS 24:41

Rua baine sitabang a'dengka ase: sitau lanierang, na sitau laniboli'.

LUKAS 12:15

Nampa Nakana Isa ri sikamma tau niaka anjoreng, “Tutuko siagang jaga-jagako, gassingka a'jariko tau mangngoa. Nasaba' teai battu ri kakalumanynyanganna nattallasa' rupataua, manna pole sanna' jaina pa'barang-baranganna.”

PAOLE 20:19

Punna nubunduki se'rea kota siagang nukulilingi untu' wattu sallo, teako anna'bangngi poko'-poko' rappo-rappoang niaka anjoreng. Kanrei rapponna, mingka teako panraki poko'na, nasaba' anjo poko'-pokoka teai musunnu.

PAOLE 24:5

“Punna nia' bura'ne beru bunting, takkulleai nisuro antama tantara siagang nisuro a'lampa mange a'bundu' yareka nisare tugasa' maraengannaya. Musti nipakabebasaki battu ri tugasa'na lalang sitaung untu' angngurusuki ruma tanggana siagang ampakasannangi nyawana bainenna.

PAOLE 24:7

Inai-nai anculiki julu bansana, nampa nagau' sangkamma ata yareka naallei nabalukang, musti nihukkung matei anjo taua. Kammaminjo caranu ampaccappuki kaja'dallang kammaya anjo.

PAPPICINI' 18:22

Sa'ra kacapia, sa'ra pakelonga, sa'ra sulinga, siagang sa'ra tarompeka, tena ngasemmo nakalangngerang lalang ri kau. Tena tommo lanubuntulu' tu cara'de' manna sitau anjoreng, kammayatompa tena tommo sa'ra batu pa'giling lakalangngerang.