PAOLE 21:22 - KITTA' MATANGKASA'

²² “Punna nia' tau le'ba' nihukkung mate lanri a'gau' ja'dala'na, siagang nigentungi maya'na ri se'reang benteng,

PAOLE 21:22 ပူးပေါင်းရင်းမြစ်များ

PA'JARIANG 40:19

Lalang tallungngalloa anne, lanasuroi karaenga taua ansamballei kallonnu sa'genna tassa'la' ulunnu. Nampa nagentung kalennu ri se'reang benteng, sa'genna battu jangang-janganga angkanrei dagennu.”

2 SAMUEL 21:10

Nampa Rizpa, baine piarana Saul, appaka'rangi kaeng karung untu' kalenna irate ri batu pammantanganna maya'-maya'na. Tena nabokoi Rizpa anjo tampaka appakkaramula ri wattu pakkattoanga sa'genna turung bosia ri wattu runanna leko'-leko' kayua. Tena nakellai anjo mayaka ngaseng nigaru ri jangang-jangang punna allo yareka ri olo'-oloka ri wattu bangngina.

2 SAMUEL 21:6

Lanri kammana anjo, passareangi mae ri kambe tuju tu bura'ne jari-jarina sollanna nagentung ikambe ri dallekanNa Batara ri Gibea, kota kakaraengang kalenna Saul.” Appialimi karaenga angkana, “Baji'mi, lakupassareangi ke'nanga.”

2 SAMUEL 21:9

Nipassareangi ke'nanga mae ri tu Gibeon, nampa mate kabusu'mo ke'nanga nigentung irate ri bontoa ri dallekanNa Batara. Ri wattu kala'busanna wattu paccu'lakkanna lamung-lamunga nanihukkung mate ke'nanga, iamintu ri wattu appakkaramulana taua angngalle jelai.

2 SAMUEL 4:12

Le'baki anjo naparentakammi Daud mae ri ana' buana untu' ambunoi Rekhab siagang Baana. Le'baki nibuno, nipolommi limanna siagang bangkenna ke'nanga nampa nigentung ri ampi'na balanga. Mingka ulunna Isyboset niallei siagang nitarawangi ri anjo kotaya todong, ilalang ri jera'na Abner.

PAMMILANGNGANG 25:4

Nakanamo mae ri Musa, “Jakkala' ngasengi anjo sikontu tau ampimpingai anjo bansaya siagang bunoi ke'nanga ri dallekanna tau jaia untu' anggaukangi parentaKu, sollanna tenamo naKularro mae ri anjo bansaya.”

MATIUS 26:66

Jari antekamma panggappanu ngaseng?” Appialimi ke'nanga angkana, “A'nassami kasalanna. Jari siratangi nihukkung mate.”

MARKUS 14:64

Nulangngere' ngasemmi kana-kananNa, anghinai Allata'ala. Kamma-kamma anne antekamma batenu antappuki?” Natappukimi ke'nanga angkanaya salai Isa, siagang siratangi nihukkung mate.

LUKAS 23:33

Ri wattunna battu ke'nanga mange ri tampa' niarenga “Tangkora',” nisalli'mi Isa siagang anjo ruaya tau ja'dala' – sitau ri kanang na sitau ri kairinna Isa.

LAMPA-LAMPANA 23:29

Kale'bakkanna a'nassai angkanaya tena sikali panggaukang salana ampassiratangi nihukkung mate yareka nitarungku. Iaji bawang nipassalangi ri ke'nanga, lanri atorang-atorang agamana tonji ke'nanga.

LAMPA-LAMPANA 25:11

Punna nia' atorang le'ba' kudakkai siagang nia' panggaukang sala le'ba' kugaukang, nakusiratang nihukkung mate, lakurellakangi kalengku nihukkung mate. Mingka punna tannabaya tuduhanna ke'nanga, tena manna sitau akkulle ampassareangi kalengku mae ri ke'nanga. Kupalaki nakuniadeli ri pangadelanna Karaenga ri Roma!”

LAMPA-LAMPANA 25:25

Mingka tena kugappa manna sirupa panggaukang sala le'ba' nagaukang anne taua, sa'genna siratang nihukkung mate. Na lanri kammana, le'ba'mi napala' kalenna, sollanna anjoreng ri pangadelanna Karaenga niadeli parkarana. Jari le'ba'mi kutappuki sollanna nikiring anne taua mae ri Karaenga ri Roma.

LAMPA-LAMPANA 26:31

Battui ke'nanga assulukang, massing nakanamo para ia ke'nanga, “Anjo taua tena sikali panggaukang sala nagaukang ampassiratangai nihukkung mate yareka nitarungku.”

PAOLE 22:26

Anjo tuloloa takkulleai niapa-apa, lanri tenana nagaukangi apa siratanga nanihukkung matei. Anjo parkara kammaya sangkammai parkarana punna nia' tau ambakkai paranna tau nampa nabuno.

YOSUA 10:26

Nampa nabuno Yosua anjo limaya karaeng nagentung ri lima benteng. Niboli'mi maya'na anjoreng sa'genna karueng.

YOSUA 10:27

Ri wattunna labumo alloa, situru' parentana Yosua, nipanaummi anjo sikamma mayaka nampa nipasambila antama ri anjo kali'bong batu le'baka napammantangngi ke'nanga accokko. Nampa nijempang siagang batu-batu lompo bawana anjo kali'bong batua. Sa'genna kamma-kamma anne nia' iji anjo batu-batua anjoreng.

YOSUA 8:29

Karaenna anjo kotaya nagentungi ri se'reang benteng, nampa nalappassang ammantang anjoreng sa'genna karueng. Ri wattunna labu alloa, nasuromi Yosua taua angngallei anjo mayaka nampa napela' ri dallekang pakke'bu' lompona kotaya. Nampa nitambungi anjo tampaka siagang jai sikali batu. Anjo batu-batua nia' iji anjoreng sa'genna kamma-kamma anne.

1 SAMUEL 26:16

Tena nusanggu' anggaukangi tugasa'nu Abner! Lanri Batara mattallasaka, ikau ngaseng siratangko nibuno, lanri tena nanujagai karaennu, karaeng Napilea Batara. Ciniki sai, kemaei pokena karaenga? Kemaei pammoneang je'ne'na niaka ri ba'leang ulunna sumpaeng?”