PAOLE 23:6 - KITTA' MATANGKASA'

⁶ Lalang sikontu tallasa'na, tena sikali naNatulungi anjo bansa-bansaya yareka tena sikali naNapa'jari salewangang ke'nanga.

PAOLE 23:6 ပူးပေါင်းရင်းမြစ်များ

2 SAMUEL 12:31

Pantaranganna anjo nierammi pandudu'na, siagang nisuroi angngerang garagaji, bingkung bassi, pangkulu' bassi, nampa nipajama ke'nanga ri tampa' papparekang batu bataya. Kamma tomminjo nagaukang mae ri pandudu'na kota-kota Amon maraengannaya. Le'baki anjo ammotere'mi Daud siagang sikontu tantarana mange ri Yerusalem.

2 SAMUEL 16:12

Gassingka Naparhatikangi Batara anne kapa'risanga nampa Nabarakkakia' salaku sambenna anjo pattunraia.”

2 SAMUEL 8:2

Nabeta tommi Daud tu Moab. Nasuroi ke'nanga attinro ri buttaya, nampa nabuno ta'rua lalang tattallua tau. Jari, tundu'mi tu Moab mae ri Daud siagang a'bayara'mi passare ke'nanga mae ri ia.

EZRA 9:12

Anjo na'bi-na'bia napisangkaimi ikambe a'bunting assicampuru' siagang sikamma anjo taua, yareka ambantui ke'nanga a'jari kalumanynyang siagang salewangang. Ebara' angkana mannuruki ikambe, la'jari kassaki ikambe siagang akkullei nakasia' baji' kammayatompa nasossorang turunganna ikambe wassele'na anjo buttaya, sa'genna satunggu-tungguna.

DANIEL 4:27

Lanri kammana anjo, kupalaki nakipilangngeri anne pappakainga'na atanta. Tea' maki' dorakai pole karaeng, mingka gaukammi apa bajika siagang adeleka, kammayatompa kamaseangi tu kasi-asia. Lanri kammana anjo nalatulusu' mate'ne karaengku.”

MIKHA 6:5

He ummakKu, u'rangi apa narancanakanga Balak karaeng Moab mae ri kau, siagang apa papialinna Bileam ana'na Beor mae ri ia. U'rangi apa kajarianga ri pa'jappannu ri alla'na pakkemaannu ri Sitim siagang Gilgal. Punna nuu'rangi ngasengi anjo sikammaya, lanusadarimi apa le'baka Kugaukang untu' ampasalamakko.”

PAMMILANGNGANG 24:10

Larromi Balak siagang natannammi panja'guru'na nampa nakana mae ri Bileam, “Ikau kukiokko untu' antunrai musu-musungku, mingka ikau ba'lalo a'giling nubarakkakiji ke'nanga sa'genna pintallung.

PAOLE 7:8

Mingka Napileko Batara lanri Nakamaseangko siagang eroki Narupai janji Napareka siagang boe-boenu. Iaminjo saba'na nale'ba' mako Napasalama' siagang kakoasang lompoNa siagang Nalappassangko battu ri nipare' atanu battu ri karaeng Mesir.