PAOLE 2:13 - KITTA' MATANGKASA'

¹³ “Nampa a'limbangki' ri Binanga Zered situru' parentaNa Batara mae ri katte.

PAOLE 2:13 ပူးပေါင်းရင်းမြစ်များ

PAMMILANGNGANG 13:23

Nampa battumo ke'nanga mange ri Ka'bung Lappara'na Eskol. Anjoreng ri tampaka ammolommi ke'nanga sitangke rappo anggoro' sannaka battala'na, sa'genna musti nibule' rua. Angngerang tommi ke'nanga piram batu are rappo delima siagang rappo ara.

PAMMILANGNGANG 21:12

Nampa akkema ke'nanga ri Ka'bung Lappara'na Zered.

PAMMILANGNGANG 21:13

Battu anjoreng a'lampami pole ke'nanga nampa akkema ri ba'leanna Binanga Arnon, ri parang lompo niaka ri daera Amori. Iaminjo Binanga Arnon a'jari pa'baeng-baenna daera Moab siagang daerana tu Amori.

PAOLE 2:12

Riolo tu Hori ammantang ri Edom, mingka nibongkai siagang niputtai ri jari-jarina Esau, nampa napammantangngi buttana ke'nanga; kamma tomminjo sallang tu Israel, lanabongkai musu-musunna ke'nanga battu ri butta Napassareanga Batara mae ri ke'nanga.)

PAOLE 2:14

Anjo kajariangi ri wattunna tallumpulo assagantuju taung le'ba'namo nibokoi Kades-Barnea. Sikontu tantaraya ri anjo silapisika turungang mate ngasemmi sangkamma Nakananga Batara.