PAOLE 21:17 - KITTA' MATANGKASA'

¹⁷ Musti nasarei bageang a'lappi rua battu ri pa'barang-barangnganna mae ri ana' bura'ne toaya, manna pole naanjo anaka teai ana' battu ri baine nikamaseanna. Ha'na ana' toaya musti niakui ri manggena, siagang anjo ana' toaya musti nisarei warisang a'jaria' ha'na situru' hukkunga.”

PAOLE 21:17 ပူးပေါင်းရင်းမြစ်များ

PA'JARIANG 49:3

Ruben, anakku toaya, ikaumi kagassingangku, rappo uruna kaporeangku. Ikau kaminang gammara' siagang kaminang gassing ri alla'na sikontu anakku.

2 KARAENG-KARAENG 2:9

Battuna anta'leang, nakanamo Elia ri Elisa, “Pala'mi apa nukaerokia ri nakke lalang tenanapa Naangkaka' Batara siagang kubokoiko!” Appialimi Elisa angkana, “Kipassareammi mae ri nakke kakoasanta bapa', sollangku akkulle ansambeangki'.”

2 PATTOTTORANG 21:3

Jai sikali nagappa ke'nanga bulaeng, pera' siagang barang-barang lompoa anggaranna maraenga battu ri manggena ke'nanga; siagang massing nisare tongi ke'nanga kota niaka pattahanganna ri Yehuda. Mingka lanri Yehoram ana' bura'ne kaminang toa, iami nipattantu ri Yosafat untu' a'jari karaeng.

PAMMUJI 105:36

Nampa nabuno ngaseng sikontu ana' bura'ne toaya lalang sikontu kaluargana tu Mesir.

LUKAS 15:12

Nakanamo ana'na bungkoa ri Ia, ‘O, Bapa', sareamma' nakke tawaku kamma-kamma anne battu ri pa'barang-baranganta.’ Jari nabagemi pa'barang-baranganna anjo taua mae ri anjo ruaya ana'na.

PAOLE 21:16

Punna ero' anjo taua ampattantui antekamma batena lambagei pa'barang-barangnganna mae ri ana'-ana'na, takkulleai battala' siali mae ri ana' battua ri baine nakamaseanna nanasare anjo anaka bageang siratannaya musti nipassareangi mae ri ana' toaya.

PAPPICINI' 3:14

“Untu' mae ri malaeka'na jama'ah Laodikia, tulisiki kamma anne: Iaminne pappasang battua ri Aminga, Sa'bi tojenga siagang tamamminraya, kabattuanna sikontu apa Napa'niaka Allata'ala.