PAOLE 20:8 - KITTA' MATANGKASA'

⁸ Sikamma komandanga musti napau tongi anne kana kammaya mae ri tantaraya, ‘Niakka ri kau ranggasela siagang malla'? Punna nia', akkullei ammotere'. Punna tena, lanapanraki sumanga'na tau maraenga.’

PAOLE 20:8 ပူးပေါင်းရင်းမြစ်များ

KALAPPASSANG 15:15

Annekkere'mi tu baranina Moab, ca'dimi pa'mai'na tu Kanaan.

PANGNGEBARANG 24:10

Punna tappu' pa'minasako lalang ri kasukkarang, ikau tau lammako.

PAMMILANGNGANG 13:31

Mingka nakana ngasemmo anjo sikamma tau naaganga Kaleb ammotere', “Tena, tena pakkulleta ambunduki ke'nanga. Anjo pandudu'na pa'rasanganga bella kassa'na na ikatte.”

PAMMILANGNGANG 32:9

Anrapi'mi ke'nanga sa'genna ri Ka'bung Lappara' Eskol siagang nacini'mi ke'nanga anjo buttaya. Mingka ri wattunna ammotere' ke'nanga, napakamalla'mi bansa Israel untu' antama' ri butta Napassareanga Batara mae ri ke'nanga.

LUKAS 9:62

Nakanamo Isa ri anjo taua, “Punna appakkaramulamo taua appa'jeko, nampa assaile pole mae ri boko, tena nasiratang a'jari umma'Na Allata'ala.”

1 KORINTUS 15:33

Teako eroki nitipu! Punna a'rappungangko siagang tau ja'dalaka, ma'nassa manna baji' sipa'nu mingka la'jari ja'dala' tommako.

PAOLE 1:28

Jari apa matu-matunta mange anjoreng? Anjo tau nikiringa mange anjoreng napakamalla' maki' lanri nalaporo'na ke'nanga angkana anjo bansa niaka anjoreng la'bi kassakangngangi siagang la'bi baraniangngangi na ikatte, kammayatompa lalangi ke'nanga ammantang ri kota-kota nikallika tembo' kammaya langi' tinggina. Acciniki ke'nanga rassasa anjoreng!’

PAOLE 20:9

Punna le'ba'mi sikamma komandanga a'bicara mae ri tantaraya, musti nijo'jo'mi siapa area pamimping untu' massing-massing kasatuanga.

PAOLE 23:9

“Ri wattunnu sitabang a'bundu', musti nuliliangi sikamma apa akkullea ampa'jari ra'masakko.

PAPPICINI' 21:8

Mingka tau balloranga, tau a'bali' ballanga, tau bambalaka pabuno-bunoa, tau pagau' bawanga, tau ammakea pangngissengang siagang baca-baca, tau anynyombaya barhala, kammayatompa sikontu tau paballe-ballea, lanipelaki antama' ri tamparang pepeka siagang bara a'rinra-rinraya, iamintu kamateang makaruaya.”

PAPPICINI' 3:16

Mingka kammu'-kammu' kanukuko: tena nubambang, tena todong nudinging. Iaminjo saba'na nalaKulangngeangko assulu' battu ri bawaKu.

HAKING-HAKING 7:3

Jari, pauammi taunnu angkanaya, ‘Inai-nai nabattui malla', musti akkaro-karoi nabokoi anne Moncong Gilead nammotere' mange ri balla'na.’ ” Jari nia' 22.000 tau ammotere'. Ia ammantanga nia' mamo 10.000 tau.