PAOLE 2:31 - KITTA' MATANGKASA'

³¹ Nampa Nakana Batara ri nakke, ‘Anjo Karaeng Sihon siagang pa'rasanganna Kupassareangi mae ri kau; allemi siagang pammantangngimi anjo pa'rasanganga.’

PAOLE 2:31 ပူးပေါင်းရင်းမြစ်များ

PAOLE 1:8

INakke, Batara, le'ba' ampa'janjiangi sikontu anjo buttaya mae ri boe-boenu iamintu Abraham, Ishak siagang Yakub kammayatompa mae ri jari-jarina ke'nanga. Jari a'lampa mako mange ampammantangngi anjo buttaya.’ ”

PAOLE 2:24

“Le'ba'namo nilaloi daera Moab, Nakanamo Batara ri nakke, ‘Kamma-kamma anne a'lampa mako allimbangi Binanga Arnon. LaKupassareangi mae ri kau Karaeng Sihon, iamintu karaeng Amori ammarentaya ri Hesybon, kammayatompa sikontu pa'rasanganna. Bunduki anjo karaenga, nampa nupammantangngi buttana.

PAOLE 2:30

Mingka tena napa'biangki' Karaeng Sihon ammalo ri anjo pa'rasanganna. Nipa'jari kapala batumi ri Karaeng Allata'alanu siagang nakellai duduki' ambetai anjo Karaeng Sihon. Sa'genna kamma-kamma anne nipammantangngi iji daerana.

PAOLE 2:32

Nabattumo Sihon siagang sikontu pasukanna untu' ambundukiki' ri ampi'na kota Yahas.