PAOLE 20:16 - KITTA' MATANGKASA'

¹⁶ Mingka punna anjo kotaya niaki lalang ri daera Napassareanga Karaeng Allata'ala mae ri kau, sikontu pandudu'na musti nibunoi.

PAOLE 20:16 ပူးပေါင်းရင်းမြစ်များ

PAMMILANGNGANG 21:35

Nanabetamo tu Israel siagang nabunomi anjo Karaeng Og, kammayatompa sikamma ana'-ana'na siagang sikontu ra'ya'na; tenamo ammantang tassesa. Nampa naempoimo ke'nanga anjo pa'rasanganga.

PAMMILANGNGANG 31:17

Jari, kamma-kamma anne buno ngasengi sikamma ana'-ana' bura'nea siagang sikamma tubaine tenayamo natulolo.

PAMMILANGNGANG 33:52

musti nubongkai sikontu pandudu'na anjo pa'rasanganga. Ancuru' ngasengi sikontu barhalana ke'nanga battua ri batu siagang bassi-bassiang kammayatompa tampa'-tampa' ibadana ke'nanga.

PAOLE 20:15

Kammaminjo musti nugaukang mae ri kota-kota bellaya battu ri pa'rasangang nupammantangngia.

PAOLE 20:17

Situru' parentaNa Karaeng Allata'alanu, musti nuancuruki tu Het, Amori, Kanaan, Feris, Hewi siagang Yebus.

PAOLE 24:4

Lalang ri anjo ruaya passala', anjo bura'ne rioloa takkulleai a'bunting poleang siagang anjo bainea; musti nacini' kammai baine ra'masa'. Punna kamma nabuntinginna tonja pole, anjo panggaukang kammaya a'jari panghinaangi mae ri Karaeng Allata'alanu. Ikau takkulleako anggaukangi dosa ja'dala' kammaya anjo ri pa'rasangang Napassareanga Batara mae ri kau.”

PAOLE 31:5

LaNasareko pammetang Batara mae ri ke'nanga, nampa musti nupareki ke'nanga sangkamma apa kupaua mae ri kau.

PAOLE 4:21

Mingka a'jari larromi Karaeng Allata'alanu mae ri nakke passabakkang ikau ngaseng, siagang assumpami angkanaya tena nalakulimbang Binanga Yordan untu' antama' ri butta coppong le'baka Napassareang mae ri kau.

PAOLE 7:16

Sikamma bansa Napassareanga Karaeng Allata'alanu ri kakoasannu musti nuancuruki; teako kamaseangngi ke'nanga. Teako anynyombai ri rewata-rewatana ke'nanga, lanri anjo panggaukang kammaya napangngerangangko bala.

YOSUA 10:20

Nabunomi Yosua siagang tu Israel tu Amoria, mingka nia' todong ri ke'nanga lari mange ri kotana ke'nanga, sa'genna tena nibunoi.

YOSUA 10:28

Anjo alloa nabundukimi Yosua kota Makeda, na nabetamo anjo kotaya siagang karaenna. Nabuno ngasemmi sikontu pandudu'na; tena manna sitau nilappassang attallasa'. Nagaukammi Yosua mae ri anjo karaeng Makeda sangkamma apa le'baka nagaukang mae ri karaeng Yerikho.

YOSUA 10:40

Sikontu anjo pa'rasanganga nibeta ngasemmi ri Yosua. Nabetai anjo sikamma karaenga ri daera pa'monconganga, ri pungku'na bulu'-bulu' irayaya, ri bangkenna moncong-moncong bageang ilauka, kammayatompa ri parang-parang bageang timboroka. Tena manna sitau nalappassang attallasa'; nibuno kabusuki. Anjo kammaya situruki parenta battua ri Batara, Allata'alana Israel.

YOSUA 11:14

Sikontu pandudu'na anjo kotaya nibuno ngasemmi; tena manna sitau nilappassang attallasa'. Mingka sikontu barang-baranna niaka anggaranna siagang olo'-olo' piarana niallei ri tu Israel nampa nakammai ke'nanga.

YOSUA 6:24

Nampa natunu tantara Israel sikontu anjo kotaya siagang sikontu apa-apa niaka lalang, pantaranganna barang-barang bulaenga, peraka, tambagaya siagang bassia. Anjo barang-barang kammaya naallei ke'nanga siagang naerangi mange ri tampa' pammolikang barang-baranNa Batara.

YOSUA 8:25

Tulusu' naangka'na pokena Yosua a'dalle' mange ri kota Ai, siagang tanapanaungai limanna sa'genna le'ba' ngasemmo nibuno tu Ai. Anjo memang alloa mate ngasemmi sikontu pandudu'na Ai, kira-kira 12.000 tau jaina, bura'ne baine.

YOSUA 8:8

Punna nupantamakkimi, tunumi anjo kotaya, situru' apa Naparentakanga Batara. Iaminjo tugasa'nu ngaseng.”

YOSUA 9:24

Appialimi ke'nanga angkana, “Nappakamma anjo ikambe lanri nalangngere'namo ikambe angkanaya anjo Karaeng Allata'ala kisombaya le'ba'mi Nasuro Musa, anjo atanNa, ampassareangi mae ri katte sikontu anne pa'rasanganga siagang ambunoi sikontu pandudu'na ri wattunna kialle anjo buttaya. Malla' dudumi ikambe angkana gassingka kibunoi ikambe; iaminjo saba'na nanagaukang ikambe sikammaya anne.

YOSUA 9:27

Mingka napa'jari atami anjo ke'nanga, iamintu a'jari pabisa' kayu siagang papisang je'ne' mae ri tu Israel siagang untu' tampa' pakkoro'bangnganNa Batara. Sa'genna kamma-kamma anne tuli nagaukanna ke'nanga anjo jama-jamang kammaya ri tampa' le'baka Napile Batara a'jari tampa' ibada mae ri Ia.

YOSUA 9:7

Mingka nakana ngasemmo tu Israel, “Untu' apa namusti appare' parjanjiang ikambe siagang ikau ngaseng? Gassingka ambaniji anrinni pammantangannu!”

1 SAMUEL 15:3

Jari a'lampako siagang bunduki tu Amalek na nuancuru' sikamma apa-apanna ke'nanga. Teako niakki apa-apa nuboli' tassesa. Bunoi sikontu tu bura'nea, bai'-bainea, ana'-anaka, siagang ana' loloa. Kammayatompa sapia, gimbalaka, untaya siagang keledaia.”