PAOLE 2:7 - KITTA' MATANGKASA'

⁷ U'rangi antekamma bateNa Karaeng Allata'alanu le'ba' ambarakkakiko lalang sikontu apa nugaukanga. Naparakaiko siapa sallonu lalang ri pa'la'bakkannu a'jappa ri anne parang lompoa. Nala'langngiko lalang anne patampulo taunga siagang Nasareko sikontu apa nuparalluanga.

PAOLE 2:7 ပူးပေါင်းရင်းမြစ်များ

PA'JARIANG 12:2

LaKusareko bija majai, siagang laKupa'jari ke'nanga bansa lompo ri lino. LaKubarakkakiko siagang laKupa'jari masahoroki arennu, sa'gennu la'jari barakka'.

PA'JARIANG 24:35

Sanna' nibarakkakinna karaengku ri Batara, siagang nipa'jarimi sanna' kalumanynyanna. Nisaremi ri Batara sanna' jaina gimbala', bembe, sapi, unta, keledai, kammayatompa pera', bulaeng, siagang pole suro-suro bura'ne siagang baine.

PA'JARIANG 26:12

Appakioro'mi bine siagang a'lamung-lamummi Ishak anjoreng ri pa'rasanganga. Nanggappamo wassele' a'lappi sibilangngang battu ri apa napakioroka, lanri nibarakkakinna ri Batara.

PA'JARIANG 30:27

Nakanamo Laban ri ia, “Pilangngeri rolong. Anggappa' pakkasia' angkanaya nibarakkakia' ri Batara lanri ikau.

PA'JARIANG 39:3

Nacini'mi karaenna angkana nitulungi ri Batara anjo Yusuf. Na lanri kammana minjo nanjari ngasemmo siagang baji' sikontu apa najamaya.

PA'JARIANG 39:5

Appakkaramula anjo wattua, passabakkang Yusuf, nibarakkakimi bone balla'na anjo tu Mesirka kammayatompa sikontu barang-baranna, baji' niaka lalang balla' kammayatompa niaka ri kokoa.

NEHEMIA 9:21

Patampulo taung sallona ri parang lompoa, Kipa'gannaki sikamma kaparalluanna ke'nanga. Pakeanna ke'nanga tale'bakai panra'; bangkenna ke'nanga tapa'risai yareka takkambangai.

AYUB 23:10

Mingka Naassengi sikontu jappaku kammayatompa tunggala' dakkaku. Punna sanrapanga' bulaeng kuniuji, la'nyatami angkana ti'noki pa'maikku.

PAMMUJI 1:6

Saba' tu mannurukia niului siagang nijagai ri Batara, mingka tu ja'dalaka mangngolo mange ri possoka.

PAMMUJI 107:4

Nia' a'la'bang mange-mange ri parang lompoa, tanaassenga oloang mange ri pammantangnganga ri kotaya.

PAMMUJI 31:7

Tau anynyombaya barhala Kikabirisi; mingka inakke tappaka' mae ri Batara.

PAMMUJI 90:17

O, Batara Allata'alana ikambe, Kibarakkaki ikambe, sollanna angngerang wassele' sikamma jama-jamanna ikambe.

KALAPPASSANG 16:35

Anjo mannaya a'jari kanrena tu Israel patampulo taung ribokoanganna, sa'genna battu ke'nanga mange ri Kanaan, tampa' pammantangang situlina ke'nanga. (

HOSEA 13:5

Ri butta kalotoroka ri parang lompoa, iNakke anjagaiko.

AMOS 2:10

Le'ba' mako Kuerang assulu' battu ri Mesir, siagang Kururunganga allalo ri parang kassika patampulo taung sallona. Buttana tu Amori le'ba'mi Kupassareang mae ri kau a'jari pa'rasangannu.

PAMMILANGNGANG 1:1

Ri tanggala' se're bulang rua lalang taung makarua nabokoinamo bansa Israel butta Mesir, a'bicarami Batara mae ri Musa lalang ri KemaNa Batara ri parang lompona Sinai. Nakana,

PAMMILANGNGANG 14:33

Patampulo taungi ana'-ana'nu la'jappa ri parang lompoa. Lanri tena namajarre' pa'mai'nu, lasessai ana'-ana'nu, sa'genna matemo tau kala'busanga ri kau.

PAMMILANGNGANG 14:34

Lanukasiaki kale'bakkang kodina dosanu lalang patampulo taung sallona; sitaunga nirekengi untu' siallo battu ri patampulo alloa nupake untu' ansalidiki anjo pa'rasanganga. Lanuassengi angkanaya antekamma kasia'na punna angngewako ri Nakke!

PAMMILANGNGANG 22:12

Nakanamo Allata'ala ri Bileam, “Teako a'lampai siagang anjo taua, siagang teako tunrai anjo bansaya, nasaba' anjo ke'nanga le'baki Kubarakkaki.”

PAMMILANGNGANG 32:13

Larroi Batara mae ri bansa Israel sa'genna Nalappassang ke'nanga a'la'ba' a'lampa ri parang lompoa patampulo taung sallona, sa'genna sikontu anjo tau angngewaya mae ri ia mate ngasemmi.

LUKAS 22:35

Le'baki anjo Nakanamo Isa ri ke'nanga, “Pirangalloang, ri wattunnu Kusuro a'lampa, tena Kukellaiko angngerang pammoneang doe', kocikang yareka sapatu. Apaka kakurangangko anjo wattua?” Appialimi ke'nanga angkana, “Tena!”

YOHANES 10:27

GimbalakKu napilangngeri sa'rangKu. Kuassengi ke'nanga, namminawangi ke'nanga ri Nakke.

PAOLE 1:19

“Nampa situru' parentaNa Karaeng Allata'alata, nibokoimi Moncong Sinai nampa a'jappaki' ri parang lompoa siagang sannaka heba'na mange ri daera monconna tu Amori. Ri wattunta battu mange ri Kades-Barnea,

PAOLE 1:46

“Le'baki anjo ammantang maki' ri Kades teai sipato' sallona.

PAOLE 2:14

Anjo kajariangi ri wattunna tallumpulo assagantuju taung le'ba'namo nibokoi Kades-Barnea. Sikontu tantaraya ri anjo silapisika turungang mate ngasemmi sangkamma Nakananga Batara.

PAOLE 2:6

Akkulleko ammalli kanre-kanreang yareka inungang battu ri ke'nanga.’

PAOLE 29:4

Mingka sa'genna kamma-kamma anne tenapa Nasareko kasampatang untu' ampahang kabusuki angkana apa battuanna anjo apa le'baka nucini'.

PAOLE 29:5

Patampulo taungi sallona Batara ampimpingko a'jappa ri parang lompoa, mingka tena na'jari toa pakeannu siagang sandala'nu.