PAOLE 20:7 - KITTA' MATANGKASA'

⁷ Niakka ri kau tau le'ba' assuro untu' a'bunting? Punna nia', akkullei ammotere'. Nasaba' punna matei lalang pa'bundukang, tau maraeng lambuntingi anjo tau napassuroia.’

PAOLE 20:7 ပူးပေါင်းရင်းမြစ်များ

MATIUS 1:18

Ia kalassukanNa Isa Almasi kammai anne lampa-lampana. Amma'Na niarenga Maria, eroki nipasialle siagang Yusuf. Mingka lalang tenanapa nasialle ke'nanga, apaji natianammo Maria lanri gau' makoasa battua ri RohNa Allata'ala. Na tanaassenga Yusuf angkanaya lanri gau' makoasa battu ri RohNa Allata'ala natianang anjo Maria.

PAOLE 20:6

Niakka ri kau beru a'lamung anggoro' ri kokonna nampa tenapa nasawe angngallei rapponna anggoro'na? Punna nia', akkullei ammotere'. Saba' punna matei lalang pa'bundukang, tau maraeng langkabajikangi anjo je'ne' anggoro'na.

PAOLE 24:5

“Punna nia' bura'ne beru bunting, takkulleai nisuro antama tantara siagang nisuro a'lampa mange a'bundu' yareka nisare tugasa' maraengannaya. Musti nipakabebasaki battu ri tugasa'na lalang sitaung untu' angngurusuki ruma tanggana siagang ampakasannangi nyawana bainenna.

PAOLE 28:30

Punna tena numannuruki ri Karaeng Allata'alanu, anne kammaya lantujuko: La'bayuangko, mingka tau maraeng lambuntingi bayuannu. Lambangungko balla', mingka tena nanupammantangngi. Lanulamungi koko anggoro'nu, mingka tanukanreai rapponna.

2 TIMOTIUS 2:4

Surudadu sitabanga anggaukangi tugasa'na, takkulleai urusang kalenna naparutusu', lanri eroki napakasannang pa'mai'na komandanna.