PAOLE 21:5 - KITTA' MATANGKASA'

⁵ Sikamma imang tu Lewia musti a'lampa tongi mange anjoreng ri tampaka, lanri musti assarei ke'nanga kaputusang lalang sikamma parkara katerassanga. Nipilei ke'nanga ri Karaeng Allata'alanu untu' ampare' atai kalenna mae ri Batara, siagang ampabattui kana-kana barakkaka lalang arenNa Batara.

PAOLE 21:5 ပူးပေါင်းရင်းမြစ်များ

1 PATTOTTORANG 23:13

Amram iami manggena Harun siagang Musa. (Harun siagang sikontu turunganna iami nipa'jari satunggu-tungguna angngurusuki sikamma pakkasa' sambayanga, attunu dupa untu' Batara, allayani Batara, siagang ambarakkaki ra'yaka lalang arenNa Batara.

2 PATTOTTORANG 19:10

Punna nia' agannu battu ri pa'rasangang maraeng angngerang mae ri kau se'reang kara-kara pammunoang, kara-kara andakkai hukkung yareka kara-kara andakkai undang-undang, parallui nusare kasingarang ke'nanga. Lalang kammana anjo tenamo nasala ke'nanga mae ri Batara, siagang tenamo Nalalarro Batara mae ri kau yareka mae ri ke'nanga. Gaukangi anne apa kuparentakanga, jari tenamo nulasala.

YEHEZKIEL 42:13

Nakana anjo tu bura'nea ri nakke, “Anjo ruaya bangunang matangkasaki. Anjoreng, sikamma imanga akkulle andallekang ri kahaderanNa Batara, angnganre koro'bang kaminang matangkasaka. Anjoreng tommi musti natampakkang ke'nanga sikamma koro'bang kaminang matangkasaka, iamintu: koro'bang gandung siagang koro'bang pannangkasi dosa yareka koro'bang sambe karugiang.

YEHEZKIEL 44:24

Punna nia' passisala-salang lanri parkara hukkung, musti napakabajiki ke'nanga situru' hukkung-hukkungKu. Musti napakalompoi ke'nanga allo lompo agamaya, situru' atorang-atorangKu siagang hukkung-hukkungKu, kammayatompa napakalompoi allo Pammari-marianga salaku allo nisa'laka untu' iNakke.

KAIMANGNGANG 9:22

Le'baki napassareang ngaseng anjo koro'banga, naangka'mi limanna Harun irateanna umma' Israel na nabarakkaki ke'nanga, nampa naung.

MALEAKHI 2:7

Memang kawajibanna sikamma imanga untu' ampangngajarrangi apa tojenga ri passala'na inakke, Karaeng Allata'ala Kaminang Tinggia. Iami ke'nanga musti napakkuta'nangngi ra'yaka apa kukaerokia, lanri anjo ke'nanga tunisuroKu.

PAOLE 10:8

Anjoreng ri monconga Naallemi Batara tu Lewi nampa Nasa'la' untu' angngurusuki Patti Parjanjianga siagang nalayani Batara, kammayatompa ampabattui kana barakkaka lalang arenNa Batara. Iaminjo tugasa'na ke'nanga sa'genna kamma-kamma anne.

PAOLE 18:5

Battu ri sikontu suku Israel, le'ba'mi Napilei Karaeng Allata'ala anjo suku Lewi untu' a'jari imang sa'genna satunggu-tungguna.

PAOLE 19:17

anjo tau ruaya musti a'lampai mange ri tampa' ibada Napattantua Batara sollanna niadeli ke'nanga ri sikamma imanga siagang haking tugasaka anjo wattua.

PAOLE 21:4

Anjo sapia musti naerangi ke'nanga mange ri tampa' ambania ri binangaya ia tenaya nale'ba' kalotoro' siagang tenayapa nale'ba' nipa'jeko yareka nilamungi buttana. Anjoreng musti natepoki ke'nanga kallonna anjo sapia.