PAOLE 24:1 - KITTA' MATANGKASA'

¹ “Ebara' angkana nia' baine anggaukangi panggaukang appakasirika, sa'genna tenamo naningai ri bura'nenna. Nampa anjo bura'nea nasarei sura' talla' anjo bainea, siagang nabongkai anjo bainea battu ri balla'na.

PAOLE 24:1 ပူးပေါင်းရင်းမြစ်များ

KALAPPASSANG 21:10

Punna a'bunting poleang anjo ana' bura'nea, musti natanggongi tulusuki kanrena siagang care-carena kammayatompa sikontu ha'na kamma biasa anjo baine makase'rena.

YESAYA 50:1

Nakana Batara ri Israel, “He ummakKu, nukapangi angkana Kubongkako rapang se'rea bura'ne ambongkai bainenna? Punna kamma, kemae sura' talla'na? Nukapangi angkana Kubalukangko, rapang sitau mangge ambalukangi ana'na mae ri tau assingaraka pappiinrang? Tena! Nitahangko siagang nipelakko, lanri dosanu siagang kaja'dallang kalennu!

YEREMIA 3:1

Nakana Batara, “Punna nia' sitau baine nitalla' ri bura'nenna, nampa anjo bainea nibaineangi ri bura'ne maraeng, takkulleai anjo le'ba' bura'nenna ambaineangi pole ammotere', lanri anjo passala' kammaya lammanraki ri anne pa'rasanganga. Ikau tu Israel, jai sikalimi tanrinnu, antekamma batenu lakkulle ammotere' mae ri Nakke!

MALEAKHI 2:16

Nakana Karaeng Allata'alana Israel, “Kukabirisi nikanaya passitallakkang. Birisikka' punna nia' tau ri kau a'gau' palla' kamma anjo mae ri bainenna. Jari katutui kalennu siagang tea sikaliko amminrai pa'mai'nu mae ri bainennu.”

PAMMILANGNGANG 5:12

ampassareangi anne paratorang-paratorang kammaya mae ri tu Israel. Gassingka nia' tu bura'ne ambata-batai bainenna. Punna nakapangi angkanaya anjo bainenna tena namajarre' pa'mai'na mae ri kalenna siagang nara'massimi kalenna lanri sikatinroangi siagang bura'ne maraeng. Mingka punna tena nattantu pangngissenna anjo bura'nenna, lanri nagaukanna bainenna anjo kammaya siagang accokko-cokko: tena sa'binna, siagang tena todong narapikangi appanggaukang. Yareka, gassingka nia' tu bura'ne ambata-batai bainenna, nampa tenaja na'gau' sala bainenna.

PAMMILANGNGANG 5:28

Mingka ebara' angkana tena nasala, tena nanitabai pattunra siagang lakkulle iji pole ammana'.

MATIUS 1:19

Anjo Yusuf tuli tutui anggaukangi gau' tojenga situru' napangngajarranga agamana. Taerokai ampelakkangi siri'na Maria ri dallekanna tau jaia. Jari ero'mi a'lampa cokko-cokko ambokoi Maria.

LUKAS 16:18

Inai-nai antallaki bainenna, nampa a'bunting siagang baine maraeng, iami a'gau' salimara'. Siagang inai-nai bura'ne ambuntingi anjo baine le'baka nitalla', a'gau' salimara' tommi.”

PAOLE 21:15

“Ebara' angkana nia' tau rua bainenna. Rua-ruai allassukang ana' bura'ne, mingka ana' lassu' rioloa teai ana' battu ri baine nakamaseanna anjo taua.

PAOLE 22:13

“Ebara' angkana nia' bura'ne taerokami ri bainenna,

PAOLE 22:19

Musti napassala tongi ke'nanga anjo bura'nea sibilangngang doe' pera' nampa napassareang anjo doeka mae ri matoanna, lanri le'ba'namo napanraki areng baji'na se'rea tubaine Israel. Nampa pole anjo bainea musti tuli nabaineangi, siagang takkulleai nisa'la' ri bainenna lalang sikontu tallasa'na.

PAOLE 22:29

Punna kamma anjo passalaka, anjo tu bura'nea musti a'bayaraki mae ri manggena anjo bainea iamintu sangkamma jaina doe' panai', iamintu limampulo doe' pera', nampa musti nabaineangi anjo tuloloa lanri le'ba'namo napassa assikatinroang siagang ia. Lalang tallasa'na takkulleai natalla' anjo bainea.

PAOLE 24:2

Nampa a'bunting poleang anjo bainea siagang bura'ne maraeng;

PAOLE 24:3

mingka tena nasiapa sallona tenamoseng naningai ri anjo bura'ne ri bokona, siagang nisaremiseng sura' talla' nampa nibongka anjo bainea. Yareka akkulle tongi angkana matei anjo bura'ne ri bokona.