PAOLE 20:11 - KITTA' MATANGKASA'

¹¹ Punna nasungkei sikamma pakke'bu' lompona ke'nanga nampa manyara, anjo ke'nanga musti a'jari atannu ngasengi siagang nusuroi anggaukangi jama-jamang passaya.

PAOLE 20:11 ပူးပေါင်းရင်းမြစ်များ

1 KARAENG-KARAENG 5:1

Hiram, karaeng Tirus, tuli agangi siagang Karaeng Salomo. Nalangngere'na Hiram angkanaya a'jari karaemmi Salomo ansambeangi Daud manggena, akkirimmi tunisuro mange ri Salomo.

2 KARAENG-KARAENG 6:22

Appialimi Elisa angkana, “Teaki'! Ba'lalo tantara kijakkalaka lalang pa'bundukanga natakkullea kibuno, la'biangampa anne. Kisarei ke'nanga kanre siagang je'ne' inung, nampa kilappassang ammotere' ke'nanga mange ri karaenna.”

PAMMUJI 120:7

Punna kubicara passala'na passiamakkanga, pa'bundukang nakaeroki ke'nanga.

LUKAS 19:14

Mingka sanna' nikabirisinna ri tuma'buttana anjo pa'rasanganga. Jari ri wattunna a'lampamo anjo tu nipakala'birika, nia'mo nasuro ke'nanga mange ampaui angkanaya teami ke'nanga angkaraengangi anjo karaenga.

PAOLE 20:10

Punna a'lampako ambunduki se'rea kota, sarei rolong kasampatang pandudu'na untu' manyara.

PAOLE 20:12

Mingka punna taeroka manyara pandudu'na anjo kotaya, siagang erokangngangi a'bunduka, musti nukulilingi anjo kotaya.

YOSUA 16:10

Mingka suku Efraim tena nanabongkai tu Kanaan battu ri daera Gezer. Iaminjo saba'na nasa'genna kamma-kamma anne nia' iji tu Kanaan ammantang ri Gezer sipammantangngang siagang tu Efraim, mingka nipassai ke'nanga anjama salaku ata mae ri tu Efraim.

YOSUA 9:27

Mingka napa'jari atami anjo ke'nanga, iamintu a'jari pabisa' kayu siagang papisang je'ne' mae ri tu Israel siagang untu' tampa' pakkoro'bangnganNa Batara. Sa'genna kamma-kamma anne tuli nagaukanna ke'nanga anjo jama-jamang kammaya ri tampa' le'baka Napile Batara a'jari tampa' ibada mae ri Ia.

YOSUA 9:8

Angkanami ke'nanga, “Manna apa kipassuroang ri kambe, tena tarellana pa'mai'na ikambe anggaukangi.” Akkuta'nammi Yosua ri ke'nanga angkana, “Inai ngasengko antu? Battu ri pa'rasangang kemaeko?”

YOSUA 9:9

Appialimi ke'nanga angkana, “Battu ri pa'rasangang bella dudui ikambe karaeng, lanri nalangngere'namo ikambe ri passala'na Karaeng Allata'ala kisombaya. Nalangngere'mi ikambe sikontu apa Nagaukanga ri Mesir,

HAKING-HAKING 1:28

Memang ri pila' katambannamo kassa'na tu Israelka napassami tu Kanaan ampanjama-jamangi ke'nanga. Mingka tena nanabongkai tabasikali ke'nanga anjo tu Kanaan battu anjoreng.