PAOLE 23:18 - KITTA' MATANGKASA'

¹⁸ Kammayatompa anjo doe' nagappaya battu ri panggaukang bawanna, takkulleai nierang mae ri Balla'Na Karaeng Allata'alanu untu' pa'bayara' tinja', nasaba' tanangaiyai Karaeng Allata'alanu pagau' bawanga ri balla'-balla' panynyombanga mae ri rewataya siagang tena todong nangai wassele' gau' bawanga.

PAOLE 23:18 ပူးပေါင်းရင်းမြစ်များ

1 KARAENG-KARAENG 14:24

Anjoreng ri tampa'-tampaka appare'mi ke'nanga passundallang salaku panynyombang ri rewataya. Ba'lalo manna bura'nea a'jari tommi pasundala'. Sikamma panggaukang ra'masaka nagaukang ngasemmi tu Yehuda, sangkamma apa nagaukanga bansa-bansa maraeng le'baka Nabongka Batara ri wattunna napantamakki tu Israel anjo pa'rasanganga.

PAMMUJI 22:16

Kalotoro'mi karro'-karrokku sanrapang kaca ancuruka, a'dakki'mi lilaku ri nga'ngalakku. O, Batara, angngapa naKibokoia' irate ri limbu'buka sanrapang tau mateamo.

PANGNGEBARANG 26:11

Sanrapang kongkong angkanrei ammotere' langngena, kammaminjo tau toloa ampa'mole-molei kadongokanna.

YESAYA 61:8

Nakana Batara, “INakke Kungai kaadelanga na Kukabirisi panjallakkanga siagang kaja'dallanga. LamajarreKa' assareko pahalanu, siagang appare' parjanjiang mannannungang siagang ikau.

YEHEZKIEL 16:33

Se'rea pasundala' tuli nibayaraki, mingka kabalekanna ikau assarei hadia sikamma tu bura'ne nuaganga assikatinroang, ba'lalo nunyonyoki ke'nanga siagang doe' sollanna battu ngaseng angngagangko assikatinroang.

KAIMANGNGANG 18:22

Tu bura'nea tena nakkulle assikatinroang siagang paranna bura'ne; Nakabirisi Allata'ala panggaukang kammaya anjo.

KAIMANGNGANG 19:29

Teako pakatunai anggaranna ana'nu bainea siagang teako lappassangngi a'jari baine sala ri balla'-balla' passambayangang rewataya. Lanri appakammanu anjo nanura'massi pa'rasangannu, siagang la'la'bangi anjo panggaukang sala kammaya anjoreng.

KAIMANGNGANG 20:13

Punna nia' tu bura'ne a'gau' bawang siagang paranna tu bura'ne, anjo ke'nanga appakaringi'-ringiki siagang hinai panggaukanna, siagang musti nihukkung mate rua-ruai. Matei ke'nanga lanri salana tonji.

KAIMANGNGANG 7:16

Punna nia' tau angngerang koro'bang passiamakkang untu' anrupai tinja'na, yareka untu' koro'bang lanri ero' kalenna, tena naparallu nikanre ngaseng memang anjo alloa. Punna nia' la'binna akkullei nikanre ammukona.

MIKHA 1:7

Patung-patunna ka'jalaka ballinna laniancuruki, siagang sikamma apa-apa nipassareanga mae ri bai'-baine tugasaka ri balla' rewataya lanitunui, kammayatompa sikontu barhalana lanipanraki. Anjo barang-barang kammaya wassele' ibadana ke'nanga mae ri rewata kacopponganga. Kamma-kamma anne kabusu'na anjo laniengkaki ri musu-musunna untu' napassareang mae ri rewata-rewatana ke'nanga.”

HABAKUK 1:13

Mingka antekamma bateTa akkulle attahang anciniki tau ja'dala' palla' kammaya anjo? Sai iKatte sanna' matangkasatTa untu' anciniki kaja'dallanga? Sai iKatte lanreki anciniki gau' tenaya naadele'? Jari, angngapa natena apa-apa Kikana ri wattunna niancuru' tau bajika ri tau dorakaya?

MALEAKHI 1:14

Nitunraimi patipu assarea ri Nakke olo'-olo' tenaya anggaranna, punna nia'ja olo'-olo' maraengannaya bajika le'baka napa'janjiang ri Nakke! Nasaba' iNakke Karaeng Malompo, siagang nipakalompoa ri sikontu bansaya.”

MATIUS 7:6

Teako assarei barang matangkasa' mange ri kongkonga, sollanna tena na'giling ri kau ambakkaiko. Tea tongko assarei mutiara mange ri bawia, sollanna tena naonjo'-onjokangi anjo mutiaraya.”

PAOLE 12:6

Anjoremmi ri tampaka musti nuerang sikamma koro'bang nitunua siagang sikamma koro'bang maraenganga, passare bage sampulona panggappannu siagang passare maraengannaya, koro'bang pa'bayara' tinja'nu, koro'bang passare ero' kalennu, kammayatompa ana' sapi, ana' bembe, siagang ana' gimbala' bungasa' lassuka.

PAOLE 22:21

anjo bainea musti nierangi mange ri pakke'bu' balla'na tau toana. Anjoreng ri tampaka musti nisambilai siagang batu anjo bainea ri tubura'-bura'nea ri anjo kotaya sa'genna mate. Anjo bainea le'baki ampanggaukang appakasirika mae ri bansata lanri nagaukanna assikatinroanga siagang bura'ne ri tenanapa na'bunting, ri wattu ammantanna ija ri balla'na manggena. Lanri nihukkunna anjo bainea nupaccappu'mi anjo kaja'dallang kammaya.

PAOLE 23:21

Punna nia' apa-apa nupa'janjiang mae ri Karaeng Allata'alanu, teako pamono'-monoki untu' anrupai anjo janjinnu, lanri tuli Natuntu'na Karaeng Allata'alanu ri kau, siagang dorakako punna tena nanurupai.

FILIPI 3:2

Tutu laloko mae ri tau a'gau' ja'dalaka. Anjo tau kammaya siratangi nipasanrapang kongkong. Napassa-passai taua sollanna nisunna'.

2 PETRUS 2:22

Anjo panggaukanna ke'nanga napa'buttimi kontutojenna lampang kana angkanaya, “Lanakanre poleangi kongkonga apa le'baka nalangngewang”; yareka “Tedong le'baka nije'ne', lamange poleangi anggulungi kalenna ri peoka.”

PAPPICINI' 22:15

Mingka sikontu tau anggaukangai apa-apa tenaya matu-matunna, tau ammakea pangngissengang baca-baca, tau a'gau' bawanga, tau ammunoa, tau anynyombaya barhala, siagang tau a'balle-ballea, baji' na'balle-balle lalang bicara yareka lalang panggaukang, sikontu anjo tau kammaya pantaranganna ngasengi anjo kotaya tampa'na.