PAOLE 24:15 - KITTA' MATANGKASA'

¹⁵ Tunggala' allo ri wattu tenanapa nalabu alloa, musti nubayaraki gajina untu' anjo alloa; narannuangi anjo doeka lanri naparallukangi. Punna tena nubayaraki gajina, lakkioki mae ri Batara untu' appala' tulung passabakkang ikau, siagang ikau lanisalakang.

PAOLE 24:15 ပူးပေါင်းရင်းမြစ်များ

AYUB 31:13

Ri wattuna akkunrareng atangku lanri kupassala-salang ha'na, kupilangngeri kunrarenna, na kubajiki gaukku mae ri ia.

AYUB 31:38

Ebara' angkana tampa' kulukka' butta kupa'jekoa, na kurampasa' battu ri sitojennaya pata,

AYUB 34:28

Ke'nanga passabakkang nakkunrareng tu kasi-asia, karru'na ke'nanga nilangngereki ri Allata'ala.

AYUB 35:9

Tau nijallakkanga, akkunrareng; ammarrangi ke'nanga appala' tulung.

AYUB 7:2

sanrapangi ata nakkuka ri pa'la'langang; sanrapangi pajama attayanga sambe poso.

PAMMUJI 24:4

Tu tenaya callanna pikkiranna siagang panggaukanna, tenaya nassumpa napare'-pare' siagang tenaya nanynyomba barhala.

PAMMUJI 25:1

Pammujina Daud. Ri Katte, o, Batara, kupanai' pappala' doangku,

PAMMUJI 86:4

O, Batara, Kipakarannui pa'mai'na atanTa, saba' mae ri Katte tattuju atingku.

YESAYA 5:7

Saba' koko anggoro'Na Batara Kaminang Koasaya iamintu umma' Israel, siagang tu Yehuda iami poko' anggoro' Nalamunga. Battu ri ke'nangami Naminasai kaadelanga, mingka kapallakkanji napa'nia'. Naminasai ke'nanga appaenteng katojengang, mingka karru'ji appala' kaadelang napanai'.

YEREMIA 22:13

Cilakai tau ambangungai balla'na siagang tena naadele', kammayatompa ampa'la'bangi kajekkonganna. Cilakai tau assuroa anjama nampa tena nasarei gajina taua.

KAIMANGNGANG 19:13

Teako paccoki parannu tau yareka teako alle passai barang-baranna. Sawala'na tau anjamaya ri kau teako tahangngi, manna pole nasipattanja.

KAIMANGNGANG 25:35

Punna nia' tau julu bansanu ammantanga ri alla'nu tu'guru' kasi-asi siagang takkulleai naongkosi tallasa'na, ikau musti nubantui anjo taua sangkamma tau battu-battua yareka bansa maraeng ammantanga ri alla'nu, sollanna akkulle napatulusu' tallasa'na ri alla'nu.

MALEAKHI 3:5

Nakana Batara Kaminang Koasaya, “LabattuA' mae ri kau ngaseng untu' angngadeli. LabattuA' linta' anjari sa'bi mae ri pabale'-bale' mataya, sikamma tau a'gau' bawanga, pasa'bi balle-ballea, a'gau' jekkonga ansarei gajina tau angnganre gajia, tau anjallakkangai sikamma jandaya, ana'-ana' kukanga, siagang bansa maraeng battua annompang, mae ri sikontu tau tenaya napakala'birikKa'.”

MATIUS 20:8

Ri karueng dudunamo, nakanamo anjo patanna koko ri mandoro' pajama-jamana, ‘Kio' ngasemmi anjo tau anjamaya. Massing bayara'mi gajina appakkaramula battu ri anjo kala'busang dudua antama' anjama sa'genna tau ri dallekang dudua antama'.’

MARKUS 10:19

Nuassemmi sikamma parentaNa Allata'ala angkanaya, ‘Teako ammunoi; teako a'gau' assalimarri; teako a'lukkaki; teako assa'bi balle-ballei; teako annipui; pakala'biriki manggenu siagang amma'nu.’ ”

PAOLE 15:9

Teako appareki alasang angkanaya a'reppese'mi taung kalappassanna inranga, sa'genna tena nuero' ansarei angnginrang. Teako lappassangngi anjo pikkirang ja'dala' kammaya antama' ri pikkirannu. Punna tanusarea angnginrang, anjo taua lakkioki mae ri Batara ampabattui anjo passalaka, nampa ikau lanisalakang.

1 TIMOTIUS 5:18

Nasaba' nia' tattulisi' lalang ri Kittaka angkanaya, “Punna nipakei sapia appa'jeko takkulleai nijempang bawana”; kamma tomminjo, “Tau anjama-jamaya musti nagappai sawala'na”.

YAKOBUS 5:4

Tanubayarrai gajina sikamma tungnganre gajia ri kokonnu. Kamma-kamma anne pilangngerimi kunrarenna ke'nanga! Sikamma tau ampasse'reai wassele'na kokonnu akkiok-kio'mi appala' tulung mae ri Allata'ala; siagang Nalangngere'mi Allata'ala, Batara Kaminang Koasaya anjo pakkio'na ke'nanga.