PAOLE 24:19 - KITTA' MATANGKASA'

¹⁹ Punna nupasse're wassele' kattoannu, teako ammotereki untu' angngallei kawarrang gandunnu ammantanga. Anjo gandunga niboli'mi untu' tubattu-battua, ana'-ana' kukanga siagang sikamma jandaya, sollannu nibarakkaki ri Karaeng Allata'alanu lalang sikontu usahanu.

PAOLE 24:19 ပူးပေါင်းရင်းမြစ်များ

AYUB 42:12

Nibarakkakimi Ayub ri Allata'ala la'bi-la'biangngang pole lalang sesa tallasa'na, na ri tenanapa nale'ba' nituju ri bala. Nia' napatang Ayub barang-barang: 14.000 kayu gimbala', 6.000 kayu unta, 2.000 kayu sapi, siagang 1.000 kayu keledai.

PAMMUJI 112:9

Lanabage-bagei barang-baranna, siagang assare passidakka mae ri tu kasi-asia; tuli nagaukangi bajika, lanri kammanami nakoasa siagang nipakalompo.

PANGNGEBARANG 14:21

Inai-nai anghinai paranna tau, a'gau' dosai; inai-nai baji' pa'mai' ri tau kasi-asia, lamate'nei.

PANGNGEBARANG 19:17

Annulung tau kasi-asi sanrapangi assare angnginrang ri Batara; Batara sallang lambalasaki.

YESAYA 32:8

Mingka tau la'birika akkala' baji'na, la'biriki apa-apa narancanakanga siagang la'biri' tongi tindakanna.

KAIMANGNGANG 23:22

Punna akkattoko, teako kattoi gandung niaka ri biring-biring kokonnu siagang teako ammotereki ampasse'rei gandung niaka tassesa ri wattu le'ba'namo pakkattoanga. Lappassammi anjo naalle tu kasi-asia siagang bansa maraenga. Batarami Allata'alanu.

LUKAS 6:35

Sikontutojenna takammayai anjo! Mingka musti nukamaseangi musunnu, siagang a'gau' bajikko ri ke'nanga. Musti nusarei taua angnginrang, siagang teako attayangi lanipoterangngang. Punna kamma anjo batenu, lompoi pahala lanugappaya, siagang la'jari mako ana'-ana'Na Allata'ala Kaminang Tinggia. Nasaba' baji' pa'maiki Allata'ala mae ri tau tenaya nangngasseng appala' sukkuru', kammayatompa baji' pa'maiki mae ri tau ja'dalaka.

LUKAS 6:38

Assareko ri parannu tau, sollanna Nasare tongko Allata'ala; lanisareko sanna' jaina la'bina, ri pa'baku' le'baka nibaku' sannaka rassina. Nasaba' pa'baku' apa nupake ambakuki parannu tau, ia todong minjo pa'bakuka laNapake Allata'ala ambakukko.”

PAOLE 14:29

Anjo kanre-kanreanga untu' tu Lewi, lanri tenana buttana ke'nanga, kammayatompa untu' tubattu-battua, untu' ana'-ana' kukanga, siagang untu' sikamma janda niaka ammantang ri kota-kotanu. Akkullei ke'nanga battu angngallei sikamma apa naparalluanga ke'nanga. Punna nugaukang anjo kammaya, laNabarakkaki Karaeng Allata'alanu sikontu usahanu.”

PAOLE 15:10

Pakasannangi pa'mai'nu na nurella assarei anjo taua, na Nabarakkaki Karaeng Allata'alanu sikontu usahanu.

PAOLE 24:18

U'rangi angkanaya ikau le'bakko a'jari ata ri Mesir nampa nilappassangko ri Karaeng Allata'alanu; iaminjo saba'na nakusareko anne paratoranga.

PAOLE 26:13

angkana mako ri Karaeng Allata'alanu, ‘Battu ri bage sampulona wassele' kattoang mustia nipassareang mae ri Katte, Batara, tena manna sike'de' ammantang ri ballakku; yangasenna le'ba'mi kupassareang mae ri tu Lewi, tubattu-battua, ana'-ana' kukanga siagang jandaya, sangkamma Naparentakanga Karaeng Allata'ala mae ri nakke. Battu ri parenta-parentaNa Batara ri passala'na passare bage sampuloa battu ri panggappanga, tena manna sirupa kudakkai.

RUT 2:2

Ri se'reang allo akkanami Rut mae ri Naomi, “Amma' erokka' appala' kana mange anrappung gandung ia tu'guruka battu ri pakattoa. Tantu nia'ja tau ampa'bianga' appakamma anjo.” Appialimi Naomi angkana, “Baji'mi na', a'lampamako mange!”