PAOLE 2:23 - KITTA' MATANGKASA'

²³ Butta niaka ri siapa are la'buna ri biring Tamparang Tangngaya nipammantangngi ri tu battua ri pulo Kreta. Le'baki ke'nanga naancuru' tu Awi, iamintu pandudu' uru-uruna anjo pa'rasanganga, nampa napammantangngi ke'nanga anjo daeraya sa'genna mae ri kota Gaza ri patimboro'na.)

PAOLE 2:23 ပူးပေါင်းရင်းမြစ်များ

PA'JARIANG 10:14

Patrusim, Kasluhim, siagang Kaftorim. Bansa Kasluhim, iaminjo a'jari boe-boena bansa Filistin.

PA'JARIANG 10:19

sa'genna luara'na pa'rasanganna ke'nanga iamintu appakkaramula pa'bambaeng-baenna battu ri Sidon a'lampa timboro' sa'genna Gerar, sa'genna ri ampi'na Gaza, siagang a'lampa anrai' mange ri Sodom, Gomora, Adma, siagang Zeboim, sa'genna ri ampi'na Lasa.

2 KARAENG-KARAENG 18:8

Nabetai tu Filistin, siagang naalleangi tampa' pammantanganna ke'nanga, battu ri desa kaminang ca'dia sa'genna kota kaminang lompoa, kammayami Gaza siagang daera niaka ri tammulilina.

1 PATTOTTORANG 1:12

Patrusim, Kasluhim siagang Kreta. Iaminne ke'nanga boe-boena tu Filistin.

YEREMIA 47:4

Narapi'mi wattunna bansa Filistin nipanraki kabusu', sa'genna tenamo nanggappa bantuang Tirus siagang Sidon. INakke, Batara, ampanraki kabusuki sikontu tu Filistin niaka tassesa battu ri Kreta.

AMOS 9:7

Nakana Batara, “He umma' Israel, Kuparhatikangi tu Sudan sangkamma batenu Kuparhatikang. Kuerangi tu Filistin battu ri Kreta siagang tu Siria battu ri Kir sangkamma ikau Kuerangko battu ri Mesir.

ZEFANYA 2:4

Ri kota Gaza tena manna sitau lanipasalama'. Askelon lasinoi tena bonena. Pandudu'na Asdod lanibongkai lalang pa'bundukang ti'ring battua ri tangngana alloa, siagang pandudu' Ekron lanisuroi a'lampa battu ri kotana ke'nanga.

ZAKHARIA 9:5

Kota Askelon siagang Gaza lanaciniki anjo kajarianga sa'genna a'jari malla'. Lanacini' tongi Ekron na tappela'mo sikontu panrannuanna. Gaza latappelaki karaenna, siagang Askelon la'jari sinoi tena bonena.

LAMPA-LAMPANA 17:26

Battu ri se'rea tau Nanapa'jari sikontu bansaya, nampa Nasuro ke'nanga ampammantangi sikontu buttaya. Iatommi ampattantui battu ri uru-uruna angkana kemae sa'genna siagang kemaei akkulle ammantang rupataua.

YOSUA 10:41

Nabetai Yosua daera-daera battua ri Kades-Barnea ri bageang timboro' sa'genna mange ri Gaza ri ampi'na daera biring tamparanga, kammayatompa sikontu daera Gosyen, tulusu' sa'genna mange ri Gibeon bageang wara'.

YOSUA 11:22

Tena manna sitau battu ri bansa Enak ammantang tassesa ri daera Israel; ia mami niaka iamintu niaka ri Gaza, Gat, siagang Asdod.

YOSUA 13:3

kammayatompa sikontu daera Awi a'lampa timboro'. (Daera battu ri Binanga Sikhor ri pa'baeng-baenna Mesir sa'genna mange ri pa'baeng-baenna Ekron ri bageang wara', yangasenna anjo antamaki daerana bansa Kanaan; siagang karaeng-karaenna tu Filistin ammantangi ri Gaza, Asdod, Askelon, Gat siagang Ekron.)

YOSUA 15:47

Kammayatompa Asdod siagang Gaza siagang kota-kota ca'di siagang pole desa-desa niaka tassiara' sa'genna mange ri ampi'na pangka binangaya ri pa'baeng-baenna Mesir siagang birinna Tamparang Tangngaya.

HAKING-HAKING 1:18

Nitulummi tu Yehudaya sa'genna akkulle nabeta passa daera niaka ri moncong-monconga. Mingka takkulleai nabeta ke'nanga kota Gaza, Askelon, yareka pole Ekron siagang sikamma daera niaka ri tammulilina. Saba'na kaanjo bansa-bansa niaka ri biring tamparanga nia'mo kareta-kareta bassina, untu' napake a'bundu'. Jari takkulleai tu Yehudaya angngondangi ke'nanga.