PAOLE 22:24 - KITTA' MATANGKASA'

²⁴ Punna kamma anjo passalaka, musti nierangi anjo ke'nanga assulukang ri pantaranna kotaya nampa nisambila batu sa'genna mate. Anjo tuloloa musti nibunoi lanri tenana nakkio' appala' tulung, nasaba' anjo passalaka lalangi ri kotaya kajariang, jari akkullei nilangngere' sa'ranna punna akkioki. Nampa anjo bura'nea musti nibunoi lanri assikatinroanna siagang tulolo le'bakamo nipa'bayuang siagang bura'ne maraeng. Lanri nihukkunna anjo tau ruaya, nupaccappu'mi anjo kaja'dallanga.

PAOLE 22:24 ပူးပေါင်းရင်းမြစ်များ

PA'JARIANG 29:21

Le'baki anjo nakanamo Yakub ri Laban, “Allalomi tuju taung, jari kellaima' a'bunting siagang anatta purina.”

AYUB 31:11

Punna memang kugaukang anjo dosa rantasa' kammaya, siratanga' anggappa hukkungang.

YEHEZKIEL 16:38

LaKuhukkungko lanri passundallang siagang pammunoang le'baka nugaukang. Lalang nassuKu siagang larroKu laKuhukkung mateko.

KAIMANGNGANG 20:10

Punna nia' tu Israel a'gau' salimara' siagang bainenna julu bansana, anjo taua siagang anjo bainea musti nihukkung matei.

MATIUS 1:20

Mingka lalang nanawa-nawana Yusuf eroka a'lampa, asso'nami ri wattunna tinro. Lalang asso'nana, nia'mo nacini' sitau malaeka'Na Batara battu mae ri ia angkana, “E, Yusuf, sossoranna Daud, teako mallakki a'nikka siagang Maria; nasaba' anjo ana' natiananganga, pa'jari battu ri gau' makoasaNa RohNa Allata'ala.

MATIUS 1:24

Ambangunna Yusuf, nagaukammi anjo pappasang le'baka napabattu malaeka'Na Allata'ala ri ia. A'nikkami siagang Maria.

1 KORINTUS 5:2

Mingka manna nakamma, ero' ijako tuli attampo-tampo. Sikontutojenna, musti si'nai nyawanu siagang musti nupassuluki anjo tau a'gau' kammaya battu ri alla'nu.

PAOLE 17:7

Anjo rolong sikamma a'jari sa'bia appakkaramula ansambilai batu anjo taua, nampa nipinawang ri sikontu ra'yaka. Kammaminjo caranu ampaccappuki anjo kaja'dallanga.

PAOLE 21:14

Punna ri bokoang allo natenamo nuero' ri ia, akkullei nusuro a'lampa siagang laluasa. Takkulleai nupare' kamma ata yareka takkulleai nubalukang, lanri le'ba'mi nupassa angngagangko sikatinroang.”

PAOLE 22:23

Ebara' angkana ri se'reang kota nia' bura'ne nirapikang assikatinroang siagang se're tulolo le'bakamo nipa'bayuang siagang bura'ne maraeng.

PAOLE 22:25

Mingka maraeng tongi passala'na punna nia' bura'ne ampassai se'rea tulolo untu' angngagangi assikatinroang ri se'reang koko nampa anjo tuloloa le'ba'mi nipa'bayuang siagang bura'ne maraeng. Punna kamma anjo passalaka, musti bura'neaji bawang nihukkung mate.