PAOLE 22:27 - KITTA' MATANGKASA'

²⁷ Anjo bainea anjorengi ri kokoa nipassa nigau' bawang, siagang manna pole akkioki anjo tuloloa appala' tulung, mingka tena tau akkulle battu antulungi.

PAOLE 22:27 ပူးပေါင်းရင်းမြစ်များ

MATIUS 1:18

Ia kalassukanNa Isa Almasi kammai anne lampa-lampana. Amma'Na niarenga Maria, eroki nipasialle siagang Yusuf. Mingka lalang tenanapa nasialle ke'nanga, apaji natianammo Maria lanri gau' makoasa battua ri RohNa Allata'ala. Na tanaassenga Yusuf angkanaya lanri gau' makoasa battu ri RohNa Allata'ala natianang anjo Maria.

1 KORINTUS 13:7

Attahangi andallekangi sikontu apa-apaya, siagang tappaki mae ri apa-apa kaminang bajika lalang ri kalenna tasse're-se'rea tau; manna pole antekamma takkulleai tappu' panrannuang siagang sa'baraki antayangi sikontu apa-apa nitayanga.

PAOLE 22:26

Anjo tuloloa takkulleai niapa-apa, lanri tenana nagaukangi apa siratanga nanihukkung matei. Anjo parkara kammaya sangkammai parkarana punna nia' tau ambakkai paranna tau nampa nabuno.

PAOLE 22:28

Ebara' angkana nia' tu bura'ne nirapikang ampassai se'rea tulolo assikatinroang, nampa anjo tuloloa tenapa bayuanna.