PAOLE 24:17 - KITTA' MATANGKASA'

¹⁷ Teako rampasaki ha'na bansa maraenga siagang ana'-ana' kukanga, siagang teako allei pakeanna jandaya untu' a'jari boro' lanri pangnginrangnganna.

PAOLE 24:17 ပူးပေါင်းရင်းမြစ်များ

AYUB 22:6

Punna takkullea nabayara' inranna sari'battannu, nurampasa' ngasengi pakeanna.

AYUB 24:3

Keledaina ana' kukanga, nalariang ke'nanga; sapina jandaya, naalle napa'jari panynyikko' inrang.

KALAPPASSANG 22:20

Inai-nai assare koro'bang mae ri rewata-rewata maraenga pantaranganna mae ri Nakke, Batara, musti nihukkung matei.

KALAPPASSANG 23:2

Teako katuru'-turukangngi mae ri tau jaia punna a'gau' ja'dala' ke'nanga yareka napalekko salai hukkunga lanri assarena kasa'biang takontutojeng.

KALAPPASSANG 23:6

Pakaadeleki panggaukannu mae ri tu kasi-asia punna battui mae ri kau angngerangi parkarana ri pangadelanga.

KALAPPASSANG 23:9

Teako paero'-eroki panggaukannu mae ri bansa maraenga; nuassemmi kasia'na nikanaya a'jari bansa maraeng, saba' riolo ikau a'jari bansa maraeng tongko ri wattunnu ri Mesir.”

PANGNGEBARANG 31:5

Saba', punna angnginung inungang terasa' karaenga, nakaluppai hukkunga siagang tenamo najampangi ha'na tau lammaya.

KATO'BA 5:8

Ba'lalo manna karaenga tanjeng tongi mae ri wassele' kattoa.

YESAYA 1:23

Sikamma pamimpinnu angngewami mae ri Nakke siagang assikongkolo'mi palukka'; nangai ke'nanga annarima hadia siagang doe' pammuccu'. Taerokai ke'nanga angngalleangangi ana' kukanga ri pangadelanga; taerokai ke'nanga ampilangngeri tuntutanna sikamma janda-jandaya.

YESAYA 3:15

Angngapa nanujallakkang ummakKu siagang nupacco' tu kasi-asia? INakke anne, Batara Kaminang Tinggia siagang Kaminang Koasaya, a'bicara mae ri kau ngaseng.”

YESAYA 33:15

Akkulleko attahang punna akkanako nupanggaukang baji'. Teako a'boyai passawallang lanri nupacco'na tau kasi-asia, siagang teako annarimai doe' pammuccu'. Teako katuru'-turukangngi ri tau a'rancanaya pammunoang yareka kaja'dallang maraengannaya.

YEREMIA 22:3

“A'gau' adelekko siagang a'gau' lambusukko. Lappassangi tau nipaccoka battu ri kakoasanna tau papaccoka. Teako anjallakkangi yareka teako a'gau' ja'dalaki mae ri bansa maraeng niaka ammantang ri alla'nu, mae ri ana'-ana' kukanga, yareka mae ri jandaya. Teako bunoi tau tenaya salana ri anne tampaka.

YEREMIA 5:28

kammayatompa a'jari co'mo' siagang coppong tallasa'na. Tena sanggana kaja'dallanna ke'nanga. Tena na'gau' adele' lalang ri passala'na ana'-ana' kukanga, siagang tena naalleangngangi ha'na sikamma tau nijalakkanga.

YEHEZKIEL 22:29

Sikamma tau kalumanynyanga annipui siagang angngellaki. Appaero'-eroki ke'nanga appanggaukang mae ri tau kasi-asia siagang napangngallei passawallang bansa maraeng annumpanga.

YEHEZKIEL 22:7

Tena manna sitau battu ri pandudu'nu ampakalompoi tau toana. Nutipui bansa maraeng niaka annompang siagang angngalleko passawallang battu ri kasusaanna jandaya siagang ana' kukanga.

KAIMANGNGANG 19:33

Teako ampanggaukang kodi mae ri bansa maraeng niaka ammantang ri pa'rasangannu.

MIKHA 7:3

Para cara'deki a'gau' ja'dala'. Pagawea siagang hakinga appalaki doe' pacoco', siagang pamimpinga napassakangi ero'na, kammami anjo batena ke'nanga assikongkolo' ngaseng.

ZAKHARIA 7:10

Teako jallakkangi sikamma jandaya, ana'-ana' kukanga, bansa maraeng battua ammantang ri tangnga-tangnganu, yareka inai-nai mamo niaka lalang kasusaang. Siagang tea tongko appareki rancana ja'dala' mae ri parannu tau.’

MALEAKHI 3:5

Nakana Batara Kaminang Koasaya, “LabattuA' mae ri kau ngaseng untu' angngadeli. LabattuA' linta' anjari sa'bi mae ri pabale'-bale' mataya, sikamma tau a'gau' bawanga, pasa'bi balle-ballea, a'gau' jekkonga ansarei gajina tau angnganre gajia, tau anjallakkangai sikamma jandaya, ana'-ana' kukanga, siagang bansa maraeng battua annompang, mae ri sikontu tau tenaya napakala'birikKa'.”

LUKAS 3:14

Nia' tommo surudadu akkuta'nang angkana, “Antekamma anne ikambe? Apa musti nigaukang?” Appialimi Yohanes nakana, “Teako paccoki taua, siagang teako garattaki taua lanri ero'na nualle passa doe'na. Kasukkurammi gaji nugappaya!”

PAOLE 1:17

Takkulleai battala' siali kaputusannu; musti nupasangkamma-kamma ngasengi taua punna nuadeli, manna pole inai teako pasimmara'-maraengi. Teako mallakki manna pole ri nai, nasaba' anjo kaputusang nupattantua iamintu kaputusang battu ri Allata'ala. Punna nia' parkara battala' dudui nusa'ring, erangi mae ri nakke, sollanna inakke antappuki.

PAOLE 16:19

Punna angngalle kaputusang ke'nanga, takkulleai ke'nanga appaero'-ero' kalenna yareka takkulleai battala' siali. Takkulleai ke'nanga annarima passare nipacoco', lanri anjo passare kammaya napa'jari butai taua, ba'lalo manna tau cara'deka siagang tau lambusuka, sa'genna tena naadele' batena ke'nanga angngalle kaputusang.

PAOLE 24:13

mingka musti nupoterangi mae ri ia tunggala' bangngi sollanna akkulle napake untu' attinro. Jari lappala' tarima kasi anjo taua mae ri kau, siagang lamangngellai Karaeng Allata'alanu mae ri kau.

PAOLE 24:18

U'rangi angkanaya ikau le'bakko a'jari ata ri Mesir nampa nilappassangko ri Karaeng Allata'alanu; iaminjo saba'na nakusareko anne paratoranga.

PAOLE 24:6

Punna assareko angnginrang apa-apa mae ri parannu tau, teako allei batu panggilingang gandunna anjo taua a'jari boro'. Punna nuallei batu panggilinganna anjo taua, nurampasa'mi pakkakasa' naparalluanga kaluargana anjo taua ansambungi katallassanna.

PAOLE 27:19

‘Nitunrai tau anrampasakai ha'na tubattu-battua, ana' kukanga, siagang jandaya.’ ‘Aming!’

YAKOBUS 2:6

Mingka ikau nuhinai tu kasi-asia; na sikontutojenna iaji anjo tu kalumanynyanga anjallakkangko siagang anre'resangko mange ri pangadelanga!