PAOLE 2:33 - KITTA' MATANGKASA'

³³ Mingka nipassareammi anjo karaenga mae ri katte ri Karaeng Allata'alata, sa'genna nibetamo siagang ana'-ana'na kammayatompa sikontu tantarana.

PAOLE 2:33 ပူးပေါင်းရင်းမြစ်များ

PA'JARIANG 14:20

Nipujimi Allata'ala Kaminang Tinggia, assareako pammetang mae ri musunnu.” Le'baki anjo napassareammi Abram mange ri Melkisedek bage sampulona sikontu anjo barang le'baka nirampasa' nanaalle naerang ammotere'.

PAMMUJI 136:19

Sihon, karaeng Amori; pangngamaseanNa sa'genna satunggu-tungguna;

KALAPPASSANG 23:31

Sikamma pa'baeng-baenna pa'rasangannu laKupattantui battu ri Tamparang Akaba sa'genna mae ri Binanga Efrat, kammayatompa battu ri Tamparang Tangngaya sa'genna mae ri parang lompoa. LaKusareko koasa mae ri pandudu'na anjo pa'rasanganga, sa'genna akkulle nubongka ke'nanga ri wattunnu maju untu' angngallei anjo buttaya.

PAMMILANGNGANG 21:24

Mingka jai tu Amori nibuno ri tu Israel lalang ri anjo pa'bundukanga. Nampa niempoimo ri tu Israel daerana ke'nanga appakkaramula battu ri Binanga Arnon sa'genna mange ri Binanga Yabok, iamintu pa'baeng-baenna daera Amon, nasaba' anjo pa'baeng-baenga sanna' kassa'na pattahanganna.

PAOLE 2:32

Nabattumo Sihon siagang sikontu pasukanna untu' ambundukiki' ri ampi'na kota Yahas.

PAOLE 20:16

Mingka punna anjo kotaya niaki lalang ri daera Napassareanga Karaeng Allata'ala mae ri kau, sikontu pandudu'na musti nibunoi.

PAOLE 29:6

Tena roti lanukanre siagang tena je'ne' anggoro' yareka inungang terasa' lanuinung, mingka Nasareko Batara sikontu apa nuparalluanga sollanna nuasseng angkanaya Iami Karaeng Allata'alanu.

PAOLE 7:2

Punna Napassareang Karaeng Allata'alanu anjo bansa-bansaya antama ri kakoasannu siagang nubeta ke'nanga, buno ngasengi anjo ke'nanga. Teako kamaseangi ke'nanga siagang teako appareki parjanjiang siagang ke'nanga.

YOSUA 21:44

Jari situru' apa Napa'janjianga Batara mae ri boe-boena ke'nanga, a'jari amammi anjo pa'rasanganga lanri nila'langngi ri Batara. Manna se're tania' battu ri musu-musunna ke'nanga akkulle angngewai ke'nanga, lanri Batara assarei ke'nanga pammetang mae ri sikontu musunna ke'nanga.

HAKING-HAKING 1:4

siagang suku Yehuda mange a'bundu'.” Na nisaremo ke'nanga pakkulle battu ri Batara sa'genna nabetamo tu Kanaan siagang tu Feriska. Nia' sampulo sa'bu tantarana musua mate ri Bezek.

HAKING-HAKING 7:2

Nakanamo Batara ri Gideon, “Jai dudui taunnu. Tena Kuero' assarei pammetang mae ri tu Midianga. Nasaba' nakana sallang ke'nanga, ammetai lanri kagassingang kalenna ke'nanga, sa'genna teaimi Nakke napakalompo.