PAOLE 20:19 - KITTA' MATANGKASA'

¹⁹ Punna nubunduki se'rea kota siagang nukulilingi untu' wattu sallo, teako anna'bangngi poko'-poko' rappo-rappoang niaka anjoreng. Kanrei rapponna, mingka teako panraki poko'na, nasaba' anjo poko'-pokoka teai musunnu.

PAOLE 20:19 ပူးပေါင်းရင်းမြစ်များ

2 KARAENG-KARAENG 3:19

Sikontu kotana ke'nanga ammakea pattahangngang siagang ga'ga-ga'gaya lanurumbang kabusuki; sikontu poko' kayu rappo-rappoanna ke'nanga lanuta'bangi, sikontu timbuseng je'ne'na lanutongkoki, kammayatompa koko-koko copponga buttana lanusambilai batu sa'genna panra' tabasikali.”

2 KARAENG-KARAENG 3:25

siagang narumbang kota-kotana ke'nanga. Sikamma koko-koko coppong naoloa ke'nanga nasambilai batu. Kale'bakkanna sikontu kokoa katongkokang kabusu'mi ri batu. Natongko' tommi tu Israel sikontu timbuseng je'neka siagang nata'bammi sikontu poko' kayu rappo-rappoanga. Niaka ammantang tassesa iamintu kota Kir-Hareset mami, ibukotana Moab. Kala'busanna manna anjo kotaya nikurummi siagang nisambilai batu ri sikamma pasambilaya.

YEREMIA 6:6

Le'ba'mi Naparentakang Batara Kaminang Koasaya anjo sikamma pamarentaya sollanna anna'bang poko'-poko' kayu nampa appaenteng pattahangngang ri sikamma bulu'-buluka untu' antammulili Yerusalem. Nakana Batara, “LaKuhukkungi anne kotaya lanri jai sikali panggaukang anjallakkang ilalang.

MATIUS 21:19

Nia' nacini' se're poko' ara ri biring aganga. Mangemi anjoreng ri poko' araya. Mingka manna sibatu tania' Nacini' rapponna pantaranganna leko-leko'na bawang. Nakanamo Isa ri anjo poko' araya, “Tenamo nukkulle a'rappo pole!” Nakalumeng memammo silalonna anjo poko' araya.

MATIUS 3:10

Sadiami pangkulu' lanipata'banga ri poko' kayua sa'genna ri aka'-aka'na. Sikamma poko' kayu tenaya nabaji' rapponna lanita'bangi nampa nipela' antama' ri pepeka.

PAOLE 20:18

Bunoi ke'nanga, sollanna tena napa'jariko ke'nanga doraka mae ri Karaeng Allata'alanu lanri naajara'nu anggaukangi panggaukang-panggaukang appakaringi'-ringika untu' rewata-rewatana ke'nanga.

PAOLE 20:20

Poko'-poko' maraenganga akkullei nuta'bang untu' nupare' kalli' pakkulilingang sa'genna nubeta anjo kotaya.”

PAOLE 26:6

Sekke' sikalimi panggaukanna tu Mesir mae ri kambe, siagang napassami ikambe anjama sangkamma ata.