PAOLE 2:25 - KITTA' MATANGKASA'

²⁵ Appakkaramula anne alloa laKupa'jariko tunikamallakkang ri bansa-bansaya ri kere-keremae. Sikamma taua lannekkereki napakamma malla' punna nalangngereki kabara'nu.’ ”

PAOLE 2:25 ပူးပေါင်းရင်းမြစ်များ

PA'JARIANG 35:5

Ri wattu a'lampana Yakub siagang rombonganna, nipibattuimi malla' ri Allata'ala sikontu tau niaka ri anjo kotaya, sa'genna tena nabarani ke'nanga angngondangi Yakub siagang rombonganna.

1 PATTOTTORANG 14:17

Jari masahoro'mi arenna Daud ri kere-keremae, siagang nipa'jari malla' ngasemmi anjo sikontu bansaya ri Batara mae ri Daud.

PAMMUJI 105:38

Tu Mesir nitujui ri malla' siagang malla' lompo, jari sannammi ke'nanga a'lampana tu Israel.

KALAPPASSANG 23:27

Sikamma bansa nubattuia laKupa'jari malla' ngasengi mae ri Nakke; laKukacoi ke'nanga; sikontu musunnu la'giling ngasengi nampa lari.

YEREMIA 33:9

Yerusalem la'jari karannuangKu siagang kalompoanna nyawaKu. Sikontu bansaya ri lino la'jari mallaki siagang annekkereki kammayatompa lappakalompoi ri Nakke, punna nalangngereki passala'na kabajikang Kugaukanga untu' pandudu'na Yerusalem, siagang kakalumanynyangngang Kupassareanga mae ri anjo kotaya.”

PAOLE 11:25

Ri sikontu anjo pa'rasanganga laNapa'jari malla' ngasengi Karaeng Allata'alanu sikontu taua mae ri kau sangkamma le'baka Napa'janjiang, sa'genna manna sitau tania' akkulle anrompaiko.

PAOLE 28:10

Jari sikontu bansaya ri anne linoa lanaciniki angkanaya ikaumi bansa Napilea Batara, siagang langngali'mi ke'nanga mae ri kau.

YOSUA 10:2

Teaimi sipato' malla'na pandudu'na Yerusalem, nasaba' anjo Gibeon kota lompo; sangkammai lompona siagang kota-kota niaka karaenna, ba'lalo lompoangangi nakota Ai. Manna taunna sangnging tau barani siagang tau cara'de' a'bundu'.

YOSUA 9:24

Appialimi ke'nanga angkana, “Nappakamma anjo ikambe lanri nalangngere'namo ikambe angkanaya anjo Karaeng Allata'ala kisombaya le'ba'mi Nasuro Musa, anjo atanNa, ampassareangi mae ri katte sikontu anne pa'rasanganga siagang ambunoi sikontu pandudu'na ri wattunna kialle anjo buttaya. Malla' dudumi ikambe angkana gassingka kibunoi ikambe; iaminjo saba'na nanagaukang ikambe sikammaya anne.

PAPPICINI' 3:9

U'rangi anne: Anjo tau a'jaria umma'na Billisika, paballe-balle nakanaya kalenna tu Yahudi, na sikontutojenna teai, laKupakkulantuki assu'ju' ri dallekannu ngaseng. Nalanaasseng ke'nanga angkanaya Kukamaseang ngasengko.